ABỌ 9
De Ẹghẹ Ne Paradais Khian Ya Rre?
Ọlọghọmwa ni rre uhunmwu otagbọn na rhiẹre ma wẹẹ, Arriọba Osanobua gha rherhe rre. Luk 21:10, 11; 2 Timoti 3:1-5
Emwi nibun ni sunu vbe ẹdẹnẹrẹ keghi re emwi ne Baibol ka ta yotọ. E Baibol khare wẹẹ emwa gha hoẹmwẹ igho, emọ i ghi họn ẹmwẹ ne evbibiẹ iran, emwa ghi gha khọọ, iran ghi vbe hoẹmwẹ irọkhegbe.
E Baibol vbe tae wẹẹ igbohiotọ nọkhua ghi gha sunu, emwa ghi gha khọn okuo, evbare ghi fian kanmwa, emianmwẹ ghi vbe gba ehe hia. Ena hia wa sunu vbe ẹdẹnẹrẹ.
Jesu vbe kha wẹẹ, te a khian kporhu iyẹn nọ maan ọghe Arriọba Osanobua la uhunmwu otagbọn hia.—Matiu 24:14.
Arriọba Osanobua gha wabọ emwi dan hia rua. 2 Pita 3:13
E Jehova gha rherhe guọghọ emwa dan rua.
Osanobua gha rri e Setan kevbe avbe ugbogiorinmwi ọghẹe oya.
Emwa ni danmwehọ Osanobua gha la agbọn ọgbọn; agbọn ọgbọn nii keghi re agbọn ne ohan i ye, ne a na hoẹmwẹ egbe kevbe ne a na gba ẹko egbe.