1 KRONIKA

5 Akka anak ni si Japet, i ma si Gomer, si Magog, si Madai, si Javan, si Tubal,+ si Mesek,+ dohot si Tiras.+

6 Akka anak ni si Gomer, i ma si Askenas, si Ripat, dohot si Togarma.+

7 Akka anak ni si Javan, i ma si Elisya, si Tarsis, si Kittim, dohot si Rodanim.

8 Akka anak ni si Ham, i ma si Kus,+ si Misraim, si Put, dohot si Kanaan.+

9 Akka anak ni si Kus, i ma si Seba,+ si Hevila, si Sabta, si Raama,+ dohot si Sabteka.

Jala akka anak ni si Raama, i ma si Syeba dohot si Dedan.+

10 Tubu ma anak ni si Kus, i ma si Nimrod.+ Si Nimrod ma pamimpin na parjolo na massai gogo di tano on.

11 Tubu ma akka anak ni si Misraim, i ma si Lud,+ si Anam, si Lehab, si Naptuhim,+ 12 si Patrusim,+ si Kasluhim (ompu ni halak Palistim),+ dohot si Kaptorim.+

13 Tubu ma akka anak ni si Kanaan, i ma si Sidon+ dohot si Het.+ Si Sidon do siakkangan. 14 Si Kanaan do muse ompu ni halak Jebus,+ halak Amori,+ halak Girgasi,+ 15 halak Hevi,+ halak Arki, halak Sini, 16 halak Arwad,+ halak Semari, dohot halak Hamat.

18 Tubu ma anak ni si Arpaksad. Dibahen ma goarna si Sela.+ Tubu ma anak ni si Sela jala dibahen ma goarna si Heber.

19 Adong dua anak ni si Heber. Na sada goarna si Peleg.*+ Ai di tikki ni si Peleg i do tarbagi akka bangso* di tano on. Na sada nai goarna si Joktan.

20 Akka anak ni si Joktan, i ma si Almodad, si Salep, si Hasarmawet, si Jera,+ 21 si Hadoram, si Usal, si Dikla, 22 si Hobal, si Abimael, si Syeba, 23 si Opir,+ si Hevila,+ dohot si Jobab. Akka on ma sude anak ni si Joktan.

28 Akka anak ni si Abraham, i ma si Isak+ dohot si Ismael.+

29 On ma akka pinoppar ni nasida: Anak siakkangan ni si Ismael, i ma si Nebayot,+ dung i si Kedar,+ si Adbeel, si Mibsam,+ 30 si Misma, si Duma, si Masa, si Hadad, si Tema, 31 si Jetur, si Napis, dohot si Kademah. Akka i ma goar ni anak ni si Ismael.

32 Akka anak ni si Abraham sian si Ketura+ gundikna, i ma si Zimran, si Joksan, si Medan, si Midian,+ si Isbak, dohot si Syuah.+

Akka anak ni si Joksan, i ma si Syeba dohot si Dedan.+

33 Akka anak ni si Midian, i ma si Epah,+ si Eper, si Hanok, si Abida, dohot si Elda.

Akka on ma pinoppar ni si Ketura.

34 Anak ni si Abraham, i ma si Isak.+ Akka anak ni si Isak, i ma si Esau+ dohot si Israel.+

35 Akka anak ni si Esau, i ma si Elipas, si Reguel, si Jehus, si Jalam, dohot si Kora.+

36 Akka anak ni si Elipas, i ma si Teman,+ si Omar, si Zepo, si Gatam, si Kenas, si Timna, dohot si Amalek.+

37 Akka anak ni si Reguel, i ma si Nahat, si Jara, si Samma, dohot si Missa.+

38 Akka anak ni si Seir,+ i ma si Lotan, si Sobal, si Zibeon, si Ana, si Dison, si Eser, dohot si Disan.+

39 Akka anak ni si Lotan, i ma si Hori dohot si Homam. Iboto ni si Lotan, i ma si Timna.+

40 Akka anak ni si Sobal, i ma si Alpan, si Manahat, si Ebal, si Sepo, dohot si Onam.

Akka anak ni si Zibeon, i ma si Aya dohot si Ana.+

41 Anak ni si Ana, i ma si Dison.

Akka anak ni si Dison, i ma si Hamran, si Esban, si Itran, dohot si Heran.+

42 Akka anak ni si Eser,+ i ma si Bilhan, si Zaawan, dohot si Akan.

Akka anak ni si Disan, i ma si Us dohot si Aran.+

43 On ma akka raja na mamaretta di luat Edom+ tikki dang adong dope raja ni halak Israel:+ Si Bela anak ni si Beor ma na mamaretta di kota Dinhaba. 44 Dung mate si Bela, si Jobab anak ni si Jara na sian huta Bosra+ ma na manggattihon ibana gabe raja. 45 Dung mate si Jobab, si Husam na sian luat ni halak Teman ma na manggattihon ibana gabe raja. 46 Dung mate si Husam, si Hadad anak ni si Bedad ma na manggattihon ibana gabe raja. Goar ni kotana Apit. Si Hadad do na manaluhon Midian na di luat* Moab. 47 Dung mate si Hadad, si Samla na sian huta Masreka ma na manggattihon ibana gabe raja. 48 Dung mate si Samla, si Saul na sian huta Rehobot na jonok tu sunge i ma na manggattihon ibana gabe raja. 49 Dung mate si Saul, si Baal-hanan anak ni si Akbor ma na manggattihon ibana gabe raja. 50 Dung mate si Baal-hanan, si Hadad ma na manggattihon ibana gabe raja. Goar ni kotana Pahi, jala goar ni istrina si Mehetabel boru ni si Materet pahoppu ni si Mesahab. 51 Dung i mate ma si Hadad.

Goar ni akka kepala suku sian pinoppar ni si Edom, i ma si Timna, si Alpa, si Jete,+ 52 si Aholibama, si Elah, si Pinon, 53 si Kenas, si Teman, si Mibzar, 54 si Magdiel, dohot si Iram. On ma akka kepala suku sian pinoppar ni si Edom.

2 On ma akka anak ni si Israel:+ si Ruben,+ si Simeon,+ si Lepi,+ si Juda,+ si Isasar,+ si Zebulon,+ 2 si Dan,+ si Josep,+ si Benjamin,+ si Naptali,+ si Gad,+ dohot si Aser.+

3 Akka anak ni si Juda, i ma si Er, si Onan, dohot si Sela. On ma tolu anak ni si Juda na ditubuhon boru ni si Sua halak Kanaan i.+ Alai dang lomo roha ni Jahowa tu si Er anak siakkangan ni si Juda. Alani i, dipamate Debata ma ibana.+ 4 Tubu ma anak ni si Juda sian si Tamar+ parumaenna, i ma si Peres+ dohot si Jara. Lima ma sude anak ni si Juda.

5 Akka anak ni si Peres, i ma si Hezron dohot si Hamul.+

6 Akka anak ni si Jara, i ma si Zimri, si Etan, si Heman, si Kalkol, dohot si Dara. Lima ma nasida sude.

7 Anak ni si Karmi, i ma si Akor,* ibana do na mambahen jea tu* halak Israel.+ Ai dang dioloi ibana paretta taringot akka barang na ikkon ditutung.+

8 Anak ni si Etan, i ma si Azaria.

9 Akka anak ni si Hezron, i ma si Jerahmeel,+ si Ram,+ dohot si Kaleb.

10 Anak ni si Ram, i ma si Aminadab.+ Anak ni si Aminadab, i ma si Nahason,+ pamimpin ni akka pinoppar ni si Juda. 11 Anak ni si Nahason, i ma si Salmon.+ Anak ni si Salmon, i ma si Boas.+ 12 Anak ni si Boas, i ma si Obed. Anak ni si Obed, i ma si Isai.+ 13 Anak ni si Isai siakkangan, i ma si Eliab, na paduahon si Abinadab,+ na patoluhon si Simea,+ 14 na paopatton si Netaneel, na palimahon si Raddai, 15 na paonomhon si Osem, jala na papituhon si Daud.+ 16 Akka ito ni nasida, i ma si Seruya dohot si Abigail.+ Tolu ma anak ni si Seruya, i ma si Abisai,+ si Joab,+ dohot si Asahel.+ 17 Anak ni si Abigail, i ma si Amasa.+ Bapak ni si Amasa, i ma si Jeter pinoppar ni si Ismael.

18 Istri ni si Kaleb anak ni si Hezron, i ma si Azuba dohot si Jeriot. On ma akka anak ni si Kaleb sian akka istrina i: si Jeser, si Sobab, dohot si Ardon. 19 Dung mate si Azuba, mangoli ma si Kaleb tu si Eprata.+ Tubu ma anakna si Hur.+ 20 Anak ni si Hur, i ma si Uri. Anak ni si Uri, i ma si Bezalel.+

21 Dung i mangulahon seks ma si Hezron tu boru ni si Mahir+ bapak ni si Gilead.+ Marumur 60 taon ma si Hezron tikki mangoli tu boru ni si Mahir. Jala tubu ma si Segub. 22 Anak ni si Segub, i ma si Jair.+ Ibana do na manaluhon 23 kota di luat ni halak Gilead,+ jala gabe appunana ma akka kota i. 23 Akka i ma pinoppar ni si Mahir bapak ni si Gilead. Di pudian ni ari ro ma halak Gesur+ dohot halak Siria+ manaluhon Hawot-jair.+ Ditaluhon nasida do muse kota Kenat+ dohot akka kota di sakalilingna, 60 kota ma godangna.

24 Dung mate si Hezron+ di Kaleb-eprata, ditubuhon istrina si Abia ma si Ashur+ bapak ni si Tekoa.*+

25 Si Jerahmeel ma anak siakkangan ni si Hezron. Anak siakkangan ni si Jerahmeel, i ma si Ram, dung i si Buna, si Oren, si Osem, dohot si Ahia. 26 Adong do istri ni si Jerahmeel na asing na margoar si Atara. Ibana ma omak ni si Onam. 27 Anak siakkangan ni si Jerahmeel, i ma si Ram. Akka anak ni si Ram, i ma si Maas, si Jamin, dohot si Eker. 28 Akka anak ni si Onam, i ma si Sammai dohot si Jada. Akka anak ni si Sammai, i ma si Nadab dohot si Abisur. 29 Istri ni si Abisur, i ma si Abihail. Ditubuhon ibana ma si Ahban dohot si Molid. 30 Akka anak ni si Nadab, i ma si Seled dohot si Apaim. Alai mate ma si Seled jala dang adong anakna. 31 Anak ni si Apaim, i ma si Ishi. Anak ni si Ishi, i ma si Sesan. Jala anak ni si Sesan, i ma si Ahloi. 32 Akka anak ni si Jada adek ni si Sammai, i ma si Jeter dohot si Jonatan. Alai mate ma si Jeter jala dang adong anakna. 33 Akka anak ni si Jonatan, i ma si Pelet dohot si Sasa. Akka on ma pinoppar ni si Jerahmeel.

34 Dang adong anak ni si Sesan, holan akka boruna do na adong. Adong do hatoban ni si Sesan na margoar si Jarha halak Mesir. 35 Dipamuli si Sesan ma boruna tu si Jarha hatobanna i. Tubu ma anakna si Attai. 36 Anak ni si Attai, i ma si Natan. Anak ni si Natan, i ma si Sabad. 37 Anak ni si Sabad, i ma si Eplal. Anak ni si Eplal, i ma si Obed. 38 Anak ni si Obed, i ma si Jehu. Anak ni si Jehu, i ma si Azaria. 39 Anak ni si Azaria, i ma si Heles. Anak ni si Heles, i ma si Eleasa. 40 Anak ni si Eleasa, i ma si Sismai. Anak ni si Sismai, i ma si Sallum. 41 Anak ni si Sallum, i ma si Jekamia. Anak ni si Jekamia, i ma si Elisama.

42 Adek ni si Jerahmeel do si Kaleb.+ Anak siakkangan ni si Kaleb, i ma si Mesa bapak ni si Sip. Jala adong do akka anak ni si Maresa bapak ni si Hebron. 43 Akka anak ni si Hebron, i ma si Kora, si Tappua, si Rekem, dohot si Sema. 44 Anak ni si Sema, i ma si Raham. Anak ni si Raham, i ma si Jorkeam. Anak ni si Rekem, i ma si Sammai. 45 Anak ni si Sammai, i ma si Maon. Anak ni si Maon, i ma si Bet-zur.+ 46 Adong do gundik ni si Kaleb na margoar si Epah. Ditubuhon ibana ma si Haran, si Mosa, dohot si Gazis. Anak ni si Haran, i ma si Gazis. 47 Akka anak ni si Jahdai, i ma si Regem, si Jotam, si Gesan, si Pelet, si Epah, dohot si Saap. 48 Adong do muse gundik ni si Kaleb na margoar si Maaka. Ditubuhon ibana ma si Seber dohot si Tirhana. 49 Ditubuhon ibana ma muse si Saap dohot si Sepa. Anak ni si Saap, i ma si Madmana.+ Jala anak ni si Sepa, i ma si Makbena dohot si Gibea.+ Adong do boru ni si Kaleb+ na margoar si Aksa.+ 50 Akka on ma pinoppar ni si Kaleb.

Anak siakkangan ni si Eprata,+ i ma si Hur.+ Akka anak ni si Hur, i ma si Sobal bapak ni si Kiriat-jearim,+ 51 si Salmon bapak ni si Betlehem,+ dohot si Harep bapak ni si Bet-gedor. 52 Pinoppar ni si Sobal bapak ni si Kiriat-jearim, i ma si Haroe dohot satonga halak Menuhoti. 53 Akka keluarga na tading di Kiriat-jearim, i ma halak Itri,+ halak Puti, halak Sumati, dohot halak Misrai. Sian i ma haroroan ni halak Zora+ dohot halak Estaol.+ 54 Akka pinoppar ni si Salmon, i ma akka halak na tinggal di Betlehem,+ Netopa, Atarot-bet-joab, satonga sian halak na tinggal di Manahat, dohot halak na tinggal di Zora. 55 Akka juru tulis na tinggal di Jabes, i ma halak Tirati, halak Simeati, dohot halak Sukoti. Halak Keni+ do nasida, pinoppar ni si Hamat. Jala pinoppar ni si Hamat do muse keluarga ni si Rekab.+

3 On ma akka anak ni si Daud na tubu di Hebron:+ Anakna siakkangan, i ma si Amnon+ tubu ni si Ahinoam+ na sian Jisreel. Anakna paduahon, i ma si Daniel tubu ni si Abigail+ halak Karmel. 2 Anakna patoluhon, i ma si Absalom+ tubu ni si Maaka boru ni si Talmai raja ni Gesur. Anakna paopatton, i ma si Adonia+ tubu ni si Haggit. 3 Anakna palimahon, i ma si Sepatia tubu ni si Abital. Anakna paonomhon, i ma si Itream tubu ni si Egla. 4 Di Hebron ma tubu anakna na onom on. Saleleng pitu satonga taon ma ibana mamaretta di Hebron. Jala 33 taon ma ibana mamaretta di Jerusalem.+

5 Akka anak ni si Daud na tubu di Jerusalem,+ i ma si Simea, si Sobab, si Natan,+ dohot si Salomo.+ Si Bat-seba+ boru ni si Ammiel ma omak ni nasida na opat. 6 Adong sia nai anakna na asing, i ma si Ibar, si Elisama, si Elipelet, 7 si Noga, si Nepeg, si Japia, 8 si Elisama, si Eliada, dohot si Elipelet. 9 On ma sude anak ni si Daud, asing ni akka anakna sian akka gundikna. Adong do ito ni nasida na margoar si Tamar.+

10 Anak ni si Salomo, i ma si Rehabeam.+ Anak ni si Rehabeam, i ma si Abia.+ Anak ni si Abia, i ma si Asa.+ Anak ni si Asa, i ma si Jehosapat.+ 11 Anak ni si Jehosapat, i ma si Jehoram.+ Anak ni si Jehoram, i ma si Ahasia.+ Anak ni si Ahasia, i ma si Jehoas.+ 12 Anak ni si Jehoas, i ma si Amasia.+ Anak ni si Amasia, i ma si Azaria.+ Anak ni si Azaria, i ma si Jotam.+ 13 Anak ni si Jotam, i ma si Ahas.+ Anak ni si Ahas, i ma si Hiskia.+ Anak ni si Hiskia, i ma si Manasse.+ 14 Anak ni si Manasse, i ma si Amon.+ Anak ni si Amon, i ma si Josia.+ 15 Anak siakkangan ni si Josia, i ma si Johanan. Anakna paduahon, i ma si Jehoyakim.+ Anakna patoluhon, i ma si Sedekia.+ Anakna paopatton, i ma si Sallum. 16 Anak ni si Jehoyakim, i ma si Jekonya.+ Anak ni si Jekonya, i ma si Sedekia. 17 Ditawan do si Jekonya. Akka anakna, i ma si Sealtiel, 18 si Malkiram, si Pedaya, si Senasar, si Jekamia, si Hosama, dohot si Nebaya. 19 Akka anak ni si Pedaya, i ma si Serubabel+ dohot si Simei. Akka anak ni si Serubabel, i ma si Mesulam dohot si Hanania (si Selomit ma ito ni nasida). 20 Adong lima nai akka anak ni si Serubabel na asing, i ma si Hasuba, si Ohel, si Berekia, si Hasaja, dohot si Jusab-hesed. 21 Akka anak ni si Hanania, i ma si Pelatia dohot si Jesaya. Anak ni si Jesaya, i ma si Repaya. Anak ni si Repaya, i ma si Arnan. Anak ni si Arnan, i ma si Obaja. Anak ni si Obaja, i ma si Sekania. 22 Akka pinoppar ni si Sekania, i ma si Semaya dohot akka anak ni si Semaya. Akka anak ni si Semaya, i ma si Hantus, si Igal, si Baria, si Naearia, dohot si Sapat. Onom ma nasida sude. 23 Adong tolu anak ni si Naearia, i ma si Eleonai, si Hiskia, dohot si Asrikam. 24 Jala adong pitu anak ni si Eleonai, i ma si Hodapia, si Eliasib, si Pelaya, si Akkub, si Johanan, si Delaya, dohot si Anani.

4 Akka anak ni si Juda, i ma si Peres,+ si Hezron,+ si Karmi, si Hur,+ dohot si Sobal.+ 2 Anak ni si Sobal, i ma si Reaya. Anak ni si Reaya, i ma si Jahat. Akka anak ni si Jahat, i ma si Ahumai dohot si Lehad. Akka on ma keluarga ni halak Zora.+ 3 Akka anak ni bapak ni si Etam,*+ i ma si Jisreel, si Isma, si Idbas (goar ni ito ni nasida, i ma si Hasselponi), 4 si Penuel bapak ni si Gedor, dohot si Eser bapak ni si Husa. Akka on ma pinoppar ni si Hur,+ anak siakkangan ni si Eprata. Si Hur do bapak ni si Betlehem.+ 5 Adong dua istri ni si Ashur+ bapak ni si Tekoa,+ i ma si Hela dohot si Naara. 6 On ma akka anak ni si Naara: si Ahusam, si Heper, si Temeni, dohot si Haahasfari. 7 Akka anak ni si Hela, i ma si Seret, si Ishar, dohot si Etam. 8 Akka anak ni si Kos, i ma si Anub dohot si Hasobeba. Si Kos do muse ompu ni akka pinoppar ni si Aharlel anak ni si Harum.

