Marbarita na Uli do Saksi Jahowa?

I do. Didia pe hami maringanan, marhiras ni roha do sude Saksi Jahowa marbarita na uli. Jala jotjot do hami paboahon haporseaonnami tu na asing.—Mateus 28:19, 20.

Adong do Saksi Jahowa na pinda tu inganan na asing, lao marbarita tu halak na so hea dope manangihon barita na uli sian Bibel. Adong do muse na pinda tu luar negeri lao mangurupi gumodang halak marsiajar Bibel. Las do roha ni nasida manggohi surirang ni Jesus, i ma, “Gabe saksingku ma hamu . . . sahat ro di ujung ni tano on.”—Ulaon ni Apostel 1:8.

Di taon 1943, hami patupahon sikkola tu akka misionaris, i ma halak na ditugasson marbarita na uli tu luar negeri. Sian taon 1943, lobi sian 8.000 Saksi nungnga parsidohot tu sikkola on. Digoari ma sikkola on Sekolah Alkitab Gilead Menara Pengawal.