HABAKUK
1 On ma barita na dipaboa tu Panurirang* Habakuk* marhite sada parnidaan:
2 Ale Jahowa, sadia leleng nai au jou-jou tu Ho lao mangido asa diurupi?+
Andigan do tangihononmu au?
Sahat tu andigan do pangidookku asa diurupi Ho au?
Andigan do dipalua Ho au sian hajahaton?+
3 Boasa ma dipasombu Ho ikkon idaokku akka na jahat?
Boasa ma dipasombu Ho halak manusai na asing?
Boasa ma ikkon idaokku akka na hancur dohot akka na kejam?
Boasa ma tung godang na marbadai dohot na marsalisi?
4 Alani i dang margogo jala dang marguna be patik.
Jala dang hea be dipatudu na sittong,
Ai nungnga unggodang halak na jahat sian halak na tigor marroha.
Alani i do gabe balik na sittong i.+
5 “Ida ma jala parrohahon hamu ma akka bangso!
Tarsonggot ma hamu jala longang ma rohamuna.
Ai na lao adong ma na masa di tikkimuna on,
Jala dang na lao porsea hamu nang pe adong na patorakkon i tu hamu.+
Na lao didalani nasida ma inganan na ubbidang di tano on
Lao mangarampas akka jabu na so appuna ni nasida.+
7 Bangso na jorbut do nasida jala parohon biar.
Dibahen nasida do hukum ni nasida sandiri jala dipasangap nasida do dirina.+
8 Ukkatop do akka hodana marlojong sian macan tutul,
Ubbuas do nasida sian serigala di tikki borngin.+
Hatop do marlojong akka hoda porangna,
Jala ro do akka hodana i sian inganan na dao.
Songon lali na habang do nasida, na hatop manakkup mangsana.+
9 Massai kejam do nasida sude.+
Dos songon alogo na sian timur do nasida tikki dipapungu.+
Jala songon godang ni pasir do godang ni na ditakkup nasida.
10 Direhei nasida do akka raja,
Diparekkeli nasida do akka pejabat tinggi.+
Diparekkeli nasida do sude inganan na marbenteng,+
Jala dipajongjong nasida do benteng sian tano lao manaluhon inganan i.
11 Dos songon alogo do nasida mardalan, torus do nasida maju.
Alai patut do nasida dihukum,+
Ai dibahen nasida do gogo ni nasida i gabe debata ni nasida.”*+
12 Ale Jahowa, toktong do Ho adong sian saleleng ni lelengna ro di saleleng ni lelengna,+
Ho do Debatakku Nabadia jala dang na lao mate Ho.*+
Ale Jahowa, nungnga dipillit Ho nasida lao mangadili.
Ale Dolok Batukku,+ nungnga ditottuhon Ho be nasida lao mambahen panguhuman.*+
Alai boasa ma dipasombu Ho mangolu akka penghianat?+
Jala boasa ma sai sip Ho tikki dirajai halak na jahat i halak na umburju sian ibana?+
14 Boasa ma bahenonmu jolma i songon dekke na di laut,
Manang songon binatang na mangissir na so adong na mamimpin?
15 Songon na makkail do dibahen nasida* lao manakkup jolma i.
Ditakkup nasida do sudena i mamakke jaring.
Jala dipapungu nasida do i tu bagasan jala.
Alani i marlas ni roha ma nasida mangida na binahenna i.+
16 Alani i ma dilehon nasida pelean tu jaring ni nasida,
Jala ditutung nasida dupa tu jala ni nasida,
Ai akka i do na mambahen nasida boi mangallang sipanganon na tabo,
Jala mangallang sipanganon na mambahen nasida sehat.
17 Torus nama nasida manappatton jaring* ni nasida?
Torus nama nasida massai kejam pamatehon akka bangso?+
Sai marjaga ma au asa huboto aha na lao dohonon ni Ibana* marhite au,
Jala asa huboto songon dia alussu tikki dipasingot Ibana au.
2 Dung i didok Jahowa ma tu au,
“Suratton ma parnidaan on jala surat ma i takkas di batu panuratan* i,+
Asa mura dijaha di jolo ni godang halak.+
3 Ai na lao saut do parnidaan i di tikki naung ditottuhon,
Na lao tibu nama i masa, jala sittong do parnidaan i.
Ai molo pe tarlambat i masa,* toktong ma pos roham* paimahon i!+
Ai pasti do saut i.
Jala dang na lao tarlambat.
4 Ida ma halak na ginjang rohana,
Dang halak na tigor marroha ibana.
