Psalm

42 Vbene ẹrhuẹ ya gualọ ẹzẹ amẹ nọ furre, erriọ ẹre ekhọe mwẹ ya gualọ ruẹ Osanobua. 2 Ohanmwẹ amẹ ruẹ gbe mwẹ, Osanobua nọ rrọọ de ẹghẹ ne I gha ya yo ne I do ga vbe odaro ruẹ? 3 Asọn kevbe avan ẹre I ya viẹ egbe mwẹ, ameve ọkpa ọre evbare mwẹ vbe ẹghẹ hia, avbe eghian mwẹ ghi gha nọ mwẹ wẹẹ, “Osanobua ruẹ vbo?” 4 I gha ye ẹghẹ nọ gberra rre, ekhọe mwẹ ghi rhia. Ẹghẹ ne I na lele emwa nibun ye owa Osanobua; Mẹ ghi ke odaro ne iran, vbe iran a gha khian. Emwa nibun ne ẹko rhiẹnrhiẹn ghi gha so ihuan, iran ghi vbe gha go wan Osanobua. 5 Vbọzẹ yi ne ekhọe mwẹ na rhia vbenian? Vbọzẹ ne orhiọn mwẹ ma na sotọ? I gha hẹnhẹn idaehọ mwẹ yan Osanobua, I gha vbe dọlegbe rho ẹre zẹvbe Ọmiọnmwafan mwẹ kevbe Osanobua mwẹ. 8 E Jehova nọ gi ahoẹmwọmwa rẹn nẹi beghe rhiegbe ma vbe ẹghẹ avan. Ne I miehe na miẹn ihuan so vbe asọn, I ghi vbe na erhunmwu ghee Osanobua ẹdagbọn mwẹ.