9 Ussangap do si Jabes sian sude haha anggina. Dibahen omakna pe goarna si Jabes* ala didok omakna do, “Susa do huhilala tikki manubuhon ibana.” 10 Martangiang ma si Jabes tu Debata ni Israel. Didok ibana ma, “Ale Debata, pasu-pasu ma au jala urupi ma au mambahen lam bidang tanokku. Sai dongani ma au jala unang ma bahen au marjea, asa unang susa au!” Alani i, dipasaut Debata ma na pinangidona i.

11 Abang ni si Suha do si Kelub. Anak ni si Kelub, i ma si Mehir. Anak ni si Mehir, i ma si Eston. 12 Akka anak ni si Eston, i ma si Betrapa, si Pasea, dohot si Tehinna. Anak ni si Tehinna, i ma si Ir-nahas. On ma akka halak Reka. 13 Akka anak ni si Kenas, i ma si Otniel+ dohot si Seraya. Anak ni si Otniel, i ma si Hatat. 14 Anak ni si Meonotai, i ma si Opra. Anak ni si Seraya, i ma si Joab. Si Joab do ompu ni halak Ge-harasim,* i ma akka halak na malo martukkang.

15 Anak ni si Jepune do si Kaleb. Akka anak ni si Kaleb,+ i ma si Iru, si Elah, dohot si Naam. Anak ni si Elah, i ma si Kenas. 16 Akka anak ni si Jehaleleel, i ma si Sip, si Sipa, si Tiria, dohot si Asarel. 17 Akka anak ni si Esra, i ma si Jeter, si Mered, si Eper, dohot si Jalon. Hamil ma borua i* jala ditubuhon ibana ma si Miryam, si Sammai, dohot si Isba bapak ni si Estemoa. 18 Akka on ma anak ni si Mered sian si Bitia boru ni si Firaun. Adong do istri ni si Mered na halak Jahudi. Ditubuhon ibana ma si Jered bapak ni si Gedor, si Heber bapak ni si Soko, dohot si Jekutiel bapak ni si Sanoa.

19 Akka anak ni si Hodia, i ma bapak ni si Keila halak Garmi dohot si Estemoa halak Maakat. Ito ni si Naham do istri ni si Hodia. 20 Akka anak ni si Simon, i ma si Amnon, si Rinna, si Ben-hanan, dohot si Tilon. Akka anak ni si Ishi, i ma si Sohet dohot si Ben-sobet.

21 Anak* ni si Juda, i ma si Sela.+ Akka anak ni si Sela, i ma si Er bapak ni si Leka, si Laada bapak ni si Maresa, dohot akka pinoppar ni si Asbea, i ma akka partonun kain na halus. 22 Adong do muse anak ni si Sela, i ma si Jokim, halak Koseba, si Joas, dohot si Sarap. Akka boru Moab do istri ni nasida. Dohot do si Jasubi-lehem anak ni si Sela. Nungnga disurat on sian najolo. 23 Nasida do akka sitopa hudon na tinggal di Netaim dohot di Gedera. Tinggal disi do nasida jala parkarejo ni raja do nasida.

24 Akka anak ni si Simeon,+ i ma si Nemuel, si Jamin, si Jarib, si Jara, dohot si Saul.+ 25 Anak ni si Saul, i ma si Sallum. Anak ni si Sallum, i ma si Mibsam. Anak ni si Mibsam, i ma si Misma. 26 Anak ni si Misma, i ma si Hamul. Anak ni si Hamul, i ma si Sakur. Anak ni si Sakur, i ma si Simei. 27 Adong 16 anak ni si Simei jala 6 ma boruna. Unggodang do anakna sian anak ni haha anggina. Alai, dang adong sian keluarga ni nasida na godang ni anakna songon godang ni anak ni marga Juda.+ 28 Nasida tinggal di Ber-seba,+ di Molada,+ di Hasar-sual,+ 29 di Bilha, di Esem,+ di Tolad, 30 di Betuel,+ di Horma,+ di Ziklag,+ 31 di Bet-markabot, di Hazar-susim,+ di Bet-biri, dohot di Saraim. Akka on ma inganan ni nasida sahat tu na mamaretta si Daud.

32 Tinggal do muse nasida di lima kota na asing, i ma kota Etam, kota Ain, kota Rimmon, kota Tohen, dohot kota Asan.+ 33 Tinggal do nasida muse di sakaliling ni akka kota i sahat tu kota Baal. On ma tarombo ni nasida dohot akka inganan ni nasida. 34 Akka pinoppar ni si Simeon na asing, i ma si Mesobab, si Jamle, si Josa anak ni si Amasia, 35 si Joel, si Jehu anak ni si Josibia pahoppu ni si Seraya nini ni si Asiel, 36 si Eleonai, si Jaakoba, si Jesohaya, si Asaya, si Adiel, si Jesimiel, si Benaya, 37 dohot si Sisa. Bapak ni si Sisa, i ma si Sipi. Bapak ni si Sipi, i ma si Allon. Bapak ni si Allon, i ma si Jedaya. Bapak ni si Jedaya, i ma si Simri. Bapak ni si Simri, i ma si Semaya. 38 Nasida ma akka pamimpin di keluarga ni nasida. Jala lam martamba ma pinoppar ni akka ompu ni nasida. 39 Dung i lao ma nasida mangalului inganan parmahanan ni biru-biru ni nasida. Lao ma nasida tu dalan na lao tu Gedor, i ma na di sabola timur ni rura. 40 Dapot ni nasida ma inganan parmahanan na lomak jala na denggan. Halak Ham+ do najolo tinggal disi. Bidang do luat i, aman, jala dang adong na mangganggu. 41 Nasida ro tu luat i tikki mamaretta si Hiskia+ raja ni Juda. Dipamate nasida ma sude halak Ham dohot halak Meunim na tinggal disi, jala diruppakkon ma akka kemah ni halak Ham dohot halak Meunim i. Gabe nasida ma na tinggal disi, ala adong inganan parmahanan ni biru-biru disi.

42 Adong do 500 halak Simeon na lao tu Dolok Seir.+ Akka anak ni si Ishi ma na gabe pamimpin ni nasida, i ma si Pelatia, si Naearia, si Repaya, dohot si Usiel. 43 Di dolok i, adong do halak Amalek+ na lari tusi. Dipamate nasida ma halak Amalek i, gabe nasida ma na tinggal disi sahat tu saonari.

5 Si Ruben+ do anak siakkangan ni si Israel. Alai mangulahon seks do ibana dohot gundik* ni bapakna.+ Gabe dilehon ma hak ni anak siakkangan tu akka anak ni si Josep,+ pahoppu ni si Israel. Alani i, dang ibana be anak siakkangan di tarombo ni nasida. 2 Ussangap do si Juda+ sian haha anggina. Jala sian si Juda do ro halak na gabe pamimpin.+ Alai tu si Josep do dilehon hak ni anak siakkangan. 3 Anak siakkangan ni si Israel, i ma si Ruben. Akka anak ni si Ruben, i ma si Hanok, si Pallu, si Hezron, dohot si Karmi.+ 4 Anak ni si Joel, i ma Semaya. Anak ni si Semaya, i ma si Gog. Anak ni si Gog, i ma si Simei. 5 Anak ni si Simei, i ma si Mika. Anak ni si Mika, i ma si Reaya. Anak ni si Reaya, i ma si Baal. 6 Anak ni si Baal, i ma si Beera. Ibana do na ditawan ni Raja Tiglat-pilnesar+ na sian Asiria. Jala ibana do pamimpin ni marga Ruben. 7 Mangihutton tarombo ni keluarga ni nasida, on ma haha anggi ni si Beera: si Jeiel ma pamimpinna, si Sakaria, 8 dohot si Bela anak ni si Asas pahoppu ni si Sema nini ni si Joel. Tinggal di Aroer+ do keluarga ni si Bela sahat tu Nebo dohot tu Baal-meon.+ 9 Ala lam godang binatang na dipiaro keluarga ni si Bela di Gilead,+ gabe tinggal ma nasida di sabola timur sahat tu pinggir ni gurun na jonok tu Sunge Euprat.+ 10 Tikki mamaretta si Saul, marporang do nasida mangalo halak Hagri jala ditaluhon nasida do halak Hagri. Alani i, nasida ma na tinggal di akka kemah ni halak Hagri na adong di sude luat na di sabola timur ni Gilead.

11 Jonok do inganan ni pinoppar ni si Ruben dohot inganan ni akka pinoppar ni si Gad. Ai tinggal do akka pinoppar ni si Gad di luat Basan sahat tu Salka.+ 12 Di Basan, si Joel ma pamimpinna, si Sapam ma na paduahon. Jala adong do muse si Janai dohot si Sapat. 13 Adong pitu haha anggi ni nasida sian keluarga ni bapak ni nasida, i ma si Mikhael, si Mesulam, si Syeba, si Jorai, si Jakan, si Sia, dohot si Heber. 14 Nasida ma akka anak ni si Abihail. Bapak ni si Abihail, i ma si Huri. Bapak ni si Huri, i ma si Jaroa. Bapak ni si Jaroa, i ma si Gilead. Bapak ni si Gilead, i ma si Mikhael. Bapak ni si Mikhael, i ma si Jesisai. Bapak ni si Jesisai, i ma si Jahdo. Bapak ni si Jahdo, i ma si Bus. 15 Si Ahi anak ni si Abdiel pahoppu ni si Guni ma pamimpin ni nasida na saompu. 16 Tinggal do nasida di Gilead,+ di Basan+ dohot di akka kota na di sakalilingna, dohot di sude inganan parmahanan na adong di Saron. 17 On ma tarombo ni nasida sude tikki mamaretta si Jotam+ raja ni Juda dohot si Jerobeam*+ raja ni Israel.

18 Adong do 44.760 tentara na jago sian marga Ruben, marga Gad, dohot sian satonga marga Manasse. Dipakke nasida do akka perisai, akka podang, dohot akka panah. Jala nungnga dilatik nasida marporang. 19 Marporang do nasida mangalo halak Hagri,+ Jetur, Napis,+ dohot halak Nodab. 20 Dipangido halak Ruben, halak Gad, dohot satonga halak Manasse ma tu Debata asa diurupi nasida. Ditangihon Debata ma pangidoan ni nasida. Diurupi ma nasida marporang, jala talu ma halak Hagri dohot sude halak na mangurupi halak Hagri. Ai mangasahon Debata do nasida.+ 21 Dibuat nasida do 50.000 unta, 250.000 biru-biru, dohot 2.000 halode. Ditawan nasida do muse 100.000 halak. 22 Godang do musu na mate di parporangan i, ai Debata na sittong do na marporang.+ Dung i, tinggal ma nasida di luat ni musu i sahat tu na diboan nasida gabe tawanan.+

23 Pinoppar ni satonga sian marga Manasse+ tinggal do di Basan sahat tu Baal-hermon, di Senir, dohot di Dolok Hermon.+ Ai massai godang do nasida. 24 On ma akka pamimpin ni nasida na saompu: si Eper, si Ishi, si Eliel, si Asriel, si Jeremia, si Hodapia, dohot si Jahdiel. Akka tentara na jago do nasida jala akka pamimpin ni na saompu na tarbarita. 25 Alai dang setia nasida tu Debata ni akka ompu ni nasida. Jala disomba nasida do debata ni akka bangso+ naung dipalao Debata sian jolo ni nasida. 26 Dibahen Debata ma halak Ruben, halak Gad, dohot satonga sian marga Manasse asa ditawan Raja Pul na sian Asiria+ (i ma Raja Tiglat-pilnesar+ na sian Asiria). Diboan ma nasida tu Hala, Habor, Hara, dohot tu jonok ni Sunge Gozan,+ jala disi ma nasida sahat tu sadari on.

6 Akka anak ni si Lepi,+ i ma si Gerson, si Kohat,+ dohot si Merari.+ 2 Akka anak ni si Kohat, i ma si Amram, si Ishar,+ si Hebron, dohot si Usiel.+ 3 Akka anakkon ni si Amram,+ i ma si Aron,+ si Musa,+ dohot si Miryam.+ Akka anak ni si Aron, i ma si Nadab, si Abihu,+ si Eleasar,+ dohot si Itamar.+ 4 Anak ni si Eleasar, i ma si Pinehas.+ Anak ni si Pinehas, i ma si Abisua. 5 Anak ni si Abisua, i ma si Bukki. Anak ni si Bukki, i ma si Usi. 6 Anak ni si Usi, i ma si Serahia. Anak ni si Serahia, i ma si Merayot. 7 Anak ni si Merayot, i ma si Amaria. Anak ni si Amaria, i ma si Ahitub.+ 8 Anak ni si Ahitub, i ma si Sadok.+ Anak ni si Sadok, i ma si Ahimas.+ 9 Anak ni si Ahimas, i ma si Azaria. Anak ni si Azaria, i ma si Johanan. 10 Anak ni si Johanan, i ma si Azaria. Ibana do malim di jabu na dipajongjong ni si Salomo di Jerusalem.

11 Anak ni si Azaria, i ma si Amaria. Anak ni si Amaria, i ma si Ahitub. 12 Anak ni si Ahitub, i ma si Sadok.+ Anak ni si Sadok, i ma si Sallum. 13 Anak ni si Sallum, i ma si Hilkia.+ Anak ni si Hilkia, i ma si Azaria. 14 Anak ni si Azaria, i ma si Seraya.+ Anak ni si Seraya, i ma si Jehosadak.+ 15 Tikki diloas Jahowa halak Juda dohot halak na di Jerusalem ditawan si Nebukadnesar, dohot do si Jehosadak ditawan.

16 Akka anak ni si Lepi, i ma si Gersom,* si Kohat, dohot si Merari. 17 Akka anak ni si Gersom, i ma si Libni dohot si Simei.+ 18 Akka anak ni si Kohat, i ma si Amram, si Ishar, si Hebron, dohot si Usiel.+ 19 Akka anak ni si Merari, i ma si Mahli dohot si Musi.

On ma akka pinoppar ni si Lepi sian ompu ni nasida be:+ 20 Anak ni si Gersom,+ i ma si Libni. Anak ni si Libni, i ma si Jahat. Anak ni si Jahat, i ma si Zima. 21 Anak ni si Zima, i ma si Joa. Anak ni si Joa, i ma si Iddo. Anak ni si Iddo, i ma si Jara. Anak ni si Jara, i ma si Jerahia. 22 Akka anak* ni si Kohat, i ma si Aminadab. Anak ni si Aminadab, i ma si Kora. Anak ni si Kora,+ i ma si Asir. 23 Anak ni si Asir, i ma si Elkana. Anak ni si Elkana, i ma si Abiasap.+ Anak ni si Abiasap, i ma si Asir. 24 Anak ni si Asir, i ma si Tahat. Anak ni si Tahat, i ma si Uriel. Anak ni si Uriel, i ma si Usia. Anak ni si Usia, i ma si Saul. 25 Akka anak ni si Elkana, i ma si Amasai dohot si Ahimot. 26 Adong do muse na asing na margoar si Elkana. Anak ni si Elkana, i ma si Sopai. Anak ni si Sopai, i ma si Nahat. 27 Anak ni si Nahat, i ma si Eliab. Anak ni si Eliab, i ma si Jeroham. Anak ni si Jeroham, i ma si Elkana.+ 28 Anak siakkangan ni si Samuel,+ i ma si Joel. Anakna paduahon, i ma si Abia.+ 29 Anak* ni si Merari, i ma si Mahli.+ Anak ni si Mahli, i ma si Libni. Anak ni si Libni, i ma si Simei. Anak ni si Simei, i ma si Uzza. 30 Anak ni si Uzza, i ma si Simea. Anak ni si Simea, i ma si Hagia. Jala anak ni si Hagia, i ma si Asaya.

31 Adong do akka halak na dipillit si Daud na mamimpin akka parende di jabu ni Jahowa dung dibahen poti parpadanan tusi.+ 32 Nasida do na martanggung jawab mamimpin akka parende di tabernakel, i ma kemah parpunguan. Diulahon nasida do tugas ni nasida,+ sahat tu na dipajongjong si Salomo jabu ni Jahowa di Jerusalem.+ 33 On ma akka halak na dipillit martugas rap dohot akka anak ni nasida: Sian pinoppar ni si Kohat, si Heman+ ma parendena. Bapak ni si Heman, i ma si Joel.+ Bapak ni si Joel, i ma si Samuel. 34 Bapak ni si Samuel, i ma si Elkana.+ Bapak ni si Elkana, i ma si Jeroham. Bapak ni si Jeroham, i ma si Eliel. Bapak ni si Eliel, i ma si Toah. 35 Bapak ni si Toah, i ma si Sup. Bapak ni si Sup, i ma si Elkana. Bapak ni si Elkana, i ma si Mahat. Bapak ni si Mahat, i ma si Amasai. 36 Bapak ni si Amasai, i ma si Elkana. Bapak ni si Elkana, i ma si Joel. Bapak ni si Joel, i ma si Azaria. Bapak ni si Azaria, i ma si Sepania. 37 Bapak ni si Sepania, i ma si Tahat. Bapak ni si Tahat, i ma si Asir. Bapak ni si Asir, i ma si Abiasap. Bapak ni si Abiasap, i ma si Kora. 38 Bapak ni si Kora, i ma si Ishar. Bapak ni si Ishar, i ma si Kohat. Bapak ni si Kohat i ma si Lepi. Bapak ni si Lepi, i ma si Israel.

39 Si Asap,+ halak Lepi na asing, jongjong di sabola kanan ni si Heman. Bapak ni si Asap, i ma si Berekia. Bapak ni si Berekia, i ma si Simea. 40 Bapak ni si Simea, i ma si Mikhael. Bapak ni si Mikhael, i ma si Baeseya. Bapak ni si Baeseya, i ma si Malkia. 41 Bapak ni si Malkia, i ma si Etni. Bapak ni si Etni, i ma si Jara. Bapak ni si Jara, i ma si Adaya. 42 Bapak ni si Adaya, i ma si Etan. Bapak ni si Etan, i ma si Zima. Bapak ni si Zima, i ma si Simei. 43 Bapak ni si Simei, i ma si Jahat. Bapak ni si Jahat, i ma si Gersom. Bapak ni si Gersom, i ma si Lepi.

44 Halak Lepi pinoppar ni si Merari+ na jongjong di sabola kiri ni si Heman, i ma si Etan.+ Bapak ni si Etan, i ma si Kisi. Bapak ni si Kisi, i ma si Abdi. Bapak ni si Abdi, i ma si Malluk. 45 Bapak ni si Malluk, i ma si Hasabya. Bapak ni si Hasabya, i ma si Amasia. Bapak ni si Amasia, i ma si Hilkia. 46 Bapak ni si Hilkia, i ma si Amzi. Bapak ni si Amzi, i ma si Bani. Bapak ni si Bani, i ma si Semer. 47 Bapak ni si Semer, i ma si Mahli. Bapak ni si Mahli, i ma si Musi. Bapak ni si Musi, i ma si Merari. Bapak ni si Merari, i ma si Lepi.

