CARA ASA UNANG SAI MARSAK

Dang na lao Stres Be Hita

Molo taihutton akka poda na sian Bibel boi do i mangurupi hita asa unang pamarsakhu manang stres. Memang, dang boi tapasiding sude masalah na boi mambahen hita gabe stres. Alai boi do Debata mangulahon i, alana Ibana do na manoppa hita. Bahkan nungnga dipillit Ibana sasahalak na lao mangurupi hita, i ma Jesus Kristus. Satokkin nai bahenonna ma akka na denggan di saluhut tano on, unggodang sian na hea dibahen ibana tikki di tano on. Misalna:

PAMALUMONNA MA AKKA NA MARSAHIT SONGON NA HEA DIULAHON IBANA.

“Diboan nasida ma akka na marsahit . . . Dipamalum ibana do nasida sude.”—MATEUS 4:24.

LEHONONNA MA SIPANGANON DOHOT JABU TU SUDE JOLMA.

“Dibangun [akka na unduk tu Kristus] ma jabu jala nasida ma na mangingani, dibahen nasida ma ladang anggur jala nasida ma na mangallang parbuena. Dang dipajongjong nasida jabu asa halak na asing mangingani,Jala dang halak na asing na lao mangallang na disuan nasida.”—JESAYA 65:21, 22.

BAHENONNA MA DAME JALA AMAN PORTIBI ON.

“Saleleng mamaretta ibana, gabe lam denggan ma ngolu ni halak na tigor marroha. Dos ma nasida songon suan-suanan na lomak. Jala gok ma hadameon sahat tu na so adong be bulan. Na lao mamaretta ma ibana mulai sian laut na di timur sahat tu laut na di barat. Jala na lao mamaretta ma ibana mulai sian Sunge Euprat sahat tu ujung ni tano on. . . . Jala taluhonon ni raja i ma akka musuna.”—PSALMEN 72:7-9.

DANG ADONG BE KETIDAKADILAN.

“Asi do rohana tu halak na dangol dohot tu halak na pogos,Jala dijaga ibana do ngolu ni halak na pogos. Paluaonna do nasida sian akka halak na manusai nasida dohot sian halak na kejam.”—PSALMEN 72:13, 14.

DANG ADONG BE SITAONON DOHOT HAMATEAN.

“Dang adong be hamatean, nang arsak ni roha, nang angguk-angguk, nang na haccit, dang disi be.”—PANGUNGKAPON 21:4.

“LAM BERBAHAYA DO SITUASI ALA GODANG NA MAMBAHEN STRES”

“Dibandingkon tu najolo, ummura do stres halak saonari, ummura marsak, jala marlungun ni roha.”—Si Mohamed S. Younis, Redaksi Gallup.

Boasa lam godang halak na stres saonari on? Adong do dipaboa di Bibel alusna. Di 2 Timoteus 3:1 didok do, “Di akka ari parpudi . . . lam berbahaya do situasi ala godang na mambahen hita stres jala susa.” (The Amplified Bible) Dung i di ayat na mangihut dipaboa do muse alasanna. Godang do halak na stres saonari on ala hisap akka halak di sakaliling ni nasida, ginjang rohana, munafik, kasar, dang makkaholongi keluarga, jala dang boi mangorom diri. (2 Timoteus 3:2-5) Alai na lao marujung ma akka ari parpudi i dung mamaretta Jesus, i ma raja ni Harajaon ni Debata sian surgo tu tano on.—Daniel 2:44.