Protestan do Saksi Jahowa?
Tutu do, Saksi Jahowa halak Kristen, alai hami dang Protestan. Boasa boi songon i?
Protestan, i ma “agama na mangalo Rom Katolik”. Nang pe dang satolop Saksi Jahowa tu ajaran ni Katolik, alai adong do na mambahen hami marimbar sian Protestan, i ma:
Adong do ajaran ni Protestan na maralo tu ajaran ni Bibel. Umpamana, di Bibel dang adong dipaboa taringot Debata sitolusada, alai Bibel mangajarhon “sada do Debata”. (1 Timoteus 2:5; Johannes 14:28) Jala takkas do didok di Bibel molo Debata dang pasiak-siakhon parjahat di api na roko, alai diripashon salelengna.—Psalmen 37:9; 2 Tessalonik 1:9.
Dang hea hami mangalo Gereja Katolik manang agama na asing. Alai, las do rohanami mamaritahon barita na uli taringot Harajaon ni Debata jala marsitutu do hami mangurupi na asing asa porsea nasida tu barita i. (Mateus 24:14; 28:19, 20) Dang olo hami mangalo agama na dia pe, alai hami mangajarhon hasittongan taringot Bibel dohot Debata tu halak na olo marsiajar.—Kolosse 1:9, 10; 2 Timoteus 2:24, 25.