Bayakkon ma Akka Cerita na di Bibel

Di Bibel, disurat do godang cerita na bermanfaat tu hita. Molo tabayakkon akka ceritana, boi ma lam taattusi aha na tajaha jala tadapot ma parsiajaran sian i. Parrohahon ma piga-piga saran na boi mangurupi hamu mambayakkon akka cerita na di Bibel.

• Marsoara ma hamu tikki manjaha. Molo marsoara hamu tikki manjaha, gabe lam mura ma cerita i dibayakkon hamu. Asing ni i, tikki rap hamu manjaha Bibel dohot keluargamuna, boi do dipangido hamu ganup anggota keluargamuna manjahahon tokoh na marasing-asing.

• Bayakkon ma ceritana. Coba ma bayakkon songon dia perasaan dohot cara marpikkir ni halak na dipaboa di cerita i. Rimangi ma sukkun-sukkun on: ‘Boasa didok ibana songon i? Jala boasa diulahon ibana i? Molo di situasi i au, songon dia do perasaanku jala aha do na hupikkirhon?’

• Bahen ma gambar. Molo digambar hamu cerita na dijahamuna, gabe lam mura ma cerita i dibayakkon hamu jala mura diingot. Berupaya ma hamu mangulahon i nang pe dang bagak gambarmuna.