Itan
12 Ọmwa nọ hoẹmwẹ irẹnmwi ghi gha hoo na tama rẹn vbe ọ gha ba emwi ku ru. Adeghẹ ọmwa i hoo na dia ẹre ye odẹ, ukọnmwẹ nọ. 2 Ẹko emwa esi keghi rhiẹnrhiẹn e Jehova, sokpan, ọ ghi gha bu abe gbe iran ni zẹ iro emwi dan. 3 Uyinmwẹ dan i gi ẹkun sẹ ọmwa otọ, sokpan, ọmwa ẹmwata ghi mudia gbain. 4 Okhuo esi, emwi ọyẹnmwẹ kevbe na ya hio nọ ne ọdọ ẹre. Sokpan, okhuo nọ si efa ye ọdọ ẹre egbe, te ọ yevbe ẹtẹ nọ rre uwu ugboloko. 5 Emwa ni mwẹ ekhọe esi ghi gha gu emwa yin ẹse, sokpan, te emwa dan hoo ne iran gha rẹrẹ emwa kẹkan. 6 Izigha ẹre ẹmwẹ ne unu emwa dan khin, sokpan, ẹmwẹ ne unu ọmwa esi keghi rhie imiẹnfan rre. 7 Emwa dan gha de nẹ, iran i ghi vbe sẹ emọ rae ye otọ, sokpan, ẹgbẹe ọghe emwa esi ghi ye gha rrọọ. 8 U ghaa mwẹ ẹwaẹn, emwa ghi gha tian ruẹ, sokpan, u ghaa re akpa, emwa ghi ya aro gbe ruẹ re. 9 Na gha re ọmwa kẹkan nọ khuan igho evbare unu ẹnrẹn, ẹre ọ fu egbe sẹ na mu akpa ọghe okpọmwa yọ vbe nai na mwẹ evbare unu. 10 Ọmwa esi ghi gha gbaroghe emwi irri ẹre, sokpan, emwa dan ghi gha ru ọghe iran khọọ. 11 Ọwẹe nọ winna ẹse ghi gha mwẹ evbare nọ kpọ kua, sokpan, ukọnmwẹ nọ na gha mu ẹghẹ rhia ye iwinna nẹi mwẹ ere. 12 Emwi ọkpa nọ rre ekhọe emwa dan ọre vbene iran gha ya miẹn emwi dan ru hẹ, sokpan, ọmwa ẹmwata ghi mudia gbain. 13 Ẹmwẹ ne unu ọmwa dan, ẹre a ya khuẹn ifi muẹn, sokpan, ọmwa esi ghi gha rhie uhunmwu ẹnrẹn ke ẹbe ladian. 14 Ẹmwẹ ne u ta kevbe emwi ne u ru, ẹre a vbe lele ya san ruẹ ẹse, emwi nọ khẹke ruẹ gha vbe sẹ ruẹ obọ. 15 Avbe akpa ẹre ọ wa roro ẹre vbe ẹghẹ hia wẹẹ, emwi ne iran ru wa gba, avbe umẹwaẹn ghi gha rhie ude. 16 Ohu gha mu akpa, ọ ghi wa rhie ẹre ma ẹgiẹgiẹ. Adazẹ i zẹ ye ẹmwẹ ihẹn. 17 U gha ta ẹmwata, iwinna ẹmwata ẹre u winnaẹn nii, sokpan ẹmwẹ ohoghe ẹre a la sẹ emwi na ma ru ẹse. 18 Te ẹmwẹ ekpọ balọ vbene a miẹn wẹẹ te a ya abẹ so ọmwa, sokpan ẹmwẹ nọ ke unu ọmwa ẹwaẹn ladian, gha sẹtin mu ọmwa egbe rran. 19 Ohoghe i tọ, sokpan, etẹbitẹ ẹre ẹmwata khin. 20 Emwa ni zẹ iro emwi dan, emwi dan gha vbe de gbe iran, sokpan, ẹko gha rhiẹnrhiẹn iran ni ru emwi ọfunmwegbe. 22 E Jehova khuiwu avbe emwa ni ta ohoghe, sokpan, ẹmwẹ emwa ni mu ẹmwẹ ọnrẹn sẹ keghi yẹẹ ọre. 24 Te iwinna na mu aro yi rhie ẹtin ne ọmwa, sokpan, a gha ya ọmwa nẹi ya obọ ru miẹn ẹsọn. 25 Osi sẹtin gbe ọmwa orhiọn mu otọ, sokpan, ẹmwẹ nọ maan keghi fu ẹko rre.