Psalm

7 E Jehova ne Osanobua mwẹ, I bu ruẹ rre ne I do lẹgbinna ruẹ. Fan mwẹ yotọ, ne u vbe miẹn mwẹ fan vbe obọ iran ni khu mwẹ khian. 2 Ne iran ghẹ ya mu mwẹ gha rrie, zẹvbe oduma, vbene ọmiọnmwafan i na rrọọ. Iran ghi yanghan mwẹ yotọ, ukhiọnmwẹ ukhiọnmwẹ. 3 E Jehova ne Osanobua mwẹ, adeghẹ I fidọn ghee ọmwaikọmwa, 4 I gha ya ọsemwẹ na vbokho ra ne I ya oghodan san ọmwa ẹse, adeghẹ I ru ọkpa vbe uwu avbe emwi na hia, 5 gi eghian mwẹ khu mwẹ, ne obọ iran vbe vba mwẹ. Gi iran rhie mwẹ fianmwẹ otọ, ne iran gbe mwẹ rua, ne iran vbe sẹ ikun mwẹ rae ye evba. 6 Guakpa vbe ohu ruẹ Jehova. Kpaegbe mu aro igbinna daa okuosu avbe eghian mwẹ, guọnmwẹ egbe ne u do yọ mwẹ obọ. Ohiẹn ẹmwata ẹre uwẹ gualọ. 7 Rhunmwuda ọni, si avbe emwa nii hia koko gaga egbe, ne u ke odukhunmwu gha khaevbisẹ yan iran. 8 Uwẹ ọre nọ buohiẹn emwa hia. Bu ase mẹ e Jehova. Uwẹ rẹnrẹn wẹẹ imẹ ma rri abe. 9 Osanobua ẹmwata ẹre uwẹ khin, wẹ keghi vbe bu ohiẹn iro ne ima zẹ, kevbe emwi ne ima hoo. Dobọ emwi dan ọghe emwa dan yi. Ne u vbe san avbe emwa esi ẹse. 10 Osanobua ọre nọ degue mwẹ, irẹn vbe miẹn iran ni họn ẹmwẹ nẹẹn fan. 11 Nọ bu ohiẹn ẹmwata ẹre Osanobua khin. Ọ vbe bu abe gbe emwa dan vbe ẹghẹ hia.