Dapot Nasida do “Mutiara na Arga” i

Diajarhon Jesus do holan Harajaon ni Debata do na boi pasaehon sude masalah ni jolma. (Mateus 6:10) Di Mateus 13:44-46, adong dua tudosan na dipaboa Jesus na patuduhon na massai arga do hasittongan taringot Harajaon ni Debata, i ma:

• Adong sahalak bawa na karejo di ladang jala dapotna arta na buni di ladang i.

• Adong sahalak partiga-tiga na mangalului mutiara jala dapotna sada mutiara na arga.

Digadis dua bawa di tudosan i do sude arta ni nasida asa dapot ni nasida arta na arga i. Dua bawa i manggombarhon akka halak na rade mambahen pengorbanan ala diboto nasida massai arga hasittongan taringot Harajaon ni Debata i. Jala diboto nasida do godang do dapot pasu-pasu molo dibahen nasida pengorbanan. (Lukas 18:29, 30) Di video on, ida hamu ma pengalaman ni dua halak na rade mambahen pengorbanan songon dua bawa na di tudosan ni Jesus i.