MARCH 23-29
AIZAIA 48-49
Ihuan 89 Kevbe Erhunmwu | Ẹmwẹ Ọghe Omuso (Ifuanro 1)
1. Gha Họn Ẹmwẹ Ne Jehova Ne U Mieke Na Miẹn Afiangbe
(Ifuanro 10)
E Jehova keghi ma eguọmwadia ẹre emwi (Aiz 48:17; it “Ọmamwaemwi, Imamwaemwi” ¶2)
Gi ima gha họn ẹmwẹ ne Jehova (Aiz 48:18a; ijwbq uhunmwuta 44 ¶2-3)
Ẹghẹ nii, ọfunmwegbe ọghe ima “ghi yevbe ẹzẹ nẹi ka,” iruemwiẹse ọghe ima “ghi yevbe uhumwẹ ọghe okun” (Aiz 48:18b; lv 199 ¶8)
EVBA YAE KHA: Emwi ọvbehe nọ demu ighẹ ẹmwẹ e Hibru na zedu ẹre zẹvbe “ọfunmwegbe” ọre egberranmwẹ, agbẹkunsotọ, ẹtin, ọse eva ni guobọ egbe, ra emwi nọ gbae.
2. Emwi Ewe Ọghe Orhiọn
(Ifuanro 10)
Aiz 49:8—De odẹ eha ne ẹmwẹ akhasẹ na he ya sẹ? (it ‘Ẹghẹ Na Gha Ya Ru Uwa Ẹse’ ¶1-3)
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Aiz 48:9-20 (th iruẹmwi 11)
4. U Gha Khian Suẹn Gha Gu Emwa Guan
(Ifuanro 3) IKPORHU ỌGHE ẸGHẸ KE ẸGHẸ. Tie ọmwa ruẹ vbe uwu ẹgbẹe nẹi ghi yo iko kevbe ikporhu nọ do danmwehọ ọta ne kpataki, kevbe nọ gha die Ugie Ayere. (lmd iruẹmwi 5 uhunmwu ẹmwẹ 3)
5. Rhie Obọ Lelẹe
(Ifuanro 4) IKPORHU ỌGHE ẸGHẸ KE ẸGHẸ. Rhan otọ re ma ọmwa nọ hoo nọ rrie Ugie Ayere, vbene ima ya do Ugie Ayere hẹ. (lmd iruẹmwi 9 uhunmwu ẹmwẹ 3)
6. Rhie Obọ Lelẹe
(Ifuanro 5) IKPORHU ỌGHE ẸGHẸ KE ẸGHẸ. Vbe iyeke a ghi do Ugie Ayere fo nẹ, rhie ewanniẹn ye inọta ne ọmwa nọ rrie Ugie Ayere nọ ruẹ re. (lmd iruẹmwi 8 uhunmwu ẹmwẹ 3)
Ihuan 107
7. Mu Egbe Ye Otọ Khẹ Ẹdẹ Nọ Ghi Ru Ekpataki Sẹ Vbe Ukpo
(Ifuanro 15) Ọta na koko zẹ iro yan.
Ma ghaa yo Ugie Ayere vbe ukpukpo, te ima rhie ẹre ma wẹẹ ma họn ẹmwẹ ne Jesu, kevbe wẹẹ ma gbọyẹmwẹ ye ẹse ne Jehova ru ne ima. (Luk 22:19) Vbọrhirhighayehẹ, Ugie Ayere vbe kie ẹkpotọ yọ ne ima ya muẹn roro ahoẹmwọmwa nẹi gia gie ne Jehova vbe Jesu mwẹ ne ima. (Gal 2:20; 1 Jọn 4:9, 10) Vbe ima khian ya rhie ẹre ma wẹẹ, ma mu egbe ye otọ khẹ Ugie Ayere ọghe Jesu, kevbe wẹẹ, ma gbọyẹmwẹ ye emwi ne Jehova ru ne ima? Vbe ima khian ya ru iyobọ ne emwa ọvbehe ya ru vberriọ hẹ?
Gha tie avbe ako ọghe Baibol na tie vbe ẹghẹ Ugie Ayere, u ghi vbe gha mu emwi ne u tie roro
Muẹn roro vbene u gha ya loo ẹdagbọn ruẹ hẹ, ne u ya rhie ẹre ma wẹẹ u gbọyẹmwẹ ye emwi ne Jehova vbe Jesu ru nuẹn
Rhiegba ye iwinna ikporhu; tie avbe ọse ruẹ, ẹgbẹe ruẹ, kevbe emwa ni rre ẹdogbo ruẹ ne iran do danmwehọ ọta ne kpataki, kevbe ne iran gha die Ugie Ayere
Gbe ọbokhian ne emwa ni rrie Ugie Ayere, u ghi muẹnmuẹn ogiẹ daa iran. Zẹvbe ne u ya ru iyobọ ne emwa ne u tie re, ghẹ mianmian emwa ọvbehe na vbe gie na tie, tama iran ne iran do tota ke ruẹ
Mu egbe ne u ya rhie ewanniẹn ye inọta ne emwa khian nọ ruẹ re
Ghẹ rhie aro gberra etẹn ni wii oghẹn ni rrie Ugie Ayere. Avbe ediọn, wa gi aro uwa sẹ otọ ẹse, ne uwa mieke na sẹtin gbe ọbokhian ne etẹn na rhie hin uwu iko rre ni rrie Ugie Ayere
Kpee VIDIO na Te Jesu ‘Rre Do Gualọ Emwa Ni Wiri Kevbe Nọ Miẹn Iran Fan’. Iyeke ọni, u ghi we ne etẹn zẹ ewanniẹn ye inọta na:
Vbua miẹn ruẹ vbe vidio na, nọ ya ruẹ rẹn wẹẹ, ọ wa kakabọ ru ekpataki na gha gbe ọbokhian ne etẹn ni wii oghẹn ni rrie Ugie Ayere?
8. Iruẹmwi E Baibol Ọghe Iko
(Ifuanro 30) lfb iruẹmwi 72-73