48 Adong do haha anggi ni nasida halak Lepi na asing na dipillit* lao mangulahon sude ulaon di Tabernakel, i ma jabu ni Debata na sittong.+ 49 Si Aron dohot akka anakna+ do na manutung pelean asa nakkok timusna. Ditutung nasida do pelean di langgatan inganan panutungan ni pelean+ dohot di langgatan inganan panutungan ni dupa.+ Nasida do na mangulahon akka ulaon na massai badia lao mambahen pardamean tu halak Israel.+ Diulahon nasida do i songon na diparettahon si Musa naposo ni Debata na sittong i. 50 On ma akka pinoppar ni si Aron:+ Anak ni si Aron, i ma si Eleasar.+ Anak ni si Eleasar, i ma si Pinehas. Anak ni si Pinehas, i ma si Abisua. 51 Anak ni si Abisua, i ma si Bukki. Anak ni si Bukki, i ma si Usi. Anak ni si Usi, i ma si Serahia. 52 Anak ni si Serahia, i ma si Merayot. Anak ni si Merayot, i ma si Amaria. Anak ni si Amaria, i ma si Ahitub.+ 53 Anak ni si Ahitub, i ma si Sadok.+ Jala anak ni si Sadok, i ma si Ahimas.

54 On ma inganan ni halak Lepi pajongjokkon akka perkemahan na martembok di nasida: Pinoppar ni si Kohat na sian si Aron do na parjolo mandapot undi. 55 Dilehon ma tu nasida Hebron+ na di luat ni Juda, dohot akka inganan parmahanan na adong di sakalilingna. 56 Alai dilehon do ladang dohot akka huta na adong di kota i tu si Kaleb+ anak ni si Jepune. 57 Dilehon ma tu akka pinoppar ni si Aron akka kota* parlinggoman,+ kota Hebron,+ kota Libna+ dohot inganan parmahanan na disi, kota Jatir,+ kota Estemoa dohot inganan parmahanan na disi,+ 58 kota Hilen dohot inganan parmahanan na disi, kota Debir+ dohot inganan parmahanan na disi, 59 kota Asan+ dohot inganan parmahanan na disi, kota Bet-semes+ dohot inganan parmahanan na disi. 60 Dilehon marga Benjamin ma muse tu nasida kota Geba+ dohot inganan parmahanan na disi, kota Alemet dohot inganan parmahanan na disi, kota Anatot+ dohot inganan parmahanan na disi. Adong ma 13 kota na dilehon tu keluarga ni nasida.+

61 Dilehon do* tu pinoppar ni si Kohat na asing sappulu kota. Dilehon do i tu nasida sian akka keluarga na sian marga na asing dohot sian satonga marga Manasse.+

62 Dilehon do 13 kota tu akka keluarga na sian pinoppar ni si Gersom. Dilehon do i tu nasida sian marga Isasar, marga Aser, marga Naptali, dohot sian marga Manasse na di Basan.+

63 Dilehon do 12 kota tu akka keluarga na sian pinoppar ni si Merari. Dilehon do i tu nasida sian marga Ruben, marga Gad, dohot sian marga Zebulon.+

64 Songon i ma halak Israel mangalehon akka kota dohot inganan parmahanan tu halak Lepi.+ 65 Adong do muse akka kota na dilehon tu marga Lepi marhite undi. Sian marga Juda, marga Simeon, dohot sian marga Benjamin do dapot ni nasida akka kota i, i ma akka kota naung dipaboa goarna.

66 Adong do muse akka kota na dilehon marga Epraim tu akka keluarga na sian pinoppar ni si Kohat.+ 67 Dilehon do tu nasida akka kota* Sikem+ dohot inganan parmahanan na disi. Kota Sikem na di inganan na mardolok-dolok di Epraim, i ma kota parlinggoman. Dilehon do muse kota Gezer+ dohot inganan parmahanan na disi, 68 kota Jokmeam dohot inganan parmahanan na adong disi, kota Bet-horon+ dohot inganan parmahanan na disi, 69 kota Ayalon+ dohot inganan parmahanan na disi, kota Gat-rimmon+ dohot inganan parmahanan na disi. 70 Adong do muse akka kota na dilehon satonga marga Manasse tu akka keluarga na asing na sian pinoppar ni si Kohat. Dilehon do kota Aner dohot inganan parmahanan na adong disi, kota Ibleam dohot inganan parmahanan na adong disi.

71 Adong do muse akka kota na dilehon satonga sian marga Manasse tu pinoppar ni si Gersom. Dilehon do kota Golan+ na di Basan dohot inganan parmahanan na disi. Dilehon do muse kota Astarot dohot inganan parmahanan na adong disi.+ 72 Sian marga Isasar, dilehon ma kota Kedes dohot inganan parmahanan na adong disi, kota Daberat+ dohot inganan parmahanan na disi,+ 73 kota Ramot dohot inganan parmahanan na adong disi, kota Anem dohot inganan parmahanan na adong disi. 74 Sian marga Aser, dilehon ma kota Miseal dohot inganan parmahanan na adong disi, kota Abdon dohot inganan parmahanan na adong disi,+ 75 kota Hukok dohot inganan parmahanan na adong disi, kota Rehob+ dohot inganan parmahanan na adong disi. 76 Jala sian marga Naptali, dilehon ma kota Kedes+ na adong di Galilea+ dohot inganan parmahanan na adong disi. Dilehon ma muse kota Hamon dohot inganan parmahanan na adong disi, kota Kiriataim dohot inganan parmahanan na adong disi.

77 Adong do muse akka kota na dilehon marga Zebulon+ tu pinoppar ni si Merari. Dilehon ma kota Rimona dohot inganan parmahanan na adong disi, kota Tabor dohot inganan parmahanan na adong disi. 78 Sian marga Ruben, dilehon do tu nasida akka kota na adong di sabola timur ni Sunge Jordan na jonok tu kota Jeriko. Dilehon do kota Bezer na adong di gurun dohot inganan parmahanan na adong disi. Dilehon do muse kota Jahas+ dohot inganan parmahanan na adong disi, 79 kota Kadermat+ dohot inganan parmahanan na adong disi, kota Mepaat dohot inganan parmahanan na adong disi. 80 Sian marga Gad, dilehon do kota Ramot na di Gilead dohot inganan parmahanan na adong disi. Dilehon do muse kota Mahanaim+ dohot inganan parmahanan na adong disi, 81 kota Hesbon+ dohot inganan parmahanan na adong disi, kota Jaser+ dohot inganan parmahanan na adong disi.

7 Adong opat anak ni si Isasar, i ma si Tola, si Pua, si Jashub, dohot si Simron.+ 2 Akka anak ni si Tola, i ma si Usi, si Repaya, si Jeriel, si Jahmai, si Ibsam, dohot si Semuel. Nasida ma akka pamimpin ni na saompu. Akka tentara na jago do pinoppar ni si Tola. Adong do 22.600 godang ni nasida tikki mamaretta si Daud. 3 Akka pinoppar ni si Usi, i ma si Israhia dohot akka anak ni si Israhia. Akka anak ni si Israhia, i ma si Mikhael, si Obaja, si Joel, dohot si Ishia. Akka pamimpin do nasida na lima. 4 Holan sian nasida na saompu pe, adong do 36.000 tentara na rade marporang. Ai massai godang do istri dohot anak ni nasida. 5 Akka tentara na jago do sude pinoppar ni si Isasar. Adong do 87.000 godang ni nasida mangihutton tarombo ni nasida.+

6 Adong tolu anak ni si Benjamin,+ i ma si Bela,+ si Beker,+ dohot si Jediael.+ 7 Adong lima anak ni si Bela, i ma si Esbon, si Usi, si Usiel, si Jerimot, dohot si Iri. Nasida ma akka pamimpin ni na saompu jala tentara na jago do nasida. Adong do 22.034 godang ni nasida mangihutton tarombo ni nasida.+ 8 Akka anak ni si Beker, i ma si Semira, si Joas, si Elieser, si Eleonai, si Omri, si Jeremot, si Abia, si Anatot, dohot si Alemet. On ma sude anak ni si Beker. 9 Mangihutton tarombo ni akka pamimpin ni nasida na saompu, adong ma 20.200 tentara na jago sian pinoppar ni nasida. 10 Akka pinoppar ni si Jediael,+ i ma si Bilhan dohot akka anak ni si Bilhan. Akka anak ni si Bilhan, i ma si Jehus, si Benjamin, si Ehud, si Kenaana, si Zetan, si Tarsis, dohot si Ahisahar. 11 On ma sude pinoppar ni si Jediael. Mangihutton tarombo ni akka pamimpin ni nasida saompu, adong 17.200 sian pinoppar ni nasida na gabe tentara na jago jala na rade marporang.

12 Pinoppar ni si Ir+ do halak Suppim dohot halak Hupim.* Jala pinoppar ni si Aher do akka anak ni si Husim.

13 Akka anak ni si Naptali,+ i ma si Jahziel, si Guni, si Yezer, dohot si Sallum. On ma sude pinoppar ni si Bilha.+

14 Pinoppar ni si Manasse,+ i ma si Asriel na sian gundikna halak Siria. (Gundikna i do na manubuhon si Mahir+ bapak ni si Gilead. 15 Si Mahir do na mangalului istri tu si Hupim dohot tu si Suppim. Ito ni nasida, i ma si Maaka.) Pinopparna na paduahon, i ma si Zelapehat.+ Alai dang adong anak ni si Zelapehat, holan akka boruna do na adong.+ 16 Istri ni si Mahir, i ma si Maaka. Ditubuhon si Maaka ma si Peres. Adek ni si Peres, i ma si Seres. Akka anak ni si Seres, i ma si Ulam dohot si Rekem. 17 Jala anak ni si Ulam, i ma si Bedan. Akka on ma pinoppar ni si Gilead anak ni si Mahir pahoppu ni si Manasse. 18 Ito ni si Gilead, i ma si Hamoleket. Ditubuhon ibana ma si Isod, si Abi-eser, dohot si Mala. 19 Akka anak ni si Semida, i ma si Ahian, si Sikem, si Liki, dohot si Aniam.

20 Anak ni si Epraim,+ i ma si Sutelah.+ Anak ni si Sutelah, i ma si Bered. Anak ni si Bered, i ma si Tahat. Anak ni si Tahat, i ma si Eleada. Anak ni si Eleada, i ma si Tahat. 21 Anak ni si Tahat, i ma si Sabad. Anak ni si Sabad, i ma si Sutelah. Adong do muse anak ni si Epraim, i ma si Eser dohot si Elead. Tikki ro halak Gat+ manakko binatang na dipiaro pinoppar ni si Epraim, dipamate nasida do si Eser dohot si Elead. 22 Gabe marsak ma si Epraim manang na piga-piga leleng, dung i ro ma haha anggina mangapuli ibana. 23 Mangulahon seks ma si Epraim dohot istrina. Hamil ma istrina i jala ditubuhon ma anakna bawa. Dibahen ma goarna si Beria,* ai susa do keluargana tikki tubu ibana. 24 Adong do boruna na margoar si Seera. Ibana do na pajongjokkon kota Bet-horon na di toru,+ Bet-horon na di ginjang,+ dohot Usen-seera. 25 Akka anakna, i ma si Repa dohot si Resep. Anak ni si Resep, i ma si Tela. Anak ni si Tela, i ma si Tahan. 26 Anak ni si Tahan, i ma si Ladan. Anak ni si Ladan, i ma si Amihud. Anak ni si Amihud, i ma si Elisama. 27 Anak ni si Elisama, i ma si Nun. Anak ni si Nun, i ma si Josua.*+

28 Inganan ni akka pinoppar ni si Epraim, i ma kota Betel+ dohot akka kota na di sakalilingna, kota Naaran na di sabola timur, kota Gezer na di sabola barat dohot akka kota na di sakalilingna, kota Sikem dohot akka kota na di sakalilingna, sahat tu kota Aiyah* dohot akka kota na di sakalilingna. 29 Adong do muse inganan ni nasida di labbung ni akka pinoppar ni si Manasse, i ma kota Bet-sean+ dohot akka kota na di sakalilingna, kota Taanak+ dohot akka kota na di sakalilingna, kota Megiddo+ dohot akka kota na di sakalilingna, kota Dor+ dohot akka kota na di sakalilingna. Dison ma tinggal akka pinoppar ni si Josep anak ni si Israel.

30 Akka anak ni si Aser, i ma si Innah, si Isha, si Ispi, dohot si Beria.+ Goar ni boruna si Serah.+ 31 Akka anak ni si Beria, i ma si Heber dohot si Malkiel. Si Malkiel ma bapak ni si Birjait. 32 Akka anak ni si Heber, i ma si Japlet, si Somor, dohot si Hotam. Adong do ito ni nasida na margoar si Sua. 33 Akka anak ni si Japlet, i ma si Pasak, si Bimhal, dohot si Aspat. On ma akka anak ni si Japlet. 34 Akka anak ni si Semer,* i ma si Ahi, si Roga, si Jehuba, dohot si Aram. 35 Adek ni si Semer, i ma si Helem.* Akka anak ni si Helem, i ma si Sofah, si Imna, si Seles, dohot si Amal. 36 Akka anak ni si Sofah, i ma si Sua, si Harneper, si Syual, si Beeri, si Imra, 37 si Bezer, si Hot, si Sama, si Silsa, si Itran, dohot si Bera. 38 Akka anak ni si Jeter, i ma si Jepune, si Pispa, dohot si Ara. 39 Akka anak ni si Ula, i ma si Arah, si Hanniel, dohot si Risia. 40 On ma sude pinoppar ni si Aser, akka pamimpin ni na saompu. Akka tentara na tarpillit jala na jago do nasida. Nasida do kepala ni akka pamimpin ni tentara. Mangihutton tarombo ni nasida,+ adong do 26.000 tentara+ na rade marporang sian nasida.

8 Anak siakkangan ni si Benjamin,+ i ma si Bela.+ Anakna paduahon, i ma si Asbel.+ Anakna patoluhon, i ma si Ahara. 2 Anakna paopatton, i ma si Noha. Jala anakna palimahon, i ma si Rapa. 3 Akka anak ni si Bela, i ma si Adar, si Gera,+ si Abihud, 4 si Abisua, si Naaman, si Ahoa, 5 si Gera, si Sheshupam, dohot si Huram. 6 On ma akka anak ni si Ehud na gabe akka pamimpin ni akka keluarga na tinggal di Geba+ na ditawan di Manahat: 7 si Naaman, si Ahia, dohot si Gera. Si Gera do na mamimpin nasida tikki diboan gabe tawanan. Akka anak ni si Gera, i ma si Usa dohot si Ahihud. 8 Tubu ma akka anak ni si Saarim di akka luat* na di Moab. Tinggal ma ibana disi dung dipalao ibana akka halak sian i. Akka goar ni istrina i ma si Husyim dohot si Baara.* 9 Adong do muse istri ni si Saarim na margoar si Hodes. Ditubuhon ibana ma si Jobab, si Zibia, si Mesa, si Malkam, 10 si Jeus, si Sakia, dohot si Mirma. On ma akka anak ni si Saarim. Nasida ma akka pamimpin ni na saompu.

11 Akka anak ni si Saarim sian si Husyim, i ma si Abitub dohot si Epaal. 12 Akka anak ni si Epaal, i ma si Heber, si Misham, si Semer (na pajongjokkon kota Ono,+ kota Lod+ dohot akka kota na di sakalilingna), 13 si Beria, dohot si Sema. Nasida ma akka pamimpin ni akka keluarga na tinggal di Ayalon.+ Jala nasida ma na mangusir halak Gat. 14 Adong do muse si Ahio, si Sasak, si Jeremot, 15 si Sebadia, si Arad, si Eder, 16 si Mikhael, si Ispa, dohot si Joha. On ma akka anak ni si Beria. 17 Si Sebadia, si Mesulam, si Hiski, si Heber, 18 si Ismari, si Islia, dohot si Jobab. On ma akka anak ni si Epaal. 19 Si Jakim, si Sikri, si Sabdi, 20 si Elienai, si Jilletai, si Eliel, 21 si Adaya, si Beraia, dohot si Simrat. On ma akka anak ni si Simei. 22 Si Ispan, si Heber, si Eliel, 23 si Abdon, si Sikri, si Hanan, 24 si Hanania, si Elamit, si Antotia, 25 si Jepdeya, dohot si Penuel. On ma akka anak ni si Sasak. 26 Si Samserai, si Seharia, si Atalia, 27 si Jaeresia, si Elia, dohot si Sikri. On ma akka anak ni si Jeroham. 28 Mangihutton tarombo ni nasida, on ma akka pamimpin ni nasida na saompu. Di Jerusalem do nasida tinggal.

29 Bapak ni si Gibeon, i ma si Jeiel. Tinggal di Gibeon+ do ibana. Goar ni istrina, i ma si Maaka.+ 30 Anak siakkanganna, i ma si Abdon, dung i si Zur, si Kis, si Baal, si Nadab, 31 si Gedor, si Ahio, dohot si Seker. 32 Anak ni si Mikhlot, i ma si Simea. Di Jerusalem do nasida sude tinggal di jonok ni haha anggi* ni nasida.

33 Anak ni si Ner,+ i ma si Kis. Anak ni si Kis, i ma si Saul.+ Akka anak ni si Saul, i ma si Jonatan,+ si Malki-sua,+ si Abinadab,+ dohot si Esbal.*+ 34 Anak ni si Jonatan, i ma si Meri-baal.*+ Anak ni si Meri-baal, i ma si Mika.+ 35 Akka anak ni si Mika, i ma si Piton, si Melek, si Tarea, dohot si Ahas. 36 Anak ni si Ahas, i ma si Jehoada. Akka anak ni si Jehoada, i ma si Alemet, si Asmapet, dohot si Zimri. Anak ni si Zimri, i ma si Mosa. 37 Anak ni si Mosa, i ma si Binea. Anak ni si Binea, i ma si Rapa. Anak ni si Rapa, i ma si Eleasa. Anak ni si Eleasa, i ma si Asel. 38 Adong onom anak ni si Asel. Goar ni nasida, i ma si Asrikam, si Boheru, si Ismael, si Searia, si Obaja, dohot si Hanan. On ma sude anak ni si Asel. 39 Adong do adek ni si Asel na margoar si Esek. Anak siakkangan ni si Esek, i ma si Ulam. Anakna paduahon, i ma si Jehus. Jala anakna patoluhon, i ma si Elipelet. 40 Tentara na jago do akka anak ni si Ulam, jala malo do nasida mamakke panah. Godang do anak dohot pahoppu ni nasida, 150 halak ma sude. On ma akka pinoppar ni si Benjamin.

