Dọmwadẹ Uhunta Ni Rre Uwẹre
ABỌ 1 VBỌZẸ NA GHA NA WERRIEGBE BU E JEHOVA GHA DEE?
Emwa ọghe Jehova ni ghaa rrọọ vbe ẹghẹ na ya gha gbẹn e Baibol, keghi werrie aro daa avbe edanmwẹ ni khọ ọghe ima. E Jehova keghi bu iran yo, ya ru iyobọ ne iran, kevbe wẹẹ, irẹn gha vbe ru iyobọ ne ima vbe ẹdẹnẹrẹ, zẹvbe ne irẹn ru eyan rẹn. Zẹvbe Ọsuohuan nọ gbarokotọ kevbe nọ mwẹ ahoẹmwọmwa, Jehova keghi gualọ ohuan rẹn nọ wiri, kevbe ọ vbe gie na tie iran ne iran werriegbe bu irẹn gha dee.
Abọ 1 “I Gha Gualọ Enọ Wiri Vbọ”
ABỌ 2-4 DE AVBE ISIEVẸN ESO NI RRỌỌ VBE A GHA WERRIEGBE DEE?
Uhiẹn, ẹghẹ eso vbe gha rrọọ ne emwa ni ye ẹkoata ga Osanobua vbe ya siosi, ne ekhọe vbe ya balọ iran, kevbe ne ekhọe vbe ya fi iran uwẹnrhiẹn. Avbe ọlọghọmwa na keghi si edogbandogban ye iwinna ugamwẹ ọghe iran. Gualọ otọre, vbene Jehova ya ru iyobọ ne iran hẹ ya lae gberra ighẹ avbe ọlọghọmwa nii, vbene ọ ya ru iyobọ ne iran hẹ ya sẹtin werriegbe gha gu emwa ọghe irẹn muobọ, kevbe vbene ọ ya ru iyobọ ne iran hẹ ya werriegbe gha mwẹ ọyẹnmwẹ.
Abọ 2 Osi—‘Ọlọghọmwa Gba Ima Aro Gba Ima Iyeke’
Abọ 3 Ekhọe Orriara—Adeghẹ Ima Vbe Ọtẹn ‘Gba Mwẹ Egbe Ẹzọ’
Abọ 4 Ekhọe—Nọ Bu Abe Gbe Ọmwa ‘Kpe Mwẹ Huan Hin Orukhọ Mwẹ Rre’
ABỌ 5 VBENE A LAE HẸ VBE A GHA WERRIEGBE BU E JEHOVA DEE
Muẹn roro, evbọ rhiẹre ma wẹẹ, e Jehova hoo nu werriegbe bu irẹn gha dee. Gualọ otọre vbene Ivbiotu e Kristi nibun ya werriegbe bu e Jehova gha dee hẹ, vbene etẹn ni rre iko ya miẹn iran yi hẹ, kevbe vbene ediọn ya ru iyobọ ne iran hẹ ya werriegbe suẹn gha zọghae vbe iwinna ugamwẹ ọghe iran.
Abọ 5 Werriegbe Bu ‘Ọsuohuan Kevbe Nọ Gbaroghe Arrọọ Ọghe Uwa Gha Dee’