Asa Taattusi Akka Tudosan na di Bibel

Di Bibel, adong do disurat marratus tudosan. Alai, godang do halak na so mangattusi lapatanna. (Mat. 13:13) Aha do na boi diulahon hamu asa diattusi hamu lapatan ni akka tudosan i? Coba ma on:

• Pikkirhon ma aha do topik utamana dohot tudosanna. Misalna, didok Jesus di Pangungkapon 3:​3, harorona i dipatudos songon haroro ni panakko. Topik utamana, i ma haroro ni Jesus. Jala dipatudos do harorona i songon panakko.

• Pikkirhon ma aha do persamaan ni topik utamana dohot tudosanna. Coba ma pikkirhon boasa topik utamana disarupahon tu tudosan i, jala parrohahon ma akka aha do persamaanna.

• Bahen ma kesimpulan na sittong taringot tudosanna. Sipata boi do sala kesimpulan na tadapot, ala holan mamparrohahon piga-piga persamaan ni topik utama dohot tudosanna. Misalna, songon contoh na dipaboa nakkin. Sasittongna, dang adong na lao ditakko Jesus. Alana, konteks ni ayat i patuduhon haroro ni Jesus do na songon panakko. Lapatanna, toppu do ibana ro jala dang marboa-boa.