9 Disurat do tarombo ni sude halak Israel di bukku sejarah taringot akka raja ni Israel. Diboan do halak Juda tu Babel gabe tawanan ala dang setia tu Debata.+ 2 Akka halak na parjolo mulak tu huta ni nasida, i ma deba halak Israel, akka malim, halak Lepi, dohot akka halak na karejo di bagas joro.*+ 3 On ma deba pinoppar ni si Juda,+ si Benjamin,+ si Epraim, dohot si Manasse na tinggal di Jerusalem: 4 Sian pinoppar ni si Peres+ anak ni si Juda, i ma si Utai. Bapak ni si Utai, i ma si Amihud. Bapak ni si Amihud, i ma si Omri. Bapak ni si Omri, i ma si Imri. Bapak ni si Imri, i ma si Bani. 5 Sian pinoppar ni si Sela, i ma si Asaya dohot akka anak ni si Asaya. Si Asaya do anak siakkangan di keluarga ni bapakna. 6 Sian pinoppar ni si Jara,+ i ma si Jeuel dohot 690 pinoppar ni si Jara na asing.

7 Sian pinoppar ni si Benjamin, i ma si Sallu anak ni si Mesulam pahoppu ni si Hodapia nini ni si Hassenuna, 8 si Ibnea anak ni si Jeroham, si Elah anak ni si Usi pahoppu ni si Mikhri, dohot si Mesulam anak ni si Sepatia pahoppu ni si Reguel nini ni si Ibnia. 9 Mangihutton tarombo ni nasida, adong do 956 godang ni nasida. Akka pamimpin ni na saompu do nasida sude.

10 Sian akka malim, i ma si Jedaya, si Jehoyarib, si Jakin,+ 11 dohot si Azaria. Bapak ni si Azaria, i ma si Hilkia. Bapak ni si Hilkia, i ma si Mesulam. Bapak ni si Mesulam, i ma si Sadok. Bapak ni si Sadok, i ma si Merayot. Jala bapak ni si Merayot, i ma si Ahitub. Sahalak pamimpin ni jabu* ni Debata na sittong do si Azaria. 12 Dohot do muse si Adaya anak ni si Jeroham pahoppu ni si Pashur nini ni si Malkia. Dohot do muse si Maasai. Bapak ni si Maasai, i ma si Adiel. Bapak ni si Adiel, i ma si Jahsera. Bapak ni si Jahsera, i ma si Mesulam. Bapak ni si Mesulam, i ma si Mesilemit. Jala bapak ni si Mesilemit, i ma si Immer. 13 Dung i dohot do muse akka haha anggi ni nasida, i ma akka pamimpin ni nasida na saompu. Adong do 1.760 godang ni nasida sude. Akka bawa na gogo do nasida, jala na setia mangulahon akka ulaon di jabu ni Debata na sittong.

14 Sian halak Lepi, i ma si Semaya+ anak ni si Hasub pahoppu ni si Asrikam nini ni si Hasabya na sian pinoppar ni si Merari. 15 Dohot do muse si Bakbakkar, si Heres, si Galal, si Matania anak ni si Mika pahoppu ni si Sikri nini ni si Asap, 16 si Obaja anak ni si Semaya pahoppu ni si Galal nini ni si Jedutun, dohot si Berekia anak ni si Asa pahoppu ni si Elkana na tinggal di akka huta ni halak Netopa.+

17 Akka panjaga ni gerbang,+ i ma si Sallum, si Akkub, si Talmon, dohot si Ahiman. Si Sallum ma pamimpin ni nasida. 18 Sahat tu tikki i, si Sallum do panjaga gerbang ni raja na di sabola timur.+ On ma akka panjaga ni gerbang di perkemahan ni halak Lepi. 19 Akka halak na martanggung jawab manjaga pintu ni perkemahan, i ma si Sallum anak ni si Kore pahoppu ni si Abiasap nini ni si Kora, dohot akka haha anggi ni nasida sian pinoppar ni si Kora, na gabe pamimpin ni na saompu. Akka ompu ni nasida do najolo na manjaga dalan lao tu perkemahan ni Jahowa. 20 Si Pinehas+ anak ni si Eleasar+ do najolo pamimpin ni nasida. Didongani Jahowa do ibana. 21 Panjaga pintu ni kemah parpunguan, i ma si Sakaria+ anak ni si Meselemya.

22 Adong do 212 halak na dipillit gabe panjaga ni gerbang. Maringanan do nasida di akka huta na dilehon mangihutton tarombo ni nasida.+ Na mamillit nasida mangulahon tugas i, i ma si Daud dohot si Samuel na boi mandapot parnidaan.+ Dipillit do nasida ala boi dihaporseai. 23 Nasida dohot akka anak ni nasida do na martanggung jawab manjaga akka gerbang di jabu ni Jahowa,+ i ma tabernakel. 24 Adong opat gerbang na dijaga akka panjaga gerbang, i ma na di sabola timur, barat, utara, dohot selatan.+ 25 Sai adong do akka haha anggi ni nasida na ro sian huta ni nasida be lao mangurupi akka panjaga gerbang i. Diurupi do nasida saleleng pitu ari mangihutton giliranna be. 26 Adong do opat halak Lepi na dipillit gabe pamimpin* ni akka panjaga gerbang. Ai boi do nasida dihaporseai. Jala nasida do na martanggung jawab manjaga akka ruangan* dohot inganan panimpanan ni arta di jabu ni Debata na sittong.+ 27 Marjaga do nasida di sakaliling ni jabu ni Debata na sittong ganup borngin. Ai nasida do na martanggung jawab manjaga jabu i. Nasida do muse na maniop kucci, jala na mambukka pintu ni jabu i ganup manogot.

28 Deba sian nasida martanggung jawab manjaga akka barang+ na dipakke lao manomba Debata. Dietong nasida do akka barang i tikki naeng dipakke dohot dung sae dipakke. 29 Deba sian nasida martanggung jawab lao manjaga akka barang na asing na dipakke lao manomba Debata,+ manjaga topung na denggan,+ anggur,+ miak,+ haminjon,*+ dohot miak balsam.*+ 30 Deba akka anak ni malim mambahen miak na angur na sian miak balsam. 31 Si Matitia do na martanggung jawab paradehon akka na dipanggang,+ ai boi do ibana dihaporseai. Halak Lepi do si Matitia, anak siakkangan ni si Sallum pinoppar ni si Kora. 32 Deba sian halak Lepi na asing na sian pinoppar ni si Kohat martanggung jawab paradehon roti pelean+ ganup ari Sabat.+

33 Nasida ma akka parende, pamimpin ni halak Lepi na saompu na manjaga akka ruangan.* Dang dohot nasida mangulahon ulaon na asing. Ai martanggung jawab do nasida mangulahon ulaon ni nasida arian nang borngin. 34 On ma akka pamimpin ni halak Lepi na saompu mangihutton tarombo ni nasida. Di Jerusalem do nasida tinggal.

35 Bapak ni si Gibeon, i ma si Jeiel. Tinggal di Gibeon+ do ibana. Goar ni istrina, i ma si Maaka. 36 Anak siakkanganna, i ma si Abdon, dung i si Zur, si Kis, si Baal, si Ner, si Nadab, 37 si Gedor, si Ahio, si Sakaria, dohot si Mikhlot. 38 Anak ni si Mikhlot, i ma si Simeam. Di Jerusalem do nasida sude tinggal di jonok ni haha anggi* ni nasida. 39 Anak ni si Ner,+ i ma si Kis. Anak ni si Kis, i ma si Saul.+ Akka anak ni si Saul, i ma si Jonatan,+ si Malki-sua,+ si Abinadab,+ dohot si Esbal. 40 Anak ni si Jonatan, i ma si Meri-baal.+ Anak ni si Meri-baal, i ma si Mika.+ 41 Akka anak ni si Mika, i ma si Piton, si Melek, si Terea, dohot si Ahas. 42 Anak ni si Ahas, i ma si Jarah. Akka anak ni si Jarah, i ma si Alemet, si Asmapet, dohot si Zimri. Anak ni si Zimri, i ma si Mosa. 43 Akka anak ni si Mosa, i ma si Binea dohot si Repaya. Anak ni si Repaya, i ma si Eleasa. Anak ni si Eleasa, i ma si Asel. 44 Adong onom anak ni si Asel, i ma si Asrikam, si Boheru, si Ismael, si Searia, si Obaja, dohot si Hanan. On ma akka anak ni si Asel.

10 Marporang ma halak Palistim mangalo halak Israel. Godang ma halak Israel na dipamate di Dolok Gilboa.+ Alani i lari ma nasida sian halak Palistim. 2 Alai torus ma dilele halak Palistim si Saul dohot akka anakna. Dipamate nasida ma si Jonatan, si Abinadab, dohot si Malki-sua,+ i ma akka anak ni si Saul. 3 Lam borat ma parporangan i di si Saul. Diida tentara ni halak Palistim ma ibana, gabe dipanah ma ibana jala massai godang ma lukka ni si Saul.+ 4 Dung i, didok si Saul ma tu halak na mamboan sinjatana, “Sittak ma podangmi jala tikkam ma au, asa unang disiksa+ halak na so marsunat i au.” Alai, dang olo halak na mamboan sinjatana i mangulahon i. Mabiar situtu do ibana. Gabe dibuat si Saul ma podangna jala ditikkam ma dirina.+ 5 Dung diida siboan sinjatana i naung mate si Saul, ditikkam ibana ma dirina, gabe mate ma nasida. 6 Mate ma si Saul, anakna na tolu i, dohot sude keluargana na rap dohot ibana.+ 7 Diida halak Israel na di rura i ma naung lari akka tentara ni halak Israel. Diida nasida do muse naung mate si Saul dohot akka anakna. Gabe ditinggalhon nasida ma huta ni nasida. Ujungna, ro ma halak Palistim tusi jala tinggal ma nasida disi.

8 Marsogotna i, ro ma halak Palistim naeng mambuat pakkean dohot sinjata ni akka tentara naung mate i. Diida nasida ma bakke ni si Saul dohot bakke ni akka anakna di Dolok Gilboa.+ 9 Dibuat nasida ma ulu ni si Saul dohot akka sinjatana. Disuru nasida ma halak lao tu sude luat ni halak Palistim paboahon barita i. Dipaboa nasida ma i di inganan ni akka debata ni nasida+ dohot di jolo ni halak Palistim. 10 Dibahen nasida ma sinjata ni si Saul di inganan ni nasida manomba debata ni nasida. Jala digattukkon nasida ma ulu ni si Saul di jabu ni debata Dagon.+

11 Tikki dibege sude pangisi ni huta Jabes-gilead+ na binahen ni halak Palistim tu si Saul,+ 12 ro ma sude akka tentara na disi. Diboan nasida ma bakke ni si Saul dohot bakke ni akka anakna i tu Jabes. Dikuburhon nasida ma i di toru ni hau na balga na adong di Jabes.+ Jala marpuasa ma nasida saleleng pitu ari.

13 Ala dang setia si Saul tu Jahowa, mate ma ibana. Ai dang dioloi ibana hata ni Jahowa.+ Lao do ibana tu sahalak datu na boi makkatai tu halak na mate.+ 14 Dang Jahowa na disukkun ibana. Alani i, dibahen Debata ma ibana mate, jala dibahen ma si Daud anak ni si Isai gabe raja manggattihon ibana.+

11 Di pudian ni ari, ro ma sude halak Israel manjuppangi si Daud tu Hebron.+ Didok nasida ma, “Na marhaha maranggi do hita.*+ 2 Tikki mamaretta dope si Saul, ho do na mamimpin halak Israel marporang.+ Jala didok Jahowa Debatam do tu ho, ‘Ho ma na gabe parmahan ni bangsokku Israel, jala ho ma na mamimpin nasida.’”+ 3 Ro ma sude pangituai* ni halak Israel mandapotton raja i di Hebron. Jala di jolo ni Jahowa dibahen si Daud ma sada parjanjian tu nasida di Hebron. Dukkon i dilantik* nasida ma si Daud gabe raja ni saluhut Israel,+ songon na nidok ni Jahowa marhite si Samuel.+

4 Dung i lao ma si Daud dohot sude halak Israel tu Jerusalem, i ma kota Jebus.+ Disi do halak Jebus+ tinggal. 5 Direhei halak Jebus ma si Daud. Didok nasida ma, “Dang tolap ho masuk tuson!”+ Alai ditaluhon si Daud ma kota Sion na marbenteng i.+ Jala saonari dibahen ma goarna Kota ni si Daud.+ 6 Didok si Daud ma, “Manang ise na parjolo lao pamatehon halak Jebus, gabe pamimpin ni tentara ma ibana.” Si Joab+ anak ni si Seruya ma na parjolo lao. Dung i gabe pamimpin ni tentara ma ibana. 7 Tinggal ma si Daud di kota na marbenteng i. Jala dibahen ma goarna Kota ni si Daud. 8 Dipajongjong si Daud ma tembok ni kota i dohot bangunan na asing di sakalilingna, mulai sian benteng na sian tano* sahat tu inganan na jonok tusi. Jala si Joab ma padenggatton na deba nai di kota i. 9 Gabe lam marhuaso ma si Daud+ jala didongani Jahowa Pamimpin ni Akka Tentara* i do ibana.

10 Adong do akka pamimpin ni tentara ni si Daud na jago. Diurupi nasida do si Daud asa gabe raja, songon na nidok ni Jahowa tu halak Israel. Jala sude do halak Israel dohot mangurupi si Daud.+ 11 Akka on ma tentara ni si Daud na gogo: si Jasobeam+ anak ni halak Hakmon. Ibana do na mamimpin tolu tentara ni si Daud na gogo.+ Hea do dipamate ibana 300 halak mamakke tombak* tikki marporang.+ 12 Dukkon ibana, i ma si Eleasar+ anak ni si Dodo halak Ahohi.+ Ibana do sada sian tolu tentara na gogo i. 13 Didongani ibana do si Daud tu Pas-damim,+ inganan ni halak Palistim marpungu lao marporang. Disi adong do ladang barli.* Tikki i, lari do halak Israel sian halak Palistim. 14 Alai jongjong ma ibana di tonga-tonga ni ladang i lao mampartahatton ladang i. Jala torus ma dialo ibana halak Palistim i. Ujungna, monang* ma halak Israel dibahen Jahowa.+

15 Lao ma 3 sian 30 pamimpin ni tentara ni Israel tu dolok batu. Didapotton nasida ma si Daud di Gua Adullam.+ Tikki i, nungnga markemah halak Palistim di Rura Repaim.+ 16 Di inganan partabunianna do si Daud jala di Betlehem do tentara ni halak Palistim. 17 Dung i, didok si Daud ma, “Autsugari ma boi huinum aek na sian sumur na di labbung ni gerbang ni Betlehem i!”+ 18 Pittor lao ma tolu tentara ni si Daud i. Dibolus nasida ma perkemahan ni halak Palistim. Dung i, dibuat nasida ma aek na sian sumur na di labbung ni gerbang ni Betlehem i. Diboan nasida ma aek i tu si Daud. Alai dang olo si Daud manginum i. Diusehon ibana ma aek i tu tano di jolo ni Jahowa. 19 Didok ibana ma, “Dang tarinum au aek on, ai mabiar do au tu Debata! Songon na manginum mudar ni halak on do au molo huinum i. Ai nungnga pola martaru hosa nasida lao mambuat aek on!”+ Alani i, dang olo si Daud manginum aek i. Akka i ma na diulahon tolu tentara ni si Daud na gogo i.

20 Adong do muse tolu nai tentara ni si Daud na gogo. Si Abisai+ abang ni si Joab+ ma pamimpin ni nasida. Hea do dipamate si Abisai 300 halak mamakke tombakna. Jala tarbarita do ibana songon tolu tentara ni si Daud na gogo na parjolo i.+ 21 Ibana do pamimpin ni tolu tentara ni si Daud na asing na gogo i jala ibana do na ussangap sian dua tentara nai. Alai dang unjago ibana sian tolu tentara ni si Daud na gogo na parjolo i.

22 Adong ma muse sahalak tentara na barani.* Goarna si Benaya,+ anak ni si Jehoyada. Godang do na dibahen ibana di Kabseel+ lao patuduhon habaranionna. Dipamate ibana do dua anak ni si Ariel halak Moab i. Turun do ibana tu sumur tikki musim salju jala dipamate ibana do sada singa.+ 23 Hea do dibunu si Benaya sada bawa halak Mesir pardaging na balga, lima asta ma timbona.*+ Adong do tombak ni halak Mesir i na balgana songon balga ni hau ni partonun.+ Alai tikki dialo si Benaya ibana mamakke tukkotna, dirampas si Benaya ma tombakna i jala dipamate ma halak Mesir i mamakke tombakna.+ 24 Akka i ma na diulahon si Benaya anak ni si Jehoyada. Jala tarbarita do ibana songon tolu tentara ni si Daud na gogo na parjolo i. 25 Ussangap do si Benaya sian na 30 halak i. Alai dang unjago ibana sian tolu tentara ni si Daud na gogo na parjolo i.+ Nang pe songon i, dipillit do ibana gabe pamimpin ni pengawal ni si Daud.

26 Akka tentara ni si Daud na gogo i, i ma si Asahel+ anggi ni si Joab, si Elihanan anak ni si Dodo na sian Betlehem,+ 27 si Sammot halak Haror, si Heles halak Peloni, 28 si Ira+ anak ni si Ikes halak Tekoa, si Abi-eser+ halak Anatot, 29 si Sebekkai+ halak Husa, si Ilai halak Ahohi, 30 si Maharai+ halak Netopa, si Heled+ anak ni si Baana halak Netopa, 31 si Itai anak ni si Ribai na sian Gibea huta ni halak Benjamin,+ si Benaya halak Piraton, 32 si Hurai na sian huta na jonok tu akka sunge* na di Gaas,+ si Abiel halak Arbati, 33 si Asmapet halak Bahurim, si Eliaba halak Salabim, 34 akka anak ni si Hasem halak Gison, si Jonatan anak ni si Sage halak Harari, 35 si Ahiam anak ni si Sahar halak Harari, si Elipal anak ni si Ur, 36 si Heper halak Meherati, si Ahia halak Peloni, 37 si Hesrai halak Karmel, si Naarai anak ni si Esbai, 38 si Joel adek ni si Natan, si Mibhar anak ni si Hagri, 39 si Selek halak Ammon, si Naharai halak Beerot, siboan sinjata ni si Joab anak ni si Seruya, 40 si Ira halak Itri, si Gareb halak Itri, 41 si Uria+ halak Het, si Sabad anak ni si Ahloi, 42 si Adina anak ni si Sisa halak Ruben, sahalak pamimpin ni marga Ruben dohot 30 halak na mandongani ibana, 43 si Hanan anak ni si Maaka, si Josapat halak Mitni, 44 si Usia halak Astera, si Sama dohot si Jeiel akka anak ni si Hotam halak Aroer, 45 si Jediael dohot adekna si Joha akka anak ni si Simri halak Tisi, 46 si Eliel halak Mahapa, si Jeribai dohot si Josabia akka anak ni si Elnaam, si Itma halak Moab, 47 si Eliel, si Obed, dohot si Jasiel halak Mezobaya.

