1 Samuẹl
30 E Devid kevbe emwa rẹn keghi do sẹ Ziklag vbe iyeke ikpẹdẹ eva. Ivbi Amẹlẹk kegha khọn odẹ ekẹn ọghe Juda, iran na vbe do sẹ Ziklag. Iran keghi wa giẹn ẹvbo nii sẹ otọ. 2 Iran keghi wa munọ ikhuo ni rrọọ kevbe emwa hia ni rre ẹvbọ nii gha rre imu, ke nọ ghi kherhe sẹ ya sẹ egbe nọ ghi kpọlọ sẹ. Iran ma gbe ọmwa rhọkpa rua, sokpan iran keghi viọ ehia kpa gha rrie. 3 E Devid kevbe emwa rẹn ghi rre, iran ghi do ghee, a giẹn ẹvbo nii sotọ, iran keghi viọ amwẹ iran kpa, kevbe ivbi iran nikpia kẹ kevbe ivbi iran nikhuo. 4 E Devid kevbe emwa rẹn keghi gbe akhe eve rua, iran ghi zẹ viẹ, orhiọn ma ghi gha rre iran iwu hiehie. 5 Amwẹ e Devid eva vbe deba emwa ne iran viọ kpa, Ahinoam ne Ovbi e Jezrẹl kevbe Abigẹl, ne amwẹ Nebal, nọ ke Kamẹl rre. 6 E Devid kegha rre uwu obalọ nọkhua rhunmwuda, ivbiyokuo ọghẹe kegha yan wẹẹ, iran gha filo okuta gbẹ ẹre. Ohu na wa kakabọ gha mu iran, rhunmwuda ivbi iran ne ikpia kevbe nikhuo na viọ gha rre imu. E Devid keghi miẹn igiọdu vbe obọ e Jehova ne Osanobua ọghẹe. 7 E Devid keghi tama Abiata ne ohẹn nọ re ovbi Ahimẹlẹk wẹẹ, “Mu adaghọ nii rre.” Abiata keghi mu gie ẹre. 8 E Devid keghi nọ e Jehova wẹẹ, “Ne I khu emwa ni do khọn na ra? Obọ mwẹ gha vba iran ra?” Ọ keghi wanniẹn wẹẹ, “Khu iran, u gha mu iran, u ghi miẹn avbe oghunmwu nii hia fan.” 9 Ẹre Devid kevbe orhunmwu uri eha ni gue ẹre na deyan okhian, iran na do sẹ Ovbi Ẹzẹ e Bezọ. Eso vbe uwu iran keghi yakọ vbe evba. 10 E Devid keghi viọ uri eva ba egbe gha khian, vbe uwu avbe emwa rẹn. Iran ne uri ọkpa ni dekẹe, egbe wọọ iran sẹrriọ wẹẹ iran ma ghi sẹtin fian ovbi ẹzẹ nii rra, iran na ghi yakọ vbe evba nii. 23 Sokpan, e Devid keghi wanniẹn wẹẹ, “Etẹn mwẹ, uwa ghẹ ru emwi ne Jehova viọ ne ima vberriọ! Irẹn ẹre ọ degue ima, ọ na gi ima khọnmiotọ vbe uhunmwu avbe iran ni khọn okuo viọ ọmwa emwi nii. 24 Ọmwa nọ khian ya obọ ye ne uwa tae nii, ẹi rrọọ! Te agbọn hia khian gba gha emwi. Emwi na khian ghae ne emwa ni tota ke evbare vbe owa, ẹre a khian vbe ghae ne emwa ni ghaa rrie okuo.”