Wa Gha Rhie Igiọdu Ne Egbe

Ma wa gbọyẹmwẹ ye igiọdu ne ima miẹn vbe ima ghaa rre uwu ẹbu etẹn ne ima gba ga e Jehova. Sokpan, igiọdu na guan kaẹn na gberra na wa gha rre uwu ẹbu etẹn. E Baibol keghi gie odẹ ne ima ya rhie igiọdu ne egbe zẹvbe “afiangbe Osanobua.” (Rom 1:​11, 12) De vbene ima khian ya ru ọna hẹ?

Gha ta ẹmwẹ nọ rhie igiọdu ne emwa. Vbe igiemwi, ma ghaa zẹ ewanniẹn vbe iko, te ọ khẹke ne ima gha ta emwi ne ima miẹn ruẹ vbe obọ e Jehova, Ẹmwẹ ọghẹe kevbe emwa rẹn, ẹ i re ne ima wa gha ta ẹmwẹ enegbe ima ọkpa. U ghaa gu etẹn guan, hia ne u gha ta ẹmwẹ nọ rhie igiọdu ne ọmwa.

Gi azẹ ne u ru kevbe odẹ ne u ya ru emwi gha rhie igiọdu ne emwa. Vbe igiemwi, etẹn eso wa ye rhiegba ye iwinna ugamwẹ ẹghẹ hia agharhemiẹn wẹẹ, iran mwẹ ọlọghọmwa ne iran gu vẹn. Eso keghi vbe hia ne iran gha rrie iko vbe ẹghẹ hia agharhemiẹn wẹẹ, ẹ i khuẹrhẹ ne iran ya ru vberriọ rhunmwuda iwinna ọghe iran ra rhunmwuda emianmwẹ nọ ma kue fo vbe otọ ne iran khuọnmwi.

Ẹmwẹ ne u ta kevbe emwi ne u ru rhie igiọdu ne etẹn ne uwa gba ga ra? Uwẹ vbe mu egbe ne u ya miẹn igiọdu ọghe etẹn yi ra?