12 Adong do akka halak na manjuppangi si Daud tu Ziklag+ tikki lari ibana tusi ala dilele si Saul+ anak ni si Kis. Akka tentara na jago do nasida na mangurupi si Daud tikki marporang.+ 2 Boi do nasida mamakke panah. Jala boi do nasida mamakke tangan kanan manang tangan kiri+ lao mamakke ambalang*+ dohot panah. Halak Benjamin do nasida,+ haha anggi* ni si Saul. 3 Si Ahieser dohot si Joas akka anak ni si Sema halak Gibea i+ do pamimpinna. Dung i, adong ma muse si Jesiel dohot si Pelet, i ma akka anak ni si Asmapet,+ si Beraka, si Jehu halak Anatot, 4 si Ismaya halak Gibeon,+ i ma sahalak sian 30 tentara na jago+ jala ibana do pamimpin ni nasida. Dung i, si Jeremia, si Jehasiel, si Johanan, si Josabad halak Gedera, 5 si Elusai, si Jerimot, si Bealia, si Semaria, dohot si Sepatia halak Harip. 6 Sian pinoppar ni si Kora,+ i ma si Elkana, si Ishia, si Azarel, si Joeser, dohot si Jasobeam. 7 Dohot do muse akka anak ni si Jeroham na sian Gedor, i ma si Joela dohot si Sebadia.

8 Adong do deba halak Gad na marpihak tu si Daud. Lao ma nasida tu inganan partabunian ni si Daud di tombak.+ Akka tentara na jago do nasida jala nungnga dilatik marporang. Dipakke nasida do perisai na balga dohot tombak.* Songon singa do nasida idaon jala hatop do nasida marlojong songon kijang na di akka dolok. 9 Si Eser ma pamimpinna, si Obaja ma na paduahon, si Eliab na patoluhon, 10 si Mismana na paopatton, si Jeremia na palimahon, 11 si Attai na paonomhon, si Eliel na papituhon, 12 si Johanan na paualuhon, si Elsabad na pasiahon, 13 si Jeremia na pasappuluhon, jala si Makbanai ma na pasappulu sadahon. 14 Nasida ma halak Gad+ na gabe pamimpin ni akka tentara. Na umgale sian nasida boi manaluhon 100 tentara, jala na umgogo sian nasida boi manaluhon 1.000 tentara.+ 15 Nasida ma na menyeberang sian Sunge Jordan di bulan na parjolo. Tikki i, balga do aek ni sunge i. Dipalao nasida do sude halak na di rura i tu sabola timur dohot tu sabola barat.

16 Ro do muse deba halak Benjamin dohot halak Juda manjuppangi si Daud di inganan partabunianna.+ 17 Dung i dijuppangi si Daud ma nasida jala didok ma, “Molo di bagasan dame do haroromuna on, boi ma ihuttononmuna au. Alai molo naeng berhianat do hamu, idaon ni Debata ni akka omputta do i jala Ibana ma na gabe hakim di tonga-tongatta.”+ 18 Dung i, ditogu-togu tondi parbadia ma si Amasai+ pamimpin ni na 30 halak i. Didok ibana ma,

“Ale Daud, naposom do hami. Ale anak ni si Isai,+ tu ho do hami marpihak.

Diloas si Daud ma nasida mangihutton ibana jala dipillit si Daud ma nasida gabe pamimpin ni akka tentara.

19 Adong do muse deba halak Manasse na marpihak tu si Daud. Tikki i, naeng marporang do ibana rap dohot halak Palistim mangalo si Saul. Alai, dung makkatai akka pamimpin ni halak Palistim,+ dipalao ma si Daud. Gabe dang dohot be ibana mangurupi halak Palistim. Ai didok akka pamimpin ni halak Palistim do, “Sotung marpihak ibana tu si Saul tuanna i, jala dipamate hita.”+ 20 Tikki di Ziklag+ si Daud, on ma halak Manasse na marpihak tu ibana: si Adna, si Josabad, si Jediael, si Mikhael, si Josabad, si Elihu, dohot si Jilletai. Nasida ma pamimpin ni halak Manasse na sasaribu.+ 21 Diurupi nasida do si Daud mangalo akka pangarampok. Ai gogo jala barani do nasida sude.+ Alani i, dibahen ma nasida gabe pamimpin ni akka tentara. 22 Ganup ari sai marroan do akka halak mangurupi si Daud.+ Gabe godang ma tentara ni si Daud songon godang ni tentara ni Debata.+

23 Godang do akka tentara na ro manjuppangi si Daud di Hebron.+ Diurupi nasida do si Daud asa gabe raja manggattihon si Saul songon paretta ni Jahowa.+ 24 Sian halak Juda, adong do 6.800 tentara na mamakke perisai na balga dohot tombak. 25 Sian halak Simeon adong 7.100 tentara na gogo jala barani.

26 Sian halak Lepi, adong 4.600 halak. 27 Si Jehoyada+ ma pamimpin ni akka anak ni si Aron+ jala adong do 3.700 halak na ro rap dohot ibana. 28 Ro do muse si Sadok,+ sahalak doli-doli na gogo jala barani. Ro do ibana rap dohot 22 pamimpin ni na saompu.

29 Sian halak Benjamin haha anggi* ni si Saul,+ adong do 3.000 tentara. Godang do sian nasida najolo na manjaga keluarga ni si Saul. 30 Sian halak Epraim adong do 20.800 tentara na gogo jala na barani. Tarbarita do nasida di tonga-tonga ni nasida na saompu.

31 Sian satonga ni marga Manasse, dipillit do 18.000 tentara na lao mangurupi si Daud asa gabe raja. 32 Sian halak Isasar adong 200 pamimpin ni akka tentara. Diboto nasida do manottuhon aha na ikkon diulahon halak Israel. Jala dioloi haha anggina* do paretta ni nasida. 33 Sian halak Zebulon adong 50.000 halak na boi marporang. Marbaris do nasida sude huhut maniop sinjatana. Setia do* nasida sude mangihutton si Daud. 34 Sian halak Naptali adong 1.000 pamimpin ni akka tentara. Ro do nasida rap dohot 37.000 tentara na mamakke perisai na balga dohot tombak.* 35 Sian halak Dan adong 28.600 tentara na rade marporang. 36 Sian halak Aser adong 40.000 tentara na rade marporang.

37 Sian halak Ruben, halak Gad, dohot satonga sian halak Manasse na di bariba ni Sunge Jordan,+ adong 120.000 tentara na rade mamakke marragam sinjata. 38 Nungnga rade sude tentara i lao marporang. Marbaris ma nasida jala borhat ma nasida manjuppangi si Daud di Hebron. Nungnga dos roha ni nasida naeng mambahen si Daud gabe raja ni sude halak Israel. Halak Israel na asing pe, nungnga marsada ni roha naeng mambahen si Daud gabe raja.+ 39 Disi ma nasida saleleng tolu ari. Jala mangan minum ma nasida rap dohot si Daud, ai nungnga diparade halak Juda sipanganon di nasida. 40 Dohot do akka halak na jonok tu nasida paradehon sipanganon. Ro do muse halak Isasar, halak Zebulon, dohot halak Naptali mamboan sipanganon mamakke halode, unta, dohot lombu. Diboan nasida do godang topung, kue ara, kue kismis, anggur, miak, lombu, dohot biru-biru. Ai massai las do roha ni halak Israel.

13 Makkatai ma si Daud tu pamimpin ni na sasaribu, pamimpin ni na sasaratus, dohot tu sude pamimpin.+ 2 Dung i didok si Daud ma tu sude halak Israel na marpungu i, “Molo denggan do di rohamuna jala lomo roha ni Jahowa Debatanta, tasuru ma halak manjuppangi haha anggitta di sude huta ni halak Israel. Jala tasuru ma nasida manjuppangi akka malim dohot halak Lepi na tinggal di akka kota+ na adong inganan parmahananna. Dung i tasuru ma nasida ro asa marpungu hita dison. 3 Jala taboan ma muse tuson poti parpadanan+ ni Debatanta i.” Saleleng mamaretta si Saul, dang diurus nasida poti i.+ 4 Las ma roha ni sude halak na marpungu i mambege i, ai denggan do i di roha ni nasida. 5 Alani i, dipapungu si Daud ma sude halak Israel mulai sian sunge* na di Mesir sahat tu Lebo-hamat.*+ Ai naeng boanon ni nasida do poti parpadanan ni Debata na sittong i sian Kiriat-jearim.+

6 Lao ma si Daud dohot sude halak Israel tu Baalah,+ tu Kiriat-jearim, huta ni halak Juda. Diboan nasida ma sian i poti parpadanan ni Debata na sittong na martahta di ginjang* ni akka kerubim.*+ Di jolo ni poti parpadanan i do akka halak manjou goar ni Jahowa. 7 Dibuat nasida ma poti parpadanan ni Debata na sittong i sian jabu ni si Abinadab. Alai dipamasuk nasida ma poti i tu gerobak na baru,+ na ditarik ni lombu. Dung i mardalan ma si Uzza dohot si Ahio mangiring-iring gerobak i.+ 8 Dung i marpesta ma si Daud dohot sude halak Israel di jolo ni Debata na sittong. Marende ma nasida jala dipakke nasida do harpa, alat musik na martali, rebana,*+ simbal,*+ dohot tarompet.+ 9 Alai tikki sahat nasida di inganan pardegean Kidon, naeng madabu ma poti parpadanan i dibahen akka lombu i. Gabe ditiop si Uzza ma poti i. 10 Muruk situtu ma Jahowa tu si Uzza, jala dipamate ma ibana. Ai ditiop ibana do poti i,+ gabe mate ma ibana disi di jolo ni Debata.+ 11 Alai jut ma roha ni* si Daud ala muruk situtu Jahowa tu si Uzza. Gabe digoari ma inganan i Peres-uzza* sahat tu sadari on.

12 Laos di ari i gabe mabiar ma si Daud tu Debata na sittong. Didok ibana ma, “Boha nama bahenokku mamboan poti parpadanan ni Debata na sittong tu kotaku?”+ 13 Gabe dang diboan si Daud be poti parpadanan i tu Kota ni si Daud. Alai dibahen ibana ma i di jabu ni si Obed-edom halak Gat i. 14 Saleleng tolu bulan ma poti parpadanan ni Debata na sittong i di jabu ni si Obed-edom. Sai dipasu-pasu Jahowa do keluarga ni si Obed-edom dohot sude na di jabuna.+

14 Disuru Raja Hiram+ na sian Tirus ma halak mandapotton si Daud. Dilehon ibana do muse hau ares, akka parkarejo na malo pajongjokkon tembok, dohot akka tukkang hau lao pajongjokkon istana ni si Daud.+ 2 Gabe diboto si Daud ma naung hot ibana dibahen Jahowa gabe raja ni halak Israel.+ Jala diboto ibana ma, Debata do na mambahen lam marhuaso harajaonna lao mangurupi bangso Israel.+

3 Lam godang ma dibuat si Daud akka borua na di Jerusalem gabe istrina.+ Gabe lam godang ma anak dohot boruna.+ 4 On ma goar ni akka gellengna na tubu di Jerusalem:+ si Samua, si Sobab, si Natan,+ si Salomo,+ 5 si Ibar, si Elisua, si Elpelet, 6 si Noga, si Nepeg, si Japia, 7 si Elisama, si Beliada, dohot si Elipelet.

8 Dung dibege halak Palistim naung tarpillit* si Daud gabe raja ni halak Israel,+ sude ma halak Palistim ro mangalului si Daud.+ Dung dibege si Daud i, lao ma ibana mangalo nasida. 9 Sahat ma halak Palistim di Rura Repaim+ jala dihaliangi nasida ma rura i. 10 Disukkun si Daud ma tu Debata, “Lao do au mangalo halak Palistim? Pasahatonmu do nasida tu au?” Dialusi Jahowa ma, “Lao ma ho. Ai pasahatonku do halak Palistim tu ho.”+ 11 Lao ma si Daud tu Baal-perazim,+ jala ditaluhon ibana ma halak Palistim disi. Didok ibana ma, “Marhite au, ditaluhon Debata na sittong do akka musukku songon tembok na maruppak alani aek.” Alani i ma digoari ibana inganan i Baal-perazim.* 12 Ditinggalhon halak Palistim do disi akka patung na disomba nasida. Dung i disuru si Daud ma asa ditutung i sude.+

13 Di pudian ni ari, dihaliangi halak Palistim ma muse rura i.+ 14 Disukkun si Daud ma muse Debata. Alai didok Debata na sittong i ma, “Unang ma maju ho. Alai mamutar ma ho sian pudi ni nasida jala taluhon ma nasida di jolo ni ramba* na marsuga i.+ 15 Molo dibege ho soara sian ginjang ni ramba na marsuga i songon soara ni halak na marbaris, pittor alo ma nasida. Ai nungnga mardalan Debata na sittong di jolomuna lao manaluhon tentara ni halak Palistim.”+ 16 Dibahen si Daud ma songon na nidok ni Debata na sittong i,+ jala ditaluhon nasida ma tentara ni halak Palistim mulai sian Gibeon sahat tu Gezer.+ 17 Gabe tarbarita ma si Daud di sude luat. Jala dibahen Jahowa do akka bangso i mabiar tu ibana.+

15 Dipajongjong si Daud do akka jabu di ibana di Kota ni si Daud. Jala diparade ibana do inganan ni poti parpadanan ni Debata na sittong dohot kemah lao tu poti i.+ 2 Dung i didok si Daud ma, “Holan halak Lepi do na boi mamboan poti parpadanan ni Debata na sittong. Ai nungnga dipillit Jahowa nasida lao mamboan poti parpadanan ni Jahowa dohot marhobas tu Ibana saleleng ni lelengna.”+ 3 Dipapungu si Daud ma sude halak Israel di Jerusalem lao mamboan poti parpadanan ni Jahowa tu inganan naung diparade ibana.+

4 Dipapungu si Daud ma akka pinoppar ni si Aron+ dohot halak Lepi.+ 5 Sian pinoppar ni si Kohat, i ma si Uriel dohot 120 pinoppar ni si Kohat na asing. Si Uriel ma pamimpin ni nasida. 6 Sian pinoppar ni si Merari, i ma si Asaya+ dohot 220 pinoppar ni si Merari na asing. Si Asaya ma pamimpin ni nasida. 7 Sian pinoppar ni si Gersom, i ma si Joel+ dohot 130 pinoppar ni si Gersom na asing. Si Joel ma pamimpin ni nasida. 8 Sian pinoppar ni si Elisapan,+ i ma si Semaya dohot 200 pinoppar ni si Elisapan na asing. Si Semaya ma pamimpin ni nasida. 9 Sian pinoppar ni si Hebron, i ma si Eliel dohot 80 pinoppar ni si Hebron na asing. Si Eliel ma pamimpin ni nasida. 10 Sian pinoppar ni si Usiel,+ i ma si Aminadab dohot 112 pinoppar ni si Usiel na asing. Si Aminadab ma pamimpin ni nasida. 11 Dung i dijou si Daud ma Malim Sadok+ dohot Malim Abiatar.+ Dijou ibana ma muse akka halak Lepi, i ma si Uriel, si Asaya, si Joel, si Semaya, si Eliel, dohot si Aminadab. 12 Didok si Daud ma tu nasida, “Hamu do akka pamimpin ni halak Lepi na saompu. Pabadia hamu ma dirimuna. Jala pabadia hamu ma halak na rap dohot hamu. Dung i boan hamu ma poti parpadanan ni Jahowa Debata ni Israel tu inganan naung huparade. 13 Dang hamu na mamboan poti parpadanan i tikki parjolo sahali i diboan.+ Alani i ma muruk Jahowa Debatanta tu hita.+ Ai dang jolo tasukkun songon dia cara na sittong mamboan poti parpadanan i.”+ 14 Alani i, dipabadia akka malim dohot halak Lepi ma diri ni nasida, asa boi nasida mamboan poti parpadanan ni Jahowa Debata ni Israel.

15 Diangkat halak Lepi ma hau pangusung ni poti parpadanan ni Debata na sittong i.+ Jala dibahen nasida ma i tu pundak ni nasida songon na nidok ni Jahowa marhite si Musa. 16 Disuru si Daud ma akka pamimpin ni halak Lepi mamillit akka parende. Dipillit ma muse akka parmusik na mangiringi nasida marende. Boi do nasida mamakke alat musik na martali, harpa,+ dohot simbal.*+ Jala ikkon las do roha ni nasida tikki na marende i.

17 Dung i, dipillit halak Lepi ma si Heman+ anak ni si Joel, si Asap+ anak ni si Berekia, dohot si Etan+ anak ni si Kusaria. Pinoppar ni si Merari do nasida. 18 Dipillit do muse halak Lepi na sian punguan na paduahon,+ i ma si Sakaria, si Ben, si Jaasiel, si Semiramot, si Jehiel, si Uni, si Eliab, si Benaya, si Maaseya, si Matitia, si Elipelen, dohot si Mikneya. Dipillit do muse si Obed-edom dohot si Jeiel akka panjaga ni gerbang i. 19 Si Heman ma parendena,+ si Asap+ dohot si Etan ma na mamakke simbal+ na sian tombaga. 20 Na mamakke alat musik na martali na dibahen tu nada na timbo,*+ i ma si Sakaria, si Asiel, si Semiramot, si Jehiel, si Uni, si Eliab, si Maaseya, dohot si Benaya. 21 Na mamakke harpa na dibahen tu nada rendah,*+ i ma si Matitia,+ si Elipelen, si Mikneya, si Obed-edom, si Jeiel, dohot si Asasia. Nasida ma na mamimpin akka parende. 22 Si Hanania+ ma na martanggung jawab mamboan poti parpadanan. Ai malo do ibana mangulahon i. Ibana do muse pamimpin ni halak Lepi. 23 Si Berekia dohot si Elkana do na manjaga poti parpadanan i. 24 Akka malim na martarompet di jolo ni poti parpadanan ni Debata na sittong,+ i ma si Sebania, si Josapat, si Netaneel, si Amasai, si Sakaria, si Benaya, dohot si Elieser. Ikkon gogo do soara ni tarompet ni nasida. Dohot do muse si Obed-edom dohot si Jehia manjaga poti parpadanan i.

25 Dung i, mardalan ma si Daud, akka pangituai* ni Israel, dohot akka pamimpin ni na sasaribu mangihutton akka halak na mamboan poti parpadanan ni Jahowa. Diboan nasida do i sian jabu ni si Obed-edom+ jala marlas ni roha do nasida mamboan i.+ 26 Diurupi Debata na sittong do halak Lepi mamboan poti parpadanan ni Jahowa i. Alani i, dipelehon halak Lepi ma pitu lombu jantan dohot pitu biru-biru jantan.+ 27 Dipakke si Daud do rompi na ganjang na sian kain na halus. Songon i ma nang halak Lepi na mamboan poti parpadanan, akka parende, dohot si Hanania. Si Hanania do na martanggung jawab mamboan poti parpadanan jala na mamimpin akka parende. Dipakke si Daud do muse baju epod na sian linen.+ 28 Dohot do sude halak Israel mamboan poti parpadanan ni Jahowa i. Tikki na mardalan i nasida, adong do na marsuraki alani las ni rohana.+ Jala adong do na martarompet,+ na marsimbal, na marharpa, na mamakke alat musik na martali,+ dohot na mamakke tarompet na sian tanduk.

