Tikki Adong Masalah na Borat

Habis do arta ni si Sallya na tading di Amerika Serikat alani badai na massai gogo. Didok ibana, “Marsak hian do huhilala. Hira na so sanggup be au mangolu.”

Boha ma molo mate halak na ­tahaholongi? Songon on ma na didok si Janice na tading di Australia, “Hancur hian ma huhilala dung mate dua anakku. Berupaya do au asa boi mangulahon ulaonku. Alai hudok do tu Debata, ‘Dang sanggup be au mangadopi on! Tumagon ma au mate. Dang olo be au mangolu.’”

Contoh na asing, i ma si Daniel. Hancur hian do dihilala ibana ala dang setia be istrina. Didok ibana, “Tikki mangakku istrikku naung selingkuh ibana, songon na ditikkam piso ma ate-atekku. Alani i, gabe jotjot ma au marsahit.”

Hea do masa tu hamu akka sitaonon songon na di toru on?

• Bencana alam

• Mate na tahaholongi

• Dang setia be pasanganta

• Marsahit na posi

• Tarpikkir Naeng Bunu Diri

Boha ma caratta asa boi semangat muse, nang pe adong akka sitaonon i? Lao dibahas ma taringot i di majalah Joujou Paboahon on.