Psalm

91 Ọmwaikọmwa nọ lẹgbinna Enọyaẹnmwa gha mudia ye ototọ ugue ọghe Oghodua. 2 I gha tama e Jehova wẹẹ, “Wẹ ọre nọ gbinna mẹ kevbe ugue mwẹ, wẹ ọre Osanobua mwẹ, ọmwa ne l mu ẹtin mwẹ yan.” 3 Ọ gha miẹn ruẹ fan vbe ifi ọghe ọmwa nọ mu ahianmwẹ, ọ gha vbe miẹn ruẹ fan vbe obọ emianmwẹ ni wegbe hia. 4 Ọ gha ya ifuẹn ọnrẹn gue ruẹ, wẹ ghi gha re nẹi mwẹ ẹbe vbe ototọ ugue ẹre, ẹmwata ẹre gha degue ruẹ, ọ gha vbe gbinna nuẹn. 5 Ra egboghogbogho nọ fi emwi vbe ebiebi, ra emwi dan nọ gbe ọmwa vbe ogiavan. 6 Ra egboghogbogho nọ fi emwi vbe ebiebi, ra emwi dan nọ gbe ọmwa vbe ogiavan. 7 Arriaisẹn sẹtin dele wu vbe ehe ne u ye, arriaisẹn vbe ihe igbe lẹga ruẹ sokpan emwi rhọkpa i ra ru uwẹ. 8 Wẹ gha bẹghe ẹre, aro ruẹ ghi vbe miẹn vbene a rri emwa dan oya hẹ. 9 Wẹ ya e Jehova ru enọhuanrẹn ọghuẹ nẹ, Ọmwa Nọ Yo Sẹ Ehia, ọre nọ degue ruẹ. 10 Rhunmwuda ọni, ọkhọ rhọkpa i ra sunu vbe egbe ruẹ, ọfuan rhọkpa i ra vbe sikẹ owa ruẹ. 11 Osanobua gha rhie ruẹ ne avbe odibo ẹre rhie mwẹ, ne iran gha degue ruẹ vbe ehe ne u rhirhi yo. 12 Iran gha tọn uwẹ mu mwẹ obọ, ne u ghẹ miehe na rrua owẹ vbe okuta. 13 Wẹ gha ya owẹ rhilo oduma kevbe ẹyẹn ginna otọ, oduma ni khọọ, kevbe ẹyẹn ni mwẹ obi. 14 Osanobua khare wẹẹ, “Rhunmwuda ighẹ ọ hoẹmwẹ mwẹ, I gha miẹn ọnrẹn fan, I gha gbogba ga ẹre, rhunmwuda, ọ rẹn eni mwẹ. 15 Iran gha kpee tie mwẹ, I gha yaba iran vbe iran ghaa rre uwu ibavbaro. I gha miẹn iran fan, I gha vbe ya ọghọ ne iran. 16 I gha ya utọmwẹ san iran ẹse, I gha miẹn iran fan.”