Psalm

4 Họn urhu mwẹ vbe I a gha na erhunmwu, Osanobua nọ gbinna mẹ. Ẹghẹ ne I na gha rre uwu ukpokpo, wẹ ẹre ọ yọ mwẹ obọ. Tohan mwẹ nian, ne u vbe họn erhunmwu mwẹ. 2 Inu ẹghẹ, ẹre uwa na ra ya gha rhovbiẹ mwẹ yi? Inu ẹghẹ wa ra hoẹmwẹ emwi ẹwobi sẹ? Ne uwa gha na vbe gha lele ohoghe khian? 3 Wa yerre wẹẹ, e Jehova zẹ ọmwa ẹmwata ya ru ọghẹe nẹ, ọ vbe họn urhu mwẹ vbe I gha kpe tie ẹre. 4 Wa sẹtin mu ohu, sokpan uwa ghẹ ru orukhọ. Wa gbe ibiẹ rrie vbe uwa gha hẹko lovbiẹ ye ukpo uwa, vbene uwa na hunwan. 5 Wa zọ ese nọ kere ghee Jehova, ne uwa mu ẹtin uwa yan rẹn. 6 Emwa nibun ẹre ọ na erhunmwu wẹẹ, “Rhie afiangbe ba afiangbe ne ima Jehova, ya aro itohan ghee ima!” 7 Sokpan, oghọghọ ne uwẹ rhie mẹ nẹ, kpọlọ sẹ ne iran gha sẹtin miẹn ẹdẹdẹmwẹdẹ, egbe ne iran rhe ya mwẹ ọka nibun kevbe ayọn ọgbọn. 8 I gha lovbiẹ, I ghi vbiẹ rua vbe ọfunmwegbe, uwẹ ọkpa kẹkan, Jehova, ọre ọ rhie mwẹ lẹre vbe nai na mwẹ ẹbe.