Aha do na Didok Bibel Taringot Natal?

Na didok Bibel

Dang adong dipaboa di Bibel tanggal piga Jesus tubu jala dang adong didok ikkon tarayahon ari hatutubuna. Cyclopedia karya ni si McClintock dohot si Strong mandok, “Dang adong diparettahon Debata asa tarayahon Natal jala dang adong didok di Perjanjian Baru taringot Natal.”

Gariada, molo taselidiki sejarah taringot Natal, gabe taboto ma molo Natal i sian kebiasaan ni halak kafir do. Didok di Bibel, haccit do roha ni Debata mangida hita molo tasomba Ibana marhite cara na so dihalomohon rohana.—2 Musa 32:5-7.

Sejarah taringot Natal

1. Mangarayahon ari hatutubu ni Jesus: “Dang dirayahon halak Kristen di abad na parjolo ari hatutubu ni [Jesus], alana menurut nasida kebiasaan ni halak kafir do molo mangarayahon ari hatutubu.”—The World Book Encyclopedia.

2. Tanggal 25 Desember: Dang adong bukti na patuduhon molo Jesus i tubu di tanggal 25 Desember. Ra dipillit akka pamimpin gareja pe tanggal on, asa sarupa do tu perayaan kafir na dirayahon di tikki titik balik ni mataniari di musim dingin.a

3. Martukkar hadiah dohot marpesta: The Encyclopedia Americana mandok, “Saturnalia, i ma sada pesta ni halak Rom na dirayahon di parsitongaan ni bulan Desember, jala godang do kebiasaan di perayaan on na dibahen gabe kebiasaan di tikki Natal. Misalna, di perayaan i adong do pesta pora, mangalehon hadiah, dohot pagalakkon lilin.” Didok Encyclopædia Britannica, saleleng Saturnalia “dang adong halak na karejo dohot na marbisnis”.

4. Akka lampu Natal: Menurut Encyclopedia of Religion, didekorasi halak Eropa do jabu ni nasida mamakke “akka lampu dohot marragam jenis tanaman hijau abadi” lao mangarayahon musim dingin jala dohot mangusir roh jahat.

5. Tanaman mistletoe dohot holly: Biasa do dipakke dua tanaman on gabe dekorasi tikki Natal. “Akka pamimpin agama na digoari Druid, porsea do na adong kekuatan gaib di tanaman mistletoe. Jala disomba nasida do tanaman holly, na digoari tumbuhan hijau abadi, ala dianggap nasida do tanaman on gabe jaminan na lao bissar do muse mataniari marsogotna i.”—The Encyclopedia Americana.

6. Pohon Natal: “Biasa do halak kafir di Eropa manomba pohon, jala tetap dope diulahon nasida i dung gabe halak Kristen nasida.” Misalna, sada kebiasaan do di nasida “mambahen pohon Yule di pintu masuk tu jabu manang di bagasan jabu saleleng ari raya pertengahan musim dingin.”​—Encyclopædia Britannica.