Psalm
Ọghe ivbi e Kora. Ihuan.
87 Ọ bọ owa ẹre yan oke nọhuanrẹn nii. 2 Avbe onurho ọghe Zaiọn yẹẹ Jehova sẹ avbe owa ukpọn ọghe Jekọb hia. 3 We ne ẹvbo Osanobua, danmwehọ emwi ọyunnuan nọ tae vbekpa ruẹ. 4 “I gha so eni e Rehab kevbe Babilọn, ba ẹvbo ni họn ẹmwẹ mẹ. I gha vbe ka Ivbi e Filistia, e Taia kevbe Cush ba iran, I gha ka iran ba emwa ni yin e Jerusalẹm.” 5 A gha tae vbekpa Zaiọn wẹẹ, evba nii ọre ọghe uhunmwu ẹvbo hia kevbe wẹẹ, Oghodua gha ru ẹre nọ wegbe. 6 E Jehova gha gbẹnnẹ eni emwa nii yotọ, ọ ghi ka iran hia ba Ivbi e Jerusalẹm. 7 Iran kuru, iran so ihuan wẹẹ, “Obọ ruẹ ẹre emwi ni maan hia ne ima mwẹ hia ke rre.”