29 Sahat ma poti parpadanan ni Jahowa di Kota ni si Daud.+ Dibahen Raja Daud ma pesta jala marinjaki ma ibana. Diida si Mikhal boru ni si Saul+ ma i sian jandela. Gabe leas ma rohana mangida si Daud.+

16 Dipeakkon nasida ma poti parpadanan ni Debata na sittong di kemah naung dipajongjong si Daud hian.+ Dung i, dipelehon nasida ma pelean situtungon dohot pelean pardamean* di jolo ni Debata na sittong.+ 2 Dung sae dipelehon si Daud pelean situtungon+ dohot pelean pardamean i,+ dipangido si Daud ma di bagasan goar ni Jahowa, asa dipasu-pasu bangso i. 3 Dibagihon si Daud ma kue golang-golang, kue kurma, dohot kue kismis tu sude halak Israel i, tu bawa nang tu borua. 4 Dipillit si Daud ma deba halak Lepi lao marhobas di jolo ni poti parpadanan ni Jahowa.+ Dipuji nasida ma Jahowa Debata ni Israel, dipasangap, jala didok ma mauliate tu Ibana. 5 Si Asap+ ma pamimpin ni nasida, jala si Sakaria na paduahon. Na mamakke alat musik na martali dohot na marharpa,+ i ma si Jeiel,+ si Semiramot, si Jehiel, si Matitia, si Eliab, si Benaya, si Obed-edom, dohot si Jeiel. Si Asap ma na marsimbal.*+ 6 Malim Benaya dohot Malim Jehasiel ma na toktong martarompet di jolo ni poti parpadanan ni Debata na sittong.

7 Di ari i ma parjolo sahali dibahen si Daud ende puji-pujian lao mandok mauliate tu Jahowa. Disuru ma si Asap+ dohot halak Lepi na asing mangendehon i. On ma endena:

10 Marlas ni roha ma hamu mamuji goarna na badia i.+

Marlas ni roha ma halak na mangalului Jahowa.+

11 Lului ma Jahowa+ jala pangido ma gogo sian Ibana.

Sai lului ma Ibana.*+

14 Ibana do Jahowa Debatanta.+

Ibana do hakim di saluhut tano on.+

Massai otik dope hamu, jala manoppang dope hamu disi.+

23 Puji hamu ma Jahowa, ale saluhut tano on!

Paboa hamu ma haluaon na sian Ibana ganup ari!+

25 Ai na sangap do Jahowa jala patut do pujion.

Ibana do sihabiaran, dang akka debata na asing.+

Marsomba ma hamu tu Jahowa mamakke baju na badia.*+

30 Hamu akka na di tano on, habiari hamu ma Ibana!

Dibahen Ibana do hot tano on jala dang tarhutur.+

Sude ma bangso i mandok, “Amen!”* jala dipuji nasida ma Jahowa.

37 Dung i lao ma si Daud. Ditadikkon ibana ma si Asap+ dohot halak Lepi na asing di jolo ni poti parpadanan ni Jahowa. Nasida ma na marhobas di jolo ni poti i,+ songon naung somal diulahon nasida ganup ari.+ 38 Akka na manjaga gerbang, i ma si Obed-edom dohot 68 halak Lepi na asing. Dohot do muse si Obed-edom anak ni si Jedutun dohot si Hosa. 39 Adong do muse Malim Sadok+ dohot akka malim na asing na martugas di jolo ni tabernakel ni Jahowa na di Dolok Gibeon.+ 40 Nasida ma na toktong mangalehon pelean situtungon tu Jahowa. Dilehon nasida do i di langgatan ni pelean situtungon ganup manogot dohot borngin. Diulahon nasida do sude na tarsurat di Patik na nilehon ni Jahowa tu halak Israel.+ 41 Dohot do muse si Heman, si Jedutun,+ dohot halak Lepi na asing naung dipillit goarna. Dipuji nasida do Jahowa,+ ai “toktong do dipatudu Ibana holong ni rohana* sahat tu saleleng ni lelengna”.+ 42 Si Heman+ dohot si Jedutun ma na martarompet, marsimbal, dohot na mamakke alat musik na asing lao mamuji* Debata na sittong. Jala akka anak ni si Jedutun+ ma na manjaga gerbang. 43 Dung i mulak ma halak Israel tu jabuna be. Mulak ma nang si Daud tu jabuna jala mandok hata ma ibana tu keluargana.

17 Dung tinggal Raja Daud di istana, didok raja i ma tu Panurirang* Natan,+ “Di istana na sian hau ares do au tinggal,+ hape di kemah dope poti parpadanan ni Jahowa.”+ 2 Dialusi si Natan ma, “Bahen ma na denggan di roham. Ai didongani Debata na sittong do ho.”

3 Alai di borngin i, didok Debata ma tu si Natan, 4 “Lao ma ho, jala paboa ma tu naposokku si Daud, ‘On ma na nidok ni Jahowa, “Dang ho na lao pajongjokkon jabu inganakku.+ 5 Ai mulai sian huboan kaluar bangso Israel sahat tu sadari on, dang hea Au tinggal di sada jabu. Alai pinda do Au sian sada kemah tu kemah na asing, jala sian sada tabernakel tu tabernakel na asing.*+ 6 Saleleng rap Au mardalan dohot sude halak Israel, hea huroha husukkun, ‘Boasa dang dipajongjong hamu sada jabu na sian hau ares di Au?’ Dang hea hudok songon i tu sahalak pe sian panguhum ni Israel, na hupillit gabe parmahan ni bangsokku Israel.”’

7 “Saonari, dokkon ma tu si Daud naposokku, ‘Songon on do didok Jahowa Pamimpin ni Akka Tentara,* “Najolo, marmahan biru-biru do ho. Alai hubahen do ho gabe pamimpin ni bangsokku Israel.+ 8 Alani i, donganakku do ho manang tudia pe ho lao.+ Pamateonku* do sude musum di jolom.+ Jala bahenokku do tarbarita goarmu songon halak na tarbarita goarna di tano on.+ 9 Pillitokku ma sada inganan di bangsokku Israel jala toktong ma nasida maringanan disi. Dang adong be na mambahen nasida susa disi. Jala dang siksaon ni halak na jahat be nasida songon najolo.+ 10 Ai disiksa do nasida mulai sian na hupillit akka panguhum di Israel.+ Alai, taluhonokku nama sude musum.+ Jala nungnga hudok tu ho, ‘Na lao bahenon ni Jahowa do akka pinopparmu toktong gabe raja.’*

11 “‘“Molo dung mate ho, jala dikubur rap dohot akka ompum, bahenokku ma pinopparmu* gabe raja. Jala pillitokku ma sada sian anakmu+ na lao manggattihon ho. Bahenokku do hot harajaonna.+ 12 Pajongjongonna do sada jabu lao pasangappon Au.+ Jala bahenokku do hot tahtana saleleng ni lelengna.+ 13 Au ma na gabe Bapakna jala ibana gabe anakku.+ Toktong do hupatuduhon holong ni rohakku* tu ibana.+ Jala dang bahenokku tu ibana songon na hubahen tu halak na mamaretta andorang so ho.+ 14 Bahenokku ma ibana hundul di tahtakku saleleng ni lelengna.+ Jala mamaretta ma ibana dohot pinopparna saleleng ni lelengna.”’”+

15 Dipaboa si Natan do tu si Daud sude hata dohot parnidaan i.

16 Dung i masuk ma Raja Daud tu kemah i jala hundul ma ibana di jolo ni Jahowa. Didok ibana ma, “Ai ise ma huroa au, ale Debata Jahowa? Jala ise ma huroa keluargakku, pola dibahen Ho godang na denggan tu au?+ 17 Hape godang nai na lao bahenonmu, ale Debata. Dipaboa Ho do aha na lao masa di ari na naeng ro taringot tu pinoppar ni naposomon.+ Ditatap Ho do au jala dibahen Ho do au songon halak na sangap, ale Debata Jahowa. 18 Dang adong be na boi dohonokku tu Ho taringot hasangapon na nilehonmu tu au. Ai takkas do ditanda Ho au naposomon.+ 19 Ale Jahowa, dibahen Ho do godang na denggan tu au alani hatam dohot alani lomo ni roham. Jala dipatudu Ho do hasangaponmu tu au naposomon.+ 20 Ale Jahowa, sude na hubege hami patuduhon dang adong na songon Ho,+ jala dang adong Debata asing ni Ho.+ 21 Dang adong bangso na asing di tano on na songon bangsom Israel.+ Ale Debata na sittong, ditobus Ho do nasida+ jala dibahen Ho do nasida gabe bangsom. Dibahen Ho do akka ulaon halongangan* tu nasida asa tarbarita goarmu.+ Dipalao Ho do bangso na asing sian jolo ni bangsom,+ naung ditobus Ho sian Mesir. 22 Dibahen Ho do bangso Israel gabe bangsom saleleng ni lelengna.+ Jala Ho do na gabe Debata ni nasida, ale Jahowa.+ 23 Ale Jahowa, pasaut ma janjim taringot tu naposomon dohot taringot tu pinopparhu saleleng ni lelengna. Jala anggiat ma i dipasaut Ho songon na dijanjihon Ho tu au.+ 24 Sai anggiat ma martahan jala dipasangap goarmu+ saleleng ni lelengna, asa didok halak, ‘Jahowa Pamimpin ni Akka Tentara* i do Debata ni halak Israel.’ Jala anggiat ma pinoppar ni naposomon toktong gabe raja di jolom saleleng ni lelengna.*+ 25 Ale Debatakku, pos pe rohakku mandok songon i di tangiakku, ala nungnga dipaboa Ho do tu naposomon na lao bahenonmu pinopparhu toktong gabe raja.* 26 Ale Jahowa, Ho do Debata na sittong. Dijanjihon Ho do akka na denggan tu naposomon. 27 Alani i, sai anggiat ma dipasu-pasu Ho pinoppar ni naposomon asa toktong mamaretta saleleng ni lelengna di jolom. Ai Ho do na mamasu-masu ale Jahowa, jala dipasu-pasu Ho do pinopparhu saleleng ni lelengna.”

18 Di pudian ni ari, marporang ma si Daud dohot halak Palistim jala ditaluhon ibana ma nasida. Dibuat si Daud ma kota Gat+ dohot akka kota na di sakalilingna sian tangan ni halak Palistim.+ 2 Ditaluhon si Daud ma muse halak Moab.+ Dung i gabe hatoban ni si Daud ma halak Moab jala ikkon gararon ni nasida do pajak* tu ibana.+

3 Ditaluhon si Daud ma muse Raja Hadadeser+ na sian kota Zoba+ na jonok tu kota Hamat.+ Tikki i, di pardalanan do si Hadadeser naeng lao tu akka luat na di Sunge Euprat.+ Ai naeng dirajai ibana do akka luat na disi. 4 Ditakkup si Daud ma 1.000 tentara na markareta porang, 7.000 tentara na marhoda, dohot 20.000 tentara na mardalan pat.+ Diseat si Daud ma urat ni pat ni hoda ni nasida na manarik kareta i. Holan 100 ma na so diseat.+ 5 Dung i ro ma halak Siria sian Damaskus lao mangurupi si Hadadeser raja ni Zoba. Alai dipamate si Daud do 22.000 halak Siria i.+ 6 Dibahen si Daud ma akka tentarana di Damaskus na di Siria. Gabe hatoban ni si Daud ma halak Siria jala ikkon gararon ni nasida do pajak* tu ibana. Sai dibahen Jahowa do monang* si Daud manang tudia pe ibana marporang.+ 7 Dibuat si Daud ma akka perisai ni tentara ni si Hadadeser jala sian mas do perisai i. Diboan ibana ma i tu Jerusalem. 8 Massai godang do tombaga na dibuat Raja Daud sian kota Tibhat dohot kota Kun, i ma akka kota ni si Hadadeser. Akka tombaga i ma na dipakke si Salomo mambahen Laut Tombaga,+ akka tiang, dohot akka barang na sian tombaga.+

9 Dibege si Tou raja ni Hamat ma naung ditaluhon si Daud sude tentara ni Raja Hadadeser+ na sian Zoba.+ 10 Pittor disuru si Tou ma si Hadoram anakna i mandapotton Raja Daud lao manukkun kabarna dohot mandok mauliate, ala nungnga monang Raja Daud mangalo si Hadadeser. Diboan si Hadoram do sude barang na sian perak, mas, dohot na sian tombaga. (Ai jotjot do ro si Hadadeser marporang mangalo si Tou.) 11 Dipasahat Raja Daud ma akka barang na diboan i tu Jahowa,+ songon na binahenna tu mas dohot perak na dibuat sian akka bangso. Ai dibuat ibana do i sian Edom dohot sian Moab, sian halak Ammon,+ sian halak Palistim,+ dohot sian halak Amalek.+

12 Ditaluhon si Abisai+ anak ni si Seruya+ do 18.000 halak Edom di Rura Sira.+ 13 Dibahen si Daud ma akka tentarana di saluhut luat Edom, jala gabe hatoban ni si Daud ma sude halak Edom.+ Sai dibahen Jahowa do monang* si Daud manang tudia pe ibana marporang.+ 14 Torus ma si Daud mamaretta Israel.+ Adil do ibana tikki mangadili jala diulahon ibana do na sittong* tikki mamaretta rakyatna.+ 15 Si Joab anak ni si Seruya ma na gabe pamimpin ni akka tentara+ jala si Jehosapat+ anak ni si Ahilud ma gabe juru tulis ni raja. 16 Si Sadok anak ni si Ahitub dohot si Ahimelek anak ni si Abiatar ma na gabe malim. Jala si Sausa ma na gabe sekretaris. 17 Si Benaya anak ni si Jehoyada ma na gabe pamimpin ni akka pengawal ni si Daud.*+ Jala akka anak ni si Daud ma pejabat na untimbo pangkatna.

19 Mate ma si Nahas raja ni halak Ammon jala anakna ma na manggattihon ibana gabe raja.+ 2 Didok si Daud ma, “Ikkon patuduokku do holong ni rohakku*+ tu si Hanun anak ni si Nahas i, songon holong ni roha naung pinatudu ni bapakna tu au.” Alani i, disuru si Daud ma utusan lao mangapuli si Hanun alani parmate ni bapakna i. Alai tikki sahat akka parkarejo ni si Daud di huta ni halak Ammon+ lao mangapuli si Hanun, 3 ro ma akka pamimpin ni halak Ammon i mandok tu si Hanun, “Unang ma dirippu tuan na lao pasangappon bapakmu umbahen na disuru si Daud akka parkarejona i mangapuli ho. Ai na lao gabe mata-mata do nasida mamareso kota on, asa boi taluhonon ni si Daud hita.” 4 Gabe ditakkup si Hanun ma akka parkarejo ni si Daud i. Dicukkur ma janggut ni nasida.+ Jala diribak dua ma abit ni nasida sahat tu gottingna. Dung i, disuru ma nasida lao. 5 Gabe maila situtu ma nasida. Dung dibege si Daud na masa i, disuru ma halak mandapotton nasida lao mandok, “Di Jeriko+ ma jo hamu tinggal sahat tu na tubu muse janggutmuna i, dung i pe asa mulak hamu.”

6 Di pudian ni ari, diboto halak Ammon ma na sogo hian roha ni si Daud tu nasida. Dilehon si Hanun dohot halak Ammon ma 1.000 talenta* perak lao manggaji akka tentara na marhoda sian Mesopotamia,* sian Aram-maaka, dohot sian Zoba.+ Disewa do muse akka kareta porang sian i. 7 Disewa nasida do 32.000 kareta porang. Dung i, ro ma Raja Maaka dohot akka tentarana. Jala markemah ma nasida di jolo ni Medeba.+ Ro ma muse halak Ammon sian kota ni nasida marpungu lao marporang.

8 Dung dibege si Daud na masa i, disuru ibana ma tusi si Joab+ dohot sude tentarana, dohot ma i akka tentara na unjago.+ 9 Marpungu ma halak Ammon marbaris lao marporang di gerbang ni kota. Alai, di luar ni kota do akka raja na ro i.

10 Diida si Joab ma naung marbaris akka tentara ni halak Ammon sian jolo dohot sian pudi lao mangalo nasida. Dipillit ibana ma tentara ni Israel na unjago lao marbaris mangalo halak Siria.+ 11 Jala dipasahat si Joab ma akka tentara na asing tu si Abisai abangna,+ asa ibana na mangatur nasida marbaris mangalo halak Ammon. 12 Didok si Joab ma, “Molo umgogo do halak Siria i+ sian au, ro ma ho mangurupi au. Alai molo umgogo do halak Ammon i sian ho, ro pe au mangurupi ho. 13 Pos ma rohatta jala barani ma hita!+ Marporang ma hita lao mampartahatton bangsotta dohot akka kota ni Debatanta. Sai pasauton ni Jahowa do lomo ni rohana.”

14 Dung i maju ma si Joab dohot akka tentarana marporang mangalo halak Siria. Alai, lari ma halak Siria.+ 15 Dung diida halak Ammon naung lari halak Siria, gabe lari ma nasida sian si Abisai abang ni si Joab i jala masuk tu kota. Dung i, mulak ma si Joab tu Jerusalem.

16 Dung diida halak Siria naung ditaluhon halak Israel nasida, disuru nasida ma halak manjou halak Siria tu huta na jonok tu Sunge Euprat.+ Si Sopak pamimpin ni tentara ni si Hadadeser do na mamboan nasida tusi.+

17 Dung diboto si Daud na masa i, pittor dipapungu ibana ma sude tentara ni Israel. Disuru ma nasida menyeberang sian Sunge Jordan jala marbaris lao mangalo halak Siria. Dung i, maju ma si Daud rap dohot akka tentarana mangalo halak Siria.+ 18 Alai lari ma halak Siria sian tentara ni Israel. Dipamate si Daud do 7.000 tentara ni Siria na markareta porang dohot 40.000 tentara na mardalan pat. Jala dibunu si Daud do si Sopak pamimpin ni tentara i. 19 Diboto akka halak na tunduk tu si Hadadeser ma naung talu nasida.+ Gabe dipangido ma asa mardame nasida tu si Daud jala tunduk ma nasida tu bangso Israel.+ Gabe dang olo be halak Siria mangurupi halak Ammon.

