Psalm
14 Avbe akpa keghi tae vbe ekhọe iran wẹẹ: “Osanobua i rrọọ.” Iran hia kẹkua, iran vbe ru emwi nọ sọnnọ; ọkpa nọ ru emwi ẹse i rrọọ. 2 Sokpan e Jehova keghi ke odukhunmwu ghee emwa nagbọn ghee, adeghẹ ọmwa rhọkpa rrọọ nọ mwẹ ẹwaẹn, deghẹ ọmwa rhọkpa rrọọ nọ vbe ga e Jehova. 3 Sokpan, ehia wa bodẹ ku, urhiamwẹ ọkpa ẹre ọ gu iran hia. Nọ ru emwi la uro i rre uwu iran, ọkpa kẹkan i rrọọ. 4 E Nọyaẹnmwa keghi nọ wẹẹ, “Iran ma rẹn ra? Te iran ni ru emwi dan na ma gele rẹn ena ye ra? Emwa mwẹ ẹre iran rha ya koko egbe iran. Iran i vbe na erhunmwu ghee mwẹ.” 5 Sokpan, iran gha runran, rhunmwuda, Osanobua rrọọ yaba iran ni họn ẹmwẹ nẹẹn. 6 Emwa dan ghi mu emwamwa esi ọghe ọmẹhẹ rhia, sokpan, e Jehova ẹre ọ rhie ẹre lẹre. 7 Erhunmwu ne I na ọre wẹẹ, ne akhọnmiotọ la odẹ e Zaiọn sẹ egbe Izrẹl. U miẹn vbe ẹko Ivbi Izrẹl gha rhiẹnrhiẹn hẹ, vbe Jehova gha gi agbọn dọlegbe maan iran!