Surat na di Toru

a Massai asing do bagas joro na dipatudu Jahowa on tu bagas joro najolo, na sega dibahen akka naposona. Jahowa mandok, “Dibahen nasida do marlea goarhu na badia i alani akka ulaon ni nasida na huhagigihon i. Dibahen nasida do dalan masuk tu inganan ni debata ni nasida na huhagigihon i di sapping ni dalan masuk lao tu bagas jorokku. Dibahen nasida do tiang ni pintu tu inganan ni debata ni nasida di sapping ni tiang ni pintu tu bagas jorokku. Holan tembok ma holang-kolang ni debata ni nasida dohot Au.” (Hes. 43:8) Di Jerusalem najolo, holan sada do tembok na gabe batas ni bagas joro i tu jabu ni akka jolma. Dung ditinggalhon naposo ni Debata standar ni Jahowa na sittong i, magigi ma Debata mangida nasida. Ai diboan do akka patung i persis tu jolo ni jabuna. Massai roa do pangalaho ni naposona i!