Toho do Adong Begu?

Na didok Bibel

I do. Bibel mandok, “akka suru-suruan na mardosa” do begu i na mangalo tu Debata. (2 Petrus 2:4) Suru-suruan na parjolo mangalo tu Debata jala na gabe begu, i ma Sibolis. Alani i ma digoari ibana “pamimpin ni suru-suruan na jahat.”—Mateus 12:24, 26.

Suru-suruan na mangalo tu Debata di jaman ni si Noak

Molo tajaha di Bibel, sebelum masa Aek na Sumar di jaman ni si Noak adong do suru-suruan na mangalo tu Debata. Bibel mandok, “Diida akka anak ni Debata na sittong i ma akka boru ni jolma i. Uli do nasida. Alani i dipillit akka anak ni Debata i ma na dia lomo ni roha ni nasida, jala dibahen ma i gabe istrina.” (1 Musa 6:2) Ditadikkon suru-suruan na jahat i ma “inganan ni nasida hian” di surgo jala muba ma nasida gabe jolma asa boi mangulahon seks dohot akka borua.—Judas 6.

Tikki masa Aek na Sumar, muba ma muse nasida gabe suru-suruan jala mulak tu surgo. Alai dang dijalo Debata be nasida gabe bagian sian keluargana. Dihukum Debata ma nasida jala dang boi be nasida gabe jolma.—Epesus 6:11, 12.