Gẹnẹsis

12 E Jehova keghi tama Ebram wẹẹ, “Kpa vbe ẹvbo ruẹ rre, sẹ avbe etuẹn rae kevbe owa erhaa, ne u gha rrie ẹvbo ne I gha gie ma ruẹ. 2 I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹ khian nọ hin usi sẹrriọ wẹẹ, a ghi gha yae na erhunmwu ne ọmwa. 3 I gha fiangbe iran ni fiangbuẹ, sokpan I ghi tie ihẹn ne nọ tie ihẹn nuẹn, I gha rhunmwuda ruẹ fiangbe uhunmwu otagbọn hia.” 4 Ebram ghi rre ukpo 75, ọ keghi si kpa hin e Haran rre, zẹvbe ne Jehova khare, e Lọt na vbe lelẹe gha khian.