2 Krọnikol

11 Osanobua keghi zẹ ẹmwẹ wanniẹn e Solomọn wẹẹ, “Ugbẹnvbe a miẹn wẹẹ ọna ẹre u nọ rẹn, u ma nọ ẹfe ra emwi ewe ra usi ra uwu avbe eghian ruẹ, ra ẹdagbọn nọ taẹn, sokpan u keghi nọ irẹnmwi kevbe ẹwaẹn ne u sẹtin gha khaevbisẹ yan emwa mwẹ ne I ya uwẹ rri ọba yan, 12 I gha rhie ẹwaẹn kevbe irẹnmwi nuẹn. Ye vbe deba ọni, I gha rhie ẹfe, emwi ewe kevbe usi nuẹn, sẹ ne ọba ke ọba he ka gha mwẹ vbe ẹghẹ nọ gberra ra ne iran gha vbe mwẹ vbe ẹdẹ nọ dee.” 14 E Solomọn kegha si ivbiyokuo koko, ọ kegha mwẹ ikẹkẹ okuo uri eva yan arriaisẹn (1,400) kevbe ẹsin igbinna arriaisẹn iweva (12,000). Ọ keghi viọ eso vbọ ye Jerusalẹm, ọ na viọ nikẹre lele ihe ughughan vbe ẹvbo ọvbehe. 17 Igho na ya dẹlẹ edọmwadẹ ikẹkẹ okuo ke Igipt rre kegha re esiliva uri eha (600), igho ọghe dọmwadẹ ẹsin na gha re esiliva ekigbesiyeha yan iyisẹn (150); iyeke ọni, iran ghi vbe viọ re gie avbe ọba ọghe Hiti kevbe Siria.