SUKKUN-SUKKUN 2
Songon dia do carana asa tatanda Debata?
“Toktong ma hatahon taringot tu bukku na marisi Patik i. Jaha jala rimangi ma i arian nang borngin, asa boi denggan ulahononmu sude na tarsurat disi. Dung i boi ma ho marhasil jala marbisuk.”
“Torus ma gogo dijahahon nasida bukku Patik ni Debata na sittong i. Takkas do i dipatorang jala dipaboa lapatanna. Gabe boi ma nasida mangurupi bangso i mangattusi patik naung dijahahon i.”
“Marlas ni roha ma halak na so mangihutton poda ni halak na jahat . . . , alai patik ni Jahowa do na dihalomohon rohana, dijaha jala dirimangi ibana do patik i arian nang borngin. . . . Sai marhasil do sude na niulana.”
“Marlojong ma si Pilippus di labbung ni kareta hoda i, gabe dibege ma halak Etiopia i manjaha bukku ni Panurirang Jesaya. Disukkun si Pilippus ma ibana, ‘Diattusi ho do na dijahami?’ Dialusi ibana ma si Pilippus, ‘Sian dia ma boi huattusi i molo so adong na mangajari au?’”
“Nang pe dang boi taida Debata, alai boi do taattusi akka pangalahona molo taparsiajari songon dia portibi on ditoppa. Boi do taboto aha na dihalomohon rohana molo taparsiajari akka na dibahen Ibana. Tarida do sian akka na tinoppana na tutu Ibana Debata jala martahan sahat tu saleleng ni lelengna do huasona. Alani i, dang adong be na boi mambahen jolma marsidalian.”
“Rimangi ma akka i. Ulahon ma i sian nasa gogom, asa diida sude halak na lam togu parale-aleonmu tu Debata.”
“Taparrohahon ma akka donganta, asa boi hita manjujui na asing lao patuduhon holong ni roha dohot mangulahon na denggan. Unang ma tatinggalhon parpunguanta.”
“Molo adong sian hamu na hurang bisuk, toktong ma i dipangido tu Debata. Lehononna do i tu ibana jala dang pailaonna ibana. Ai burju do Debata mangalehon tu sude halak.”