Alai toktong do mangolu halak na mangulahon na sittong, ala setia do ibana.*+
5 Sasittongna boi do anggur i mambahen halak gabe mangulahon ulaon ni halak na oto,
Alani i do, dang na lao marhasil halak na ginjang rohana.
Nang pe massai male ibana dos songon Kuburan,*
Jala dos do ibana songon hamatean, dang na lao puas ibana.
Torus do papunguonna sude bangso
Jala torus do papunguonna sude jolma lao gabe appunana.+
6 Pasti do dihatai sude halak ibana, direhei, jala diburai.+
Dohonon ni nasida ma,
‘Sadia leleng nai ma torus papungu-punguonna arta na so appunana?
Marjea ma ibana,
Ai nungnga lam godang utangna!
7 Ai na lao toppu ma ro sitagih utangmu,
Didungoi nasida ma ho jala dihutur-hutur ma ho,
Jala buaton ni nasida ma artam.+
8 Nungnga dipamate ho godang halak,
Nungnga diulahon ho na jahat di tano on.
Diulahon ho do i di akka kota dohot tu akka pendudukna,+
Dibuat ho do sude arta ni akka bangso.
Alani i, ro nama bangso na asing mambuat sude artam.+
9 Marjea ma halak na mangulahon na so sittong lao mangalului uttung di keluargana,
Dibahen ibana do asarna di inganan na timbo,
Asa malua ibana sian parmaraan.
10 Rencana na binahenmu mambahen keluargam maila.
Nungnga diulahon ho dosa, ai nungnga godang dipamate ho bangso.+
11 Ai dohot do batu na di tembok marsurak,
Jala hau na di atap mangalusi ibana.
12 Marjea ma na mambunu halak lao mambangun sada kota,
Jala na pajongjokkon sada huta marhite mangulahon na jahat!
13 Ida ma! Loja do akka jolma karejo, alai na lao ditutung api do sudena i.+
Jala sian nasa gogona do akka bangso mangulahon ulaonna, alai marisuang do i sude.
Jahowa Pamimpin ni Akka Tentara* i do na mambahen i masa.
14 Songon aek na manggohi laut,+
Songon i ma tano on digohi parbinotoan taringot tu hamuliaon ni Jahowa.
15 Marjea ma halak na muruk jala na tarrimas,
Jala na mangalehon tu donganna siinumon na mambahen nasida mabuk,
Ala lomo rohana naeng mangida nasida salang-salang!
16 Na lao dibahen nama ho marlea,* asa unang dipasangap be ho.
Na lao minum ma ho, na lao diida halak ma ho salang-salang jala dang marsunat.*
Na lao juppang ma tikkim minum sian cawan na di tangan kanan ni Jahowa.+
Muba ma hasangaponmi gabe mambahen ho marlea.
17 Na lao masa ma tu hamu hajahaton na binahenmuna tu Libanon.
Dihancurhon hamu do sude, jala mabiar do akka binatang,
Alai na lao masa ma songon na binahenmuna i tu hamu.
Ai nungnga godang halak dipamate hamu,
Jala diulahon hamu do na jahat di tano on,
Di akka kota, dohot tu sude pendudukna.+
18 Porsea do jolma tu akka patung
Sude patung i dibahen sian hau, batu, dohot bosi.
Palsu do sude poda na dapot ni nasida sian akka patung* i.
Dang boi makkatai patung i.+
Jadi aha ma guna ni akka patung i tu akka na paturehonsa?
19 Marjea ma halak na mandok tu hau naung diponggol, “Dungo ma ho!”
Manang tu batu na so boi makkatai, “Dungo ma ho! Ajari ma hami!”
20 Alai di bagas jorona na badia i do Jahowa.+
Ikkon hohom do sude na di tano on di jolona!’”+
3 Songon on ma tangiang ni Panurirang* Habakuk na dibahen di ende andung-andung:
2 Ale Jahowa, nungnga hubege be taringot tu na binahenmu.
Ale Jahowa, longang do rohakku tu akka na binahenmi.
Bahen ma muse songon i di tikkinami on!*
Bahen ma muse akka ulaon na palongang roha di tikkinami on.*
Molo masa hasusaan i, unang ma lupa Ho lao patuduhon asi ni roham.+
Hasangaponmi manutupi langit,+
Jala soara na mamuji Ho manggohi sude tano on.
4 Marsinondang do Ibana songon mataniari.+
Kaluar do sinondang sian tanganna na dua i,
Disi do buni hagogoonna i.
