Toktong ma Barani jala Setia Songon si Benaya

Sahalak tentara na barani do si Benaya. Gabe tentara do ibana di tikki mamaretta Raja Daud dohot si Salomo. Anak ni malim do si Benaya. Biasana, dang dohot akka malim dohot halak Lepi marporang, jala dang biasa nasida mamakke sinjata. Alai molo si Benaya, dohot do ibana marporang. Barani hian do ibana. Misalna, hea do dipamate ibana singa di bagasan sumur. Hea do tong dipamate ibana sahalak tentara na massai balga dagingna. Pos do roha ni si Daud tu si Benaya. Alani i ma gabe pamimpin ni akka pengawal ni si Daud do ibana.—2 Sam. 23:​20-23.

Nang pe dang setia si Absalom dohot si Adonia tu si Daud, alai molo si Benaya toktong do ibana setia. (2 Sam. 8:18; 15:18; 1 Raj. 1:8) Jala dung matua pe si Daud, toktong do setia si Benaya tu ibana. Buktina didukung si Benaya do si Salomo gabe raja. (1 Raj. 1:​32-40) Jadi, nang pe sai adong na mangalo tu Jahowa dohot tu halak na dipillit Ibana, alai molo si Benaya dang songon i.

Hita pe ikkon barani do mangalo musutta, Sibolis dohot akka halak na mangihutton ibana. Jala ikkon bertekad do hita asa toktong mangulahon lomo ni roha ni Jahowa. (Eps. 6:11; 1 Ptr. 5:​8, 9) Molo pe adong na maninggalhon Jahowa, unang ma tatiru nasida. Toktong ma hita setia tu Jahowa. Molo taulahon i, pasu-pasuonna ma hita.—2 Sam. 22:26.