Si Obaja—Patudu ma Biar ni Roha tu Jahowa

Si Obaja, i ma kepala istana ni Raja Ahab. Jahat do si Ahab on. Dipasombu ibana do halak Israel manomba Baal. Alai molo si Obaja, dihabiari ibana do Jahowa mulai sian ‘haposoonna’. (1 Raj. 18:​1-13) Tikki disuru Ratu Izebel asa dipamate sude panurirang ni Jahowa, barani do si Obaja paluahon akka panurirang ni Jahowa i. Pasti dang mura mangulahon on. Alana manabunihon sahalak pe nga maol. Hape di tikki i ikkon ditabunihon ibana do 100 panurirang, jala ikkon dilehon do nasida mangan saleleng masa haraparon. Ikkon berjuang do tong ibana asa unang adong panurirang ni Baal na mamboto i.—1 Raj. 18:19.

Memang mabiar do si Obaja tu si Ahab. Alai, uppetting do di ibana makkabiari Jahowa. On ma na mambahen ibana rade mangalehon ngoluna lao paluahon akka panurirang ni Jahowa. Aha do na boi taparsiajari sian si Obaja? Molo diorai ulaonta manomba Jahowa di inganatta, ikkon tapatudu do na uppetting di hita makkabiari Jahowa. Alana, on boi mambahen hita rade mangurupi akka dongan saleleng masa situasi na maol.