20 Di mula ni taon,* somal do akka raja marporang. Alani i, lao ma si Joab+ dohot sude tentarana marporang jala manaluhon halak Ammon. Alai di Jerusalem+ do si Daud tinggal. Dung i marporang ma nasida tu Rabba+ jala ditaluhon nasida ma huta i.+ 2 Dibuat si Daud ma mahkota na sian ulu ni si Malkam* jala dipakke ibana ma i. Sian mas do mahkota i. Boratna hira-hira 34 kilogram* jala dibahen do muse akka batu na arga tu mahkota i. Dibuat si Daud do godang arta ni pangisi ni kota i.+ 3 Diboan si Daud ma muse pangisi ni kota i jala dibahen ma nasida gabe parkarejona.+ Disuru ma nasida karejo mambola batu, mamakke alat na sian bosi na tajom, dohot mamakke kampak. Songon i ma dibahen si Daud tu sude kota ni halak Ammon. Ujungna, mulak ma si Daud dohot akka tentarana tu Jerusalem.

4 Dukkon i, marporang ma muse halak Israel mangalo halak Palistim di Gezer. Tikki i, dipamate si Sebekkai+ halak Husa ma si Sipai pinoppar ni si Repaim+ jala ditaluhon nasida ma halak Palistim.

5 Marporang ma muse halak Israel mangalo halak Palistim di Gob. Tikki i, dipamate si Elihanan anak ni si Jair ma si Lakmi adek ni si Goliat+ halak Gat i. Balga ni hau tombak* ni si Lakmi songon balga ni hau ni partonun.+

6 Marporang ma muse halak Israel mangalo halak Palistim di Gat.+ Tikki i, adong ma sahalak bawa na massai bolon,+ pinoppar ni si Repaim do ibana. Dua pulu opat ma jari-jarina, ai onom be jari-jari ni tanganna dohot patna.+ 7 Sai dileai+ bawa i do halak Israel. Alani i, ro ma si Jonatan anak ni si Simea+ abang ni si Daud pamatehon ibana.

8 Akka pinoppar ni si Repaim+ na sian Gat+ do nasida. Alai mate do nasida dibahen si Daud dohot akka tentarana.

21 Dung i ro ma Sibolis* mangalo halak Israel, jala dibahen ma asa olo si Daud mangetong godang ni halak Israel.+ 2 Didok si Daud ma tu si Joab+ dohot tu akka pamimpin ni halak Israel, “Lao ma hamu, etong ma halak Israel mulai sian Ber-seba sahat tu Dan.+ Dung i paboa ma tu au, asa huboto godang ni nasida.” 3 Alai didok si Joab ma tu raja, “Anggiat ma dibahen Jahowa Debatam lam godang nasida sappe 100 hali loppit! Rakyatmu do nasida sude, ale rajanami. Boasa ma ikkon etongon ni tuanku godang ni nasida? Jala boasa ma gabe mardosa halak Israel bahenonmu?”

4 Alai dang olo raja i manangihon hata ni si Joab. Alani i, lao ma si Joab tu sude huta ni halak Israel. Dung i, mulak ma ibana tu Jerusalem.+ 5 Dipaboa si Joab ma tu raja godang ni halak na didaftar. Sian halak Israel adong 1.100.000 tentara na marsinjata podang, jala sian halak Juda adong 470.000 tentara na marsinjata podang.+ 6 Alai dang dietong ibana be godang ni halak Lepi dohot halak Benjamin.+ Ai nungnga sogo roha ni si Joab mambege paretta ni raja i.+

7 Alani i, dihukum Debata na sittong ma halak Israel. Ai dang lomo rohana dietong godang ni halak Israel. 8 Dung i didok si Daud ma tu Debata na sittong, “Nungnga balga dosakku+ ala hubahen songon on! Sesa ma dosa ni naposomon.+ Ai haotoon do na hubahen i.”+ 9 Didok Jahowa ma tu si Gad+ halak na pasahatton parnidaan tu si Daud, 10 “Lao ma ho mandapotton si Daud, jala dokkon ma tu ibana, ‘Songon on ma hata ni Jahowa, “Nungnga hubahen tolu sipillitonmu. Manang na dia na dipillit ho, i do bahenokku tu ho.”’” 11 Dung i, dijuppangi si Gad ma si Daud, jala didok ma tu ibana, “On ma na didok ni Jahowa, ‘Dia ma pillitonmu? 12 Masa tolu taon haraparon di luatmon,+ manang tolu bulan ho sai dilelei musum jala talu alani podang ni musum.+ Manang hilalaonmu podang ni Jahowa saleleng tolu ari, i ma sahit na masa di godang inganan+ na dibahen suru-suruan ni Jahowa na mambahen susa sude halak Israel.’+ Manat ma pikkiri na dia lao sipillitonmu, asa hupaboa tu Debata na manuru au.” 13 Didok si Daud ma tu si Gad, “Marsak hian do au mamikkiri on. Dumenggan ma Jahowa manghukum hita, ai parasi roha do Ibana.+ Unang ma loas jolma manghukum au.”+

14 Dibahen Jahowa ma masa sahit di godang inganan+ tu halak Israel. Gabe mate ma 70.000 halak Israel.+ 15 Asing ni i, disuru Debata na sittong ma sada suru-suruan pamatehon pangisi ni Jerusalem. Tikki naeng dipamate suru-suruan i pangisi ni kota i, gabe lungun* ma roha ni Jahowa.+ Didok Ibana ma tu suru-suruan i, “Nga sae be i.+ Paturun ma tanganmi.” Tikki i, di labbung ni inganan pardegean ni si Ornan+ halak Jebus+ do jongjong suru-suruan ni Jahowa i.

16 Tikki diida si Daud tu langit,* diida ibana ma jongjong suru-suruan ni Jahowa disi. Ditiop suru-suruan i do podang+ jala dibahen do podang i tu arah Jerusalem. Gabe marsinggang+ ma si Daud dohot akka pangituai* huhut mamakke abit goni.+ 17 Didok si Daud ma tu Debata na sittong, “Au do na manuru asa dietong godang ni bangso on. Au do na mardosa, jala au do na marsala.+ Alani i, au dohot keluarga ni bapakku ma hukum, ale Jahowa Debatakku. Alai anggo bangso na songon biru-biru on, dang marsala nasida. Unang ma hukum nasida.”+

18 Dung i, disuru suru-suruan ni Jahowa ma+ si Gad manjuppangi si Daud. Disuru ma si Daud mambahen sada langgatan tu Jahowa di inganan pardegean ni si Ornan halak Jebus i.+ 19 Dung i diulahon si Daud ma paretta ni Jahowa na dipasahat marhite Panurirang* Gad jala lao ma ibana. 20 Tikki i, mardege gandum do si Ornan. Diida ibana ma tu pudi jala diida ma suru-suruan. Gabe martabuni ma opat anakna na rap dohot ibana. 21 Dung sahat si Daud disi, diida si Ornan ma si Daud. Pittor kaluar ma ibana sian inganan pardegean i, jala marsinggang ma ibana tu jolo ni si Daud. 22 Didok si Daud ma tu si Ornan, “Gadis* ma inganan pardegeanmi tu au. Manang na sadia pe argana, tuhorokku do i. Ai naeng pajongjongokku do disi sada langgatan di Jahowa, asa so sahit na posi na masa tu bangso on.”+ 23 Didok si Ornan ma tu si Daud, “Unang pola tuhor inganan pardegean i tuan. Ulahon ma manang aha na denggan di roham. Adong do dison akka lombu na boi bahenonmu gabe pelean situtungon. Jala adong do dison gandum na boi bahenonmu gabe pelean sipanganon.* Pakke ma akka hau na dipasang tu lombu i+ gabe soban.”

24 Didok Raja Daud ma tu si Ornan, “Dang boi songon i. Ikkon tuhorokku do i manang na sadia pe argana. Molo dang martuhor i, dang olo au mamelehon i gabe pelean situtungon tu Jahowa.”+ 25 Dung i dilehon si Daud ma tu si Ornan 600 sekel* mas tuhor ni inganan pardegean i. 26 Dipajongjong si Daud ma disi sada langgatan+ tu Jahowa. Dipelehon ibana ma pelean situtungon dohot pelean pardamean.* Dung i martangiang ma ibana tu Jahowa. Dialusi Debata ma tangiangna i. Gabe diparo ma api+ sian langit manutung pelean situtungon na di langgatan i. 27 Ujungna, disuru Jahowa ma asa dipamasuk suru-suruan i+ podangna tu ingananna. 28 Diida si Daud ma na dialusi Jahowa do tangiangna di inganan pardegean ni si Ornan halak Jebus i. Gabe disi ma ibana toktong mangalehon pelean. 29 Hape tikki i, nungnga di Dolok Gibeon langgatan ni pelean situtungon dohot tabernakel ni Jahowa na binahen ni si Musa tikki di gurun.+ 30 Alai dang lao be si Daud tusi lao manukkun Debata, ai mabiar do ibana tu podang ni suru-suruan ni Jahowa.

22 Dung i didok si Daud ma, “Dison ma bahenon jabu ni Jahowa Debata na sittong i, jala di langgatan on ma halak Israel mangalehon pelean situtungon.”+

2 Disuru si Daud ma asa dipapungu akka panoppang+ na adong di Israel. Disuru ma nasida manokkok jala mamahat batu na lao dipakke pajongjokkon jabu ni Debata na sittong.+ 3 Diparade si Daud do massai godang bosi na lao dipakke mambahen pakku. Pakkeon ma pakku i mambahen akka pintu ni gerbang dohot akka barang na asing. Diparade do muse massai godang tombaga, sappe dang tartimbang alani godangna.+ 4 Diparade do muse hau ares+ na massai godang. Ai massai godang do hau ares na diboan halak Sidon+ dohot halak Tirus+ tu si Daud. 5 Didok si Daud ma, “Poso dope si Salomo anakki, jala dang diboto dope manang aha.*+ Hape ikkon balga jala bagak do jabu ni Jahowa na lao dipajongjong i,+ asa tarbarita i+ tu sude luat.+ Alani i, paradeokku ma akka na porlu tusi.” Jadi andorang so mate si Daud, nungnga massai godang diparade ibana akka na porlu lao pajongjokkon jabu i.

6 Dung i, dijou si Daud ma anakna si Salomo jala disuru ma ibana pajongjokkon jabu ni Jahowa Debata ni Israel. 7 Didok si Daud ma tu si Salomo, “Lomo do rohakku nian pajongjokkon jabu na pasangappon goar ni Jahowa Debatakku.+ 8 Alai didok Jahowa do tu au, ‘Nungnga godang jolma na dipamate ho* di tano on. Jala jotjot do ho marporang. Alani i, dang ho na lao pajongjokkon jabu na pasangappon goarhu.+ Ai nungnga godang jolma na dipamate ho di jolokku. 9 Adong do sada anakmu+ na lao bahenokku dame ngoluna. Dang adong musu na mangalo ibana.+ Ai na lao bahenon do goarna si Salomo.*+ Bahenokku ma dame jala sonang ngolu ni halak Israel saleleng mangolu ibana.+ 10 Ibana ma na lao pajongjokkon jabu na pasangappon goarhu.+ Gabe anakku ma ibana, jala Au ma na gabe bapakna.+ Na lao martahan do bahenokku harajaonna di Israel saleleng ni lelengna.’+

11 “Alani i anakku, anggiat ma sai didongani Jahowa ho. Jala anggiat ma boi pajongjongonmu jabu ni Jahowa Debatam songon naung nidokna.+ 12 Anggiat ma bahenon ni Jahowa ho marbisuk jala malo+ manottuhon dia sipillitonmu tikki mamaretta ho di Israel. Alani i, boi ma ulahononmu patik ni Jahowa Debatam.+ 13 Molo manat dioloi ho sude aturan+ dohot paretta ni Jahowa tu halak Israel na pinaboana marhite si Musa, boi ma ho marhasil.+ Ikkon barani do ho jala togu. Unang ma mabiar ho.+ 14 Nungnga hubahen sian nasa gogokku paradehon akka na porlu lao pajongjokkon jabu ni Jahowa. Huparade do 100.000 talenta* mas dohot 1.000.000 talenta perak. Huparade do muse massai godang tombaga dohot bosi,+ sappe dang tartimbang alani godangna. Jala huparade do muse akka hau dohot batu.+ Alai ikkon tambaanmu dope i. 15 Godang do parkarejo na boi mangurupi ho. Adong do akka panokkok batu, akka tukkang na mamasang batu,+ akka tukkang hau, dohot akka tukkang na asing.+ 16 Godang do muse mas, perak, tombaga, dohot bosi.+ Alani i, pajongjong ma jabu i. Anggiat ma sai didongani Jahowa ho.”+

17 Dung i disuru si Daud ma sude pejabat di Israel mangurupi anakna si Salomo. Didok ma, 18 “Didongani Jahowa Debatamuna do hamu. Jala dang adong be musu di sakalilingmuna. Ai dipasahat Debata do pangisi ni luat on tu au. Jala nungnga dirajai Jahowa dohot bangsona luat on. 19 Saonari, lului hamu ma Jahowa Debatamuna+ sian nasa rohamuna dohot sian nasa ngolumuna. Pajongjong hamu ma inganan na badia ni Jahowa Debata na sittong i.+ Dung i, boan hamu ma poti parpadanan ni Jahowa tu jabu na dipajongjong lao pasangappon goar ni Jahowa.+ Jala boan hamu ma muse tusi akka barang na dipakke lao manomba Debata na sittong i.”+

23 Dung matua jala naeng mate si Daud, dibahen ibana ma si Salomo gabe raja ni Israel.+ 2 Dipapungu ibana ma akka pejabat di Israel, akka malim,+ dohot halak Lepi.+ 3 Dietong ma godang ni halak Lepi na marumur 30 taon tu ginjang.+ Adong ma 38.000 godang ni nasida. 4 Sian nasida, adong do 24.000 na gabe pengawas ni akka halak na martugas di jabu ni Jahowa, jala 6.000 ma na gabe pamimpin dohot hakim.+ 5 Adong do muse 4.000 halak na gabe panjaga ni gerbang,+ jala 4.000 halak na mamakke alat musik lao mamuji+ Jahowa. Si Daud do na mambahen akka alat musik i lao mamuji Debata.

6 Dung i dibagi si Daud ma nasida+ mangihutton akka anak ni si Lepi: si Gerson, si Kohat, dohot si Merari.+ 7 Sian si Gerson, i ma si Ladan dohot si Simei. 8 Adong tolu anak ni si Ladan, i ma si Jehiel, si Jetam, dohot si Joel.+ Si Jehiel ma pamimpinna. 9 Adong tolu anak ni si Simei, i ma si Selomit, si Hasiel, dohot si Haran. On ma akka pamimpin ni pinoppar ni si Ladan na saompu. 10 Adong opat anak ni si Simei, i ma si Jahat, si Sina, si Jehus, dohot si Beria. 11 Si Jahat do na gabe pamimpin, jala si Zizah na paduahon. Ala otik do anak ni si Jehus dohot si Beria, gabe dietong ma nasida saompu jala sada tugas ma nasida.

12 Adong opat anak ni si Kohat, i ma si Amram, si Ishar,+ si Hebron, dohot si Usiel.+ 13 Akka anak ni si Amram, i ma si Aron+ dohot si Musa.+ Alai, si Aron dohot akka anakna do na dipillit+ lao martugas di Inganan na Massai Badia. Nasida do muse na toktong mangalehon pelean di jolo ni Jahowa, marhobas tu Debata, dohot mamasu-masu bangso i di bagasan goar ni Debata.+ 14 Alai anggo akka anak ni si Musa naposo ni Debata na sittong i, dos do nasida songon halak Lepi na asing. 15 Akka anak ni si Musa, i ma si Gersom+ dohot si Elieser.+ 16 Pamimpin ni akka anak ni si Gersom, i ma si Sebuel.+ 17 Holan sada do anak ni si Elieser, i ma si Rehabia.+ Jala si Rehabia ma na gabe pamimpin ni pinoppar ni si Elieser, ai godang do akka anak ni si Rehabia. 18 Pamimpin ni akka anak ni si Ishar,+ i ma si Selomit.+ 19 Pamimpin ni akka anak ni si Hebron, i ma si Jeria. Dung i si Amaria ma na paduahon, si Jehasiel ma na patoluhon, jala si Jekameam+ ma na paopatton. 20 Pamimpin ni akka anak ni si Usiel,+ i ma si Mika. Jala si Ishia ma na paduahon.

21 Akka anak ni si Merari, i ma si Mahli dohot si Musi.+ Akka anak ni si Mahli, i ma si Eleasar dohot si Kis. 22 Mate ma si Eleasar, alai dang adong anakna holan akka boruna do na adong. Dung i, muli ma akka boruna i tu keluarga ni nasida, i ma akka anak ni si Kis. 23 Adong tolu akka anak ni si Musi, i ma si Mahli, si Eder, dohot si Jeremot.

24 Akka on ma pinoppar ni halak Lepi na saompu dohot akka pamimpin ni nasida na saompu naung dietong jala didaftar. Marumur 20 taon tu ginjang do nasida jala martugas di jabu ni Jahowa. 25 Ai didok si Daud do, “Dame do dibahen Jahowa ngolu ni bangso Israel.+ Jala di Jerusalem nama Ibana tinggal saleleng ni lelengna.+ 26 Alani i, dang porlu be boanon ni halak Lepi tabernakel dohot akka peralatan na dipakke lao manomba Debata.”+ 27 Alani hata ni si Daud on, gabe dietong ma sadia godang ni halak Lepi na marumur 20 taon tu ginjang. 28 Tugas ni nasida, i ma mangurupi akka anak ni si Aron+ marhobas di jabu ni Jahowa. Nasida do na manjaga alaman di bagas joro i+ dohot manjaga ruang makan. Nasida do muse na pabadiahon akka na badia, jala na mangulahon akka ulaon na asing di jabu ni Debata na sittong. 29 Dohot do muse nasida paradehon roti pelean,+ topung na halus na gabe pelean sipanganon,* roti na tipis na so marragi,+ roti na dibahen di tuangan na datar, dohot paradehon adonan na dicampur dohot miak.+ Nasida do muse na mangukkur dohot na manimbang. 30 Ganup manogot+ dohot ganup botari, dipuji nasida do Jahowa jala didok do mauliate tu Ibana.+ 31 Dohot do muse nasida paradehon pelean situtungon na dipelehon tu Jahowa tikki ari Sabat,+ tikki bulan baru,+ jala saleleng adong perayaan.+ Toktong do diulahon nasida i di jolo ni Jahowa songon na diparettahon tu nasida. 32 Diulahon nasida do tugas ni nasida di kemah parpunguan dohot di inganan na badia. Jala diurupi nasida do muse akka anak ni si Aron di jabu ni Jahowa.

24 Dibahen ma pinoppar ni si Aron gabe piga-piga punguan. Akka anak ni si Aron, i ma si Nadab, si Abihu,+ si Eleasar, dohot si Itamar.+ 2 Parjolo do mate si Nadab dohot si Abihu sian bapak ni nasida,+ jala dang adong anak ni nasida. Alai, torus do si Eleasar+ dohot si Itamar martugas gabe malim. 3 Dibahen si Daud, si Sadok,+ dohot si Ahimelek ma nasida gabe piga-piga punguan mangihutton tugas ni nasida. Pinoppar ni si Eleasar do si Sadok, jala pinoppar ni si Itamar do si Ahimelek. 4 Unggodang do pinoppar ni si Eleasar na gabe pamimpin sian pinoppar ni si Itamar. Alani i, dibahen ma 16 pamimpin ni pinoppar ni si Eleasar na saompu, jala 8 ma pamimpin ni pinoppar ni si Itamar na saompu.

