Diuteronomi

5 Ya ekhọe ruẹ hia hoẹmwẹ e Jehova ne Osanobua ruẹ, kevbe orhiọn ruẹ hia kevbe ẹtin ruẹ hia. 6 Ghẹ mianmian uhi ne I viọ ne uwa vbe ẹdẹnẹrẹ na. 7 Ma ivbuẹ re, u ghi gha tae vbe u ghaa rre owa, vbe u gha kpa hin owa rre, vbe u ghaa hẹwẹ kevbe vbe u gha rhiọrre. 8 Gbalọ ẹre ginna obọ, u ghi vbe dele ẹre ye uharo ruẹ, ne u ya gha ye ẹre rre. 9 Wa ghi gbẹnnẹ ọnrẹn ye ẹkhu kevbe onurho owa uwa, kevbe onurho ẹvbo uwa. 10 “E Jehova ne Osanobua mwa tama avbe erha mwa odede ighẹ Ebraham, Aizik kevbe Jekọb we irẹn gha mu otọ ne avbe okpẹvbo ni kọnkọn kevbe ne emwi ẹfe ye, ne uwa ma bọ, ne uwa. 11 Avbe owa ni rrọọ ghi vuọn ne emwi esiesi ne uwa ma viọ yọ, avbe uhae ne uwa ma fian, deba ugbo azara kevbe ọghe ọliv ne uwa ma kọ. E Nọyaẹnmwa gha ghi viọ uwa sẹ otọ na nẹ, ighẹ te uwa ghi miẹn emwi ne uwa rhirhi gha ho gha re.