Di Israel do lao Terjadi Porang Armagedon?—Aha do na Didok Bibel Taringot i?

Didok di Bibel, porang Armagedon i dang na lao terjadi holan di sada inganan. Alai porang on lao masa di sude liat portibi on. Tikki terjadi porang i, sude ma pamarettaon ni jolma mangalo Debata.

• “Sian akka suru-suruan na jahat do ro hata i . . . lao papunguhon akka raja i tu porang di ari na balga, i ma ari ni Debata Pargogo na So Hatudosan i. Dipapungu ma akka raja i tu inganan na margoar Armagedon di bahasa Heber.”—Pangungkapon 16:14, 16.

Hata “Armagedon” dibuat sian bahasa Heber Har Meghiddohn, na lapatanna “Dolok Megiddo”. Megiddo, i ma sada kota di Israel najolo. Ala di Israel kota on, godang do halak na marpikkir molo porang Armagedon i lao terjadi di Israel. Alai Megiddo on manang sude daerah na adong di Timur Tengah dang siat lao menampung ‘sude akka raja na di tano on’ dohot akka pasukan ni nasida.

Godang do dipakke akka bahasa kiasan manang “akka lambang” di bukku Pangungkapon. (Pangungkapon 1:1) Jadi Armagedon on sebenarna dang memaksudhon sada inganan tertentu na adong di tano on. Alai Armagedon i, i ma sada situasi na lao terjadi di sude liat portibi on. Di tikki i marsada ma akka bangso di porang terakhir ni nasida lao mangalo pamarettaon ni Debata.—Pangungkapon 19:11-16, 19-21.