BAGIAN 5
Mulak ma Hamu tu “Parmahan i Dohot tu na Mangaramoti Ngolumuna”
Hea do dihadapi hamu sada sian akka tantangan na dibahas di brosur on? Molo hea, dang holan sahalakmuna na hea menghadapi sisongon i. Najolo dohot di tikkitta saonari pe, godang do naposo ni Jahowa na setia na hea menghadapi akka tantangan na sarupa. Alai boi do i diatasi nasida ala diurupi Jahowa. Hamu pe pasti urupan ni Jahowa do.
Urupan ni Jahowa do hamu asa boi mulak tu Ibana
POS ma rohamuna, urupan ni Jahowa do hamu asa boi mulak muse tu Ibana. Tikki godang sitaononmuna jala adong na mambahen haccit rohamuna, pasti urupan ni Jahowa do hamu menghadapi i. Urupanna do muse hamu asa ias hati nuranimuna, na mambahen dame roha dohot pikkiranmuna. Dukkon i, ra gabe taronjar do rohamuna lao melayani Jahowa muse rap dohot akka dongan. Boi ma hilalaonmuna songon na dihilala piga-piga halak Kristen di abad na parjolo. Didok Apostel Petrus do tu nasida, “Songon biru-biru na lilu do hamu najolo. Alai saonari, nungnga mulak hamu tu parmahan i dohot tu na mangaramoti ngolumuna.”—1 Petrus 2:25.
Keputusan na massai denggan do molo mulak hamu tu Jahowa. Boasa? Alana gabe dibahen hamu las roha ni Jahowa. (Poda 27:11) Songon naung diboto hamu, balga do pengaruh ni tindakanta tu perasaan ni Jahowa. Memang, dang dipaksa Jahowa hita asa makkaholongi jala manomba Ibana. (5 Musa 30:19, 20) Digombarhon sahalak pakar ni Bibel ma i songon on: Rohatta sarupa ma songon pintu na holan sian bagas boi dibukka. Dang adong manang ise pe na boi mambukka i sian luar. Ikkon hita sandiri do na mambukka i. Songon dia carana? Molo mulak muse hita manomba Jahowa sian nasa rohatta. Molo toktong setia hita manomba Jahowa, hira na talehon ma hadiah na massai arga tu Ibana. Tama do Jahowa tasomba. Molo tasomba Jahowa, marlas ni roha ma hita.—Ulaon ni Apostel 20:35; Pangungkapon 4:11.
Asing ni i, molo mulak muse hamu manomba Jahowa, gabe terpenuhi ma kebutuhan rohanimuna. (Mateus 5:3) Aha do maksudna? Godang do halak di portibi on na sukkun-sukkun rohana, ‘Aha do sasittongna tujuan ni ngolutta?’ Lomo do roha ni nasida naeng mamboto alusna. Nungnga disuanton Jahowa di roha ni jolma kebutuhan rohani. Ditoppa Jahowa do jolma asa boi marlas ni roha manomba Ibana. Alani i, molo tasomba Jahowa alani holong, gabe boi ma hita toktong marlas ni roha.—Psalmen 63:1-5.
Pos ma rohamuna, lomo do roha ni Jahowa asa mulak hamu tu Ibana. Aha buktina? Pikkirhon ma: Tikki paradehon brosur on, jotjot do hami martangiang. Dung i, adong do ra sahalak sintua manang dongan sahaporseaon na mangalehon brosur on tu hamu. Gabe taronjar do rohamuna lao manjaha brosur on, jala mangulahon na dijahamuna i. Sudena i patuduhon dang hea lupa Jahowa tu hamu. Gariada, dipatudu Jahowa do holongna tikki manogu hamu asa mulak tu Ibana.—Johannes 6:44.
Las do rohatta mamboto dang hea ditinggalhon Jahowa akka naposona na mandao sian Ibana. On ma na dihilala si Donna. Didok ibana, “Lam leleng gabe lam dao do au sian Jahowa. Alai jotjot do hurimangi Psalmen 139:23, 24 na mandok, ‘Ale Debata, manat ma parrohahon au jala ida ma rohakku. Manat ma parrohahon au, jala ida ma arsak ni rohakku. Ida ma atik na adong do na jahat di rohakku, jala togu-togu ma au di dalan na so adong ujungna.’ Gabe husadari ma, sebenarna dang cocok au gabe bagian sian portibi on. Ikkon di bagasan organisasi ni Jahowa do au. Gabe huboto ma, dang hea hape ditinggalhon Jahowa au. Au do na ikkon mulak tu Ibana. Jala las hian do rohakku, ala nungnga hubahen keputusan i!”
“Gabe huboto ma, dang hea hape ditinggalhon Jahowa au. Au do na ikkon mulak tu Ibana”
Sai torus do ditangiakkon hami hamu asa boi muse dihilala hamu ‘las ni roha sian Jahowa’. (Nehemia 8:10) Molo mulak hamu tu Jahowa, pasti dang menyesal hamu.