Psalm

96 Wa so ihuan ọghe ọgbọn gie Jehova; wa so ihuan gie Jehova, agbọn na hia! 2 Wa so ihuan gie Jehova, ne uwa rho eni ẹnrẹn; wa gha na iyẹn nọ maan vbe ẹdẹgbegbe wẹẹ, ọ miẹn ima fan nẹ. 3 Wa na iyẹn uyi ẹre ma avbe uhunmwu ẹvbo, uwa vbe na iyẹn iwinna ọyunnuan rẹn ma emwa hia. 7 Wa rhie emwi nọ khẹke Jehova nẹẹn, emwa ni rre agbọn na hia, wa rhie emwi nọ khẹke Jehova nẹẹn rhunmwuda uyi kevbe ẹtin ẹnrẹn 8 Uwa rhie uyi nọ khẹke ne eni e Jehova, viọ emwi izọese rre ne uwa gha die Ọgua Osa ẹre 9 Wa ghughẹ rre vbe odaro Jehova nọ re ọmwa nọhuanrẹn vbe ọ gha ya egbe ladian. Otọ agbọn hia wa gha guọ zẹzẹzẹ vbe odaro ẹre. 10 Wa tama agbọn ẹvbo hia wẹẹ, “E Jehova ọre Ọba! A mu agbọn na uhe sẹ otọ nẹ gbain, vbe ihe ẹre, a i ghi sẹtin werriẹ ẹre, ọ gha ya ẹmwata bu ohiẹn avbe emwa nii.” 11 Wa gha ghọghọ otọ kevbe iso, wẹ davan uwẹ ne okun, deba avbe emwi na yi ni rre uwu uwẹ. 12 Gha ghọghọ, wẹ ne oha, kevbe emwi hia ni rre uwu uwẹ! Avbe erhan ni rre uwu ẹgbo, gha wee ne oghọghọ. 13 Ẹghẹ ne Jehova gha na do bu ohiẹn agbọn na, irẹn gha do bu ohiẹn emwa ni rre agbọn na vbe odẹ ẹmwata, ẹ i khian vbe ghee ikpanro.