5 Mardalan do di jolom sahit na masa di godang inganan,+
Jala mangihut do sahit mohop sian pudim.
6 Molo jongjong Ibana, humutur do tano on.+
Molo dibereng Ibana akka bangso, pittor humitir do nasida alani biarna.+
Dihancurhon do akka dolok naung adong sian najolo,
Jala masursur do dibahen akka dolok-dolok naung adong sian tikki naung salpu.+
Mardalan do Ibana di dalan naung adong sian najolo.
7 Huida do masa hasusaan di akka kemah ni halak Kusan,*
Jala humutur akka kain kemah na di luat ni Midian.+
8 Ale Jahowa, na marsigorgor do rimasmu tu akka sunge?
Na muruk do Ho tu nasida?
Manang tikki hundul Ho di atas ni hodami,+
9 Nungnga dipakaluar panahmu, jala nungnga rade lao ditembakkon.
Nungnga rade be tukkot* lao dipakke mangihutton isi ni sumpami. (Sela)
Dibahen Ho do akka sunge mambola tano on.
10 Haccitan do akka dolok tikki diida Ho.+
Doras do udan turun sian langit,
Marsasak do aek na di toru ni tano,+
Jala diangkat do tanganna* timbo tu ginjang.
11 Dang mardalan be mataniari dohot bulan di langit.+
Songon cahaya do anak panahmu tikki ditembakkon.+
Jala marhillong situtu do tombakmu.*
12 Mardongan muruk do Ho mandalani tano on.
Mardongan rimas do Ho mandege-dege akka bangso.
13 Kaluar do Ho lao paluahon bangsom, lao paluahon halak na pinillitmu.
Diropukkon Ho do pamimpin na sian jabu ni parjahat.
Dihancurhon Ho do jabu i mulai sian fondasina sahat tu atapna. (Sela)
14 Dipakke Ho do sinjatana* lao manullang ulu ni akka tentarana,
Ro do nasida songon haba-haba lao mambahen hami marserak.
Las do roha ni nasida sipsip lao pamatehon akka halak na susa.
15 Dipakke ho do akka hodami lao mangalewati laut,
Lao mamolus laut na massai bidang jala na margalumbang.
Gale ma holi-holikku,+
Hitir-hitir ma pattu.
Alai tenang do au paimahon ari hasusaan i,+
Ari na lao masa tu akka bangso na ro mangalo hami.
17 Nang pe dang marbunga be hau ara,
Jala dang marparbue be hau anggur,
Nang pe dang boi be dipanen hau jetun,
Jala dang tubu be suan-suanan di ladang,
Nang pe mago hambing dohot biru-biru sian kandangna,
Jala dang adong nanggo sada pe lombu di kandang,
18 Alai anggo au, toktong do au marlas ni roha alani Jahowa.
Marlas ni roha do au alani Debata Sipalua au.+
19 Jahowa Tuan Natumimbul i do Silehon gogo di au,+
Dibahen Ibana do pattu songon pat ni rusa,
Asa boi au mardalan di dolok-dolok.+
Tu akka pamimpin ni parende: Diiringi akka alat musikku na martali.
Ida di Kamus.
Ra lapatanna “Parholong”.
Manang “na mura tarrimas”.
Manang boi do “Ai gogo ni nasida do debata ni nasida”.
Manang boi do “dang na lao mate hami”.
Manang “lao dipissang”.
Na nidokna, i ma tentara ni halak Kasdim.
Manang “Torus nama nasida mamakke podang”.
Ra na nidokna, i ma Debata.
Manang “hau panuratan”.
Manang “molo pe songon na tarlambat i masa”.
Manang “marsitutu ma ho”.
Manang boi do “ala boi do ibana dihaporseai”.
Manang “Syeol”. Ida di Kamus.
Manang “Sebaot”, lapatanna pamimpin ni akka suru-suruan na di banua ginjang.
Manang “Na lao butong ma ho bahenon ni hata ni halak na mangaleai ho”.
Manang boi do “minum ma ho jala tenggen”.
Manang “patung na sian logam”.
Ida di Kamus.
As. “di parsitongaan ni akka taon”.
As. “di parsitongaan ni akka taon”.
Ida di Kamus.
Ra penduduk ni Kusan, i ma akka pinoppar ni si Kus.
Manang “Ai parohon haluaon”.
Manang boi do “panah”.
Ra na nidokna galumbang.
Manang “hujurmu”.
As. “tukkotna”.
As. “haccit ma butuhakku”.