5 Dibahen pinoppar ni si Eleasar dohot pinoppar ni si Itamar ma undi.+ Adong ma sian nasida na gabe pamimpin di inganan na badia dohot pamimpin na marhobas tu Debata na sittong. 6 Tikki i, si Semaya anak ni si Netaneel do sekretaris ni halak Lepi. Ibana do na manurat goar ni nasida di jolo ni raja, akka pejabat, Malim Sadok,+ si Ahimelek+ anak ni si Abiatar,+ dohot di jolo ni pamimpin ni akka malim dohot halak Lepi na saompu. Dung dipillit sada sian pinoppar ni si Eleasar, dipillit ma muse sada sian pinoppar ni si Itamar.

7 Na parjolo mandapot undi, i ma si Jehoyarib. Na paduahon, i ma si Jedaya. 8 Na patoluhon, i ma si Harim. Na paopatton, i ma si Seorun. 9 Na palimahon, i ma si Malkia. Na paonomhon, i ma si Mijamin. 10 Na papituhon, i ma si Hakos. Na paualuhon, i ma si Abia.+ 11 Na pasiahon, i ma si Jesua. Na pasappuluhon, i ma si Sekania. 12 Na pasappulu sadahon, i ma si Eliasib. Na pasappulu duahon, i ma si Jakim. 13 Na pasappulu toluhon, i ma si Hupa. Na pasappulu opatton, i ma si Jesebeab. 14 Na pasappulu limahon, i ma si Bilga. Na pasappulu onomhon, i ma si Immer. 15 Na pasappulu pituhon, i ma si Hesir. Na pasappulu ualuhon, i ma si Hapises. 16 Na pasappulu siahon, i ma si Petahia. Na paduapuluhon, i ma si Jeheskiel. 17 Na paduapulu sadahon, i ma si Jakin. Na paduapulu duahon, i ma si Gamul. 18 Na paduapulu toluhon, i ma si Delaia. Jala na paduapulu opatton, i ma si Maasia.

19 Akka on ma tugas ni nasida+ tikki masuk nasida tu jabu ni Jahowa. Ikkon ulahonon ni nasida do i songon paretta ni Jahowa Debata ni Israel na pinaboana marhite si Aron ompu ni nasida.

20 On ma pinoppar ni si Lepi na asing: Sian pinoppar ni si Amram,+ i ma si Subael.+ Sian pinoppar ni si Subael, i ma si Jehdeia. 21 Sian pinoppar ni si Rehabia,+ si Ishia ma pamimpinna. 22 Sian pinoppar ni si Ishar, i ma si Selomit.+ Sian pinoppar ni si Selomit, i ma si Jahat. 23 Sian pinoppar ni si Hebron, si Jeria+ ma pamimpinna. Dung i si Amaria ma na paduahon, si Jehasiel ma na patoluhon, jala si Jekameam ma na paopatton. 24 Sian pinoppar ni si Usiel, i ma si Mika. Sian pinoppar ni si Mika, i ma si Samir. 25 Adek ni si Mika, i ma si Ishia. Sian pinoppar ni si Ishia, i ma si Sakaria.

26 Akka anak ni si Merari,+ i ma si Mahli dohot si Musi. Sian pinoppar ni si Jaasia, i ma si Beno. 27 Sian pinoppar ni si Merari, i ma si Jaasia. Sian pinoppar ni si Jaasia, i ma si Beno, si Soham, si Sakur, dohot si Iberi. 28 Sian si Mahli, i ma si Eleasar. Dang adong anak ni si Eleasar.+ 29 Sian pinoppar ni si Kis, i ma si Jerahmeel. 30 Akka pinoppar ni si Musi, i ma si Mahli, si Eder, dohot si Jerimot.

Akka on ma pinoppar ni halak Lepi na sasaompu. 31 Dohot do nasida mambahen undi+ songon na binahen ni pinoppar ni si Aron. Dibahen nasida ma undi di jolo ni Raja Daud, si Sadok, si Ahimelek, dohot di jolo ni pamimpin ni akka malim dohot halak Lepi na saompu. Sarupa do dibahen tu sude pamimpin ni na sasaompu i, na matua nang na poso.

25 Dung i, dipillit si Daud dohot pamimpin ni akka na martugas di bagas joro ma deba anak ni si Asap, si Heman, dohot si Jedutun.+ Dibahen ma tugas ni nasida mamuji Debata* huhut marharpa, mamakke alat musik na martali,+ dohot marsimbal.*+ On ma akka halak na dipillit i: 2 Sian akka anak ni si Asap, i ma si Sakur, si Josep, si Netania, dohot si Asarela. Si Asap do pamimpin ni nasida. Jala raja do pengawas ni nasida. 3 Adong onom sian akka anak ni si Jedutun,+ i ma si Gedalia, si Seri, si Jesaya, si Simei, si Hasabya, dohot si Matitia.+ Si Jedutun ma pamimpin ni nasida. Nasida do na martugas mamuji Debata* huhut marharpa. Didok nasida do mauliate tu Jahowa jala dipuji nasida do Ibana.+ 4 Sian akka anak ni si Heman,+ i ma si Bukia, si Matania, si Usiel, si Sebuel, si Jerimot, si Hanania, si Hanani, si Eliata, si Gidalti, si Romamti-eser, si Josbekasa, si Malloti, si Hotir, dohot si Mahasiot. 5 Akka anak ni si Heman do i sude. Si Heman do na pasahatton hata ni Debata na sittong tu raja lao pasangappon Debata.* Alani i ma dilehon Debata tu ibana 14 anak dohot 3 boru. 6 On ma sude parende di jabu ni Jahowa Debata na sittong. Marende do nasida huhut marharpa, marsimbal, dohot mamakke alat musik na martali.+ Bapak ni nasida be do na gabe pamimpin ni nasida.

Jala raja do pengawas ni si Asap, si Jedutun, dohot si Heman.

7 Adong 288 halak godang ni nasida dohot halak Lepi na asing. Nungnga dilatik nasida marende tu Jahowa, jala malo do nasida sude marende. 8 Dibahen nasida ma undi+ lao manottuhon tugas ni nasida. Sude do nasida mambahen undi, na otik keluargana manang na godang, na malo marende manang na marsiajar dope.

9 Na parjolo mandapot undi, i ma si Josep anak ni si Asap.+ Na paduahon, i ma si Gedalia,+ akka haha anggina, dohot akka anakna, 12 ma nasida sude. 10 Na patoluhon, i ma si Sakur,+ akka anakna, dohot akka haha anggina, 12 ma nasida sude. 11 Na paopatton, i ma si Isri, akka anakna, dohot akka haha anggina, 12 ma nasida sude. 12 Na palimahon, i ma si Netania,+ akka anakna, dohot akka haha anggina, 12 ma nasida sude. 13 Na paonomhon, i ma si Bukia, akka anakna, dohot akka haha anggina, 12 ma nasida sude. 14 Na papituhon, i ma si Jesarela, akka anakna, dohot akka haha anggina, 12 ma nasida sude. 15 Na paualuhon, i ma si Jesaya, akka anakna, dohot akka haha anggina, 12 ma nasida sude. 16 Na pasiahon, i ma si Matania, akka anakna, dohot akka haha anggina, 12 ma nasida sude. 17 Na pasappuluhon, i ma si Simei, akka anakna, dohot akka haha anggina, 12 ma nasida sude. 18 Na pasappulu sadahon, i ma si Azarel, akka anakna, dohot akka haha anggina, 12 ma nasida sude. 19 Na pasappulu duahon, i ma si Hasabya, akka anakna, dohot akka haha anggina, 12 ma nasida sude. 20 Na pasappulu toluhon, i ma si Subael,+ akka anakna, dohot akka haha anggina, 12 ma nasida sude. 21 Na pasappulu opatton, i ma si Matitia, akka anakna, dohot akka haha anggina, 12 ma nasida sude. 22 Na pasappulu limahon, i ma si Jeremot, akka anakna, dohot akka haha anggina, 12 ma nasida sude. 23 Na pasappulu onomhon, i ma si Hanania, akka anakna, dohot akka haha anggina, 12 ma nasida sude. 24 Na pasappulu pituhon, i ma si Josbekasa, akka anakna, dohot akka haha anggina, 12 ma nasida sude. 25 Na pasappulu ualuhon, i ma si Hanani, akka anakna, dohot akka haha anggina, 12 ma nasida sude. 26 Na pasappulu siahon, i ma si Malloti, akka anakna, dohot akka haha anggina, 12 ma nasida sude. 27 Na paduapuluhon, i ma si Eliata, akka anakna, dohot akka haha anggina, 12 ma nasida sude. 28 Na paduapulu sadahon, i ma si Hotir, akka anakna, dohot akka haha anggina, 12 ma nasida sude. 29 Na paduapulu duahon, i ma si Gidalti,+ akka anakna, dohot akka haha anggina, 12 ma nasida sude. 30 Na paduapulu toluhon, i ma si Mahasiot,+ akka anakna, dohot akka haha anggina, 12 ma nasida sude. 31 Na paduapulu opatton, i ma si Romamti-eser,+ akka anakna, dohot akka haha anggina, 12 ma nasida sude.

26 On ma akka punguan ni panjaga gerbang:+ Sian pinoppar ni si Kora, i ma si Meselemya+ anak ni si Kore pinoppar ni si Asap. 2 Anak siakkangan ni si Meselemya, i ma si Sakaria. Anakna paduahon, i ma si Jediael. Anakna patoluhon, i ma si Sebadia. Anakna paopatton, i ma si Jatniel. 3 Anakna palimahon, i ma si Elamit. Anakna paonomhon, i ma si Johohanan. Jala anakna papituhon, i ma si Eliho-enai. 4 Anak siakkangan ni si Obed-edom, i ma si Semaya. Anakna paduahon, i ma si Jehosabad. Anakna patoluhon, i ma si Joa. Anakna paopatton, i ma si Sahar. Anakna palimahon, i ma si Netaneel. 5 Anakna paonomhon, i ma si Ammiel. Anakna papituhon, i ma si Isasar. Jala anakna paualuhon, i ma si Peuletai. Ai dipasu-pasu Debata do si Obed-edom.

6 Akka anak ni si Semaya do pamimpin ni nasida na saompu. Ai gogo jala setia do nasida mangulahon tugas ni nasida. 7 Akka anak ni si Semaya, i ma si Otni, si Repael, si Obed, dohot si Elsabad. Adong do keluarga ni si Elsabad na margoar si Elihu dohot si Semakia. Nasida pe setia do mangulahon tugas ni nasida. 8 On ma akka anak ni si Obed-edom. Malo jala setia do nasida mangulahon tugas ni nasida, songon i nang anak ni nasida dohot haha anggi ni nasida. Adong do 62 pinoppar ni si Obed-edom. 9 Adong 18 anak dohot haha anggi ni si Meselemya.+ Setia do nasida mangulahon tugas ni nasida. 10 Anak ni si Merari do si Hosa jala adong do akka anak ni si Hosa. Si Simri do pamimpin ni nasida, nang pe dang ibana anak siakkangan. Ai bapakna do na mamillit ibana gabe pamimpin. 11 Si Hilkia ma na paduahon, si Tebalia na patoluhon, jala si Sakaria ma na paopatton. Adong 13 anak dohot haha anggi ni si Hosa.

12 Rap martugas di jabu ni Jahowa do akka pamimpin ni panjaga gerbang dohot haha anggi ni nasida. 13 Dung i diundi+ ma nasida lao manottuhon di gerbang na dia nasida martugas. Sude do nasida diundi, otik manang na godang nasida na saompu. 14 Dung dibahen undi, gabe tarpillit ma si Selemia martugas di gerbang sabola timur. Jala anakna si Sakaria martugas di gerbang sabola utara. Sahalak penasehat na marbisuk do si Sakaria. 15 Si Obed-edom ma na martugas di gerbang sabola selatan, jala dibahen ma akka anakna+ manjaga akka gudang. 16 Si Suppim dohot si Hosa+ ma na martugas di gerbang sabola barat. Jonok do gerbang i tu Gerbang Salehet na di labbung ni dalan nakkok-nakkohan. Dang dao punguan ni panjaga gerbang na sada tu punguan ni panjaga gerbang na asing. 17 Adong onom halak Lepi na martugas di sabola timur. Opat ma di sabola barat na martugas ganup ari. Opat ma di sabola selatan na martugas ganup ari. Jala dua ma na martugas di akka gudang.+ Adong do muse dua nai na martugas di labbung ni nasida. 18 Di terras na di sabola barat adong opat na martugas di dalan+ jala dua nai martugas di terras i. 19 On ma punguan ni akka panjaga gerbang na sian pinoppar ni si Kora dohot si Merari.

20 Halak Lepi na manjaga panimpanan ni arta di jabu ni Debata na sittong dohot na manjaga panimpanan ni arta naung dipabadia,*+ i ma si Ahia. 21 Sian pinoppar ni si Gerson, i ma si Jehieli pinoppar ni si Ladan. Si Jehieli+ do pamimpin ni pinoppar ni si Ladan na saompu. 22 Akka anak ni si Jehieli, i ma si Jetam dohot si Joel. Nasida ma na manjaga panimpanan ni arta di jabu ni Jahowa.+ 23 Sian pinoppar ni si Amram, pinoppar ni si Ishar, pinoppar ni si Hebron, dohot sian pinoppar ni si Usiel,+ 24 si Sebuel ma na manjaga akka gudang. Pinoppar ni si Gersom anak ni si Musa do si Sebuel. 25 Haha anggi ni si Sebuel sian pinoppar ni si Elieser,+ i ma si Rehabia,+ si Jesaya, si Joram, si Sikri, dohot si Selomit. 26 Si Selomit dohot akka haha anggina do na manjaga panimpanan ni arta naung dipabadia.+ Na pabadiahon akka arta i, i ma Raja Daud,+ pamimpin ni na sasaompu,+ pamimpin ni na sasaribu dohot na sasaratus, dohot akka pamimpin ni tentara. 27 Sian akka parporangan+ dohot sian akka bangso naung ditaluhon+ do dibuat nasida akka arta i. Dipabadia nasida ma i sude lao dipakke di jabu ni Jahowa. 28 Dijaga nasida do muse akka barang na dipabadia si Samuel na boi mandapot parnidaan i,+ na dipabadia si Saul anak ni si Kis, si Abner+ anak ni si Ner, dohot si Joab+ anak ni si Seruya.+ Si Selomit dohot haha anggina do na manjaga sude barang naung dipabadia i.

29 Akka halak na mandapot tugas na asing di luar jabu ni Debata, i ma si Hanania dohot akka anakna na sian pinoppar ni si Ishar.+ Nasida do na gabe akka pejabat dohot akka hakim+ di Israel.

30 Sian pinoppar ni si Hebron+ adong do si Hasabya dohot haha anggina, na godangna 1.700 halak. Setia do nasida mangulahon tugas ni nasida. Nasida do na gabe pengawas ni akka halak na martugas di sabola barat ni Sunge Jordan. Ai adong do disi akka halak na marhobas tu Jahowa dohot na marhobas tu raja. 31 Si Jeria+ do pamimpin ni na sasaompu dohot pamimpin ni pinoppar ni si Hebron. Di taon na paopatpuluhon si Daud mamaretta,+ dilului do halak na gogo jala na barani sian pinoppar ni si Hebron na adong di Jaser+ na di Gilead. 32 Adong ma 2.700 haha anggi ni si Jeria na sian pinoppar ni si Hebron. Nasida ma akka pamimpin ni na sasaompu. Jala setia do nasida mangulahon tugas ni nasida. Alani i, dibahen Raja Daud do nasida gabe pengawas ni marga Ruben, marga Gad, dohot satonga marga Manasse na mangulahon akka ulaon tu Debata na sittong dohot ulaon tu raja.

27 On ma punguan ni halak Israel na gabe tentara ni raja. Adong do di punguan i akka pamimpin ni na sasaompu, akka pamimpin ni na sasaribu dohot na sasaratus.+ Jala adong do muse di punguan i akka pejabat+ na gabe pengawas ni punguan i. Margatti-gatti do punguan na martugas ganup bulan di bagasan sataon. Jala adong 24.000 halak di sada punguan.

2 Pengawas ni punguan na parjolo na martugas di bulan na parjolo, i ma si Jasobeam+ anak ni si Sabdiel. Adong do 24.000 nasida sapunguan. 3 Pinoppar ni si Peres+ do si Jasobeam. Ibana do pengawas ni sude pamimpin ni punguan na martugas di bulan na parjolo. 4 Pengawas ni punguan na martugas di bulan na paduahon, i ma si Dodai+ halak Ahohi.+ Si Mikhlot ma pamimpin ni punguan i. Jala adong do 24.000 nasida sapunguan. 5 Pamimpin ni punguan na patoluhon na martugas di bulan na patoluhon, i ma si Benaya+ anak ni Malim Kepala* Jehoyada.+ Adong do 24.000 nasida sapunguan. 6 Pengawas ni punguan i, i ma si Amisabad anak ni si Benaya. Sahalak sian 30 tentara na jago do si Benaya jala ibana do pamimpinna. 7 Pamimpin ni punguan na paopatton na martugas di bulan na paopatton, i ma si Asahel+ adek ni si Joab.+ Anakna si Sebadia ma na manggattihon ibana gabe pamimpin. Jala adong do 24.000 nasida sapunguan. 8 Pamimpin ni punguan na palimahon na martugas di bulan palimahon, i ma si Samhud halak Israhia. Adong do 24.000 nasida sapunguan. 9 Pamimpin ni punguan na paonomhon na martugas di bulan na paonomhon, i ma si Ira+ anak ni si Ikes halak Tekoa.+ Adong do 24.000 nasida sapunguan. 10 Pamimpin ni punguan na papituhon na martugas di bulan na papituhon, i ma si Heles+ halak Peloni pinoppar ni si Epraim. Adong do 24.000 nasida sapunguan. 11 Pamimpin ni punguan na paualuhon na martugas di bulan na paualuhon, i ma si Sebekkai+ halak Husa pinoppar ni si Jara.+ Adong do 24.000 nasida sapunguan. 12 Pamimpin ni punguan na pasiahon na martugas di bulan na pasiahon, i ma si Abi-eser+ halak Anatot+ pinoppar ni si Benjamin. Adong do 24.000 nasida sapunguan. 13 Pamimpin ni punguan na pasappuluhon na martugas di bulan na pasappuluhon, i ma si Maharai+ halak Netopa pinoppar ni si Jara.+ Adong do 24.000 nasida sapunguan. 14 Pamimpin ni punguan na pasappulu sadahon na martugas di bulan na pasappulu sadahon, i ma si Benaya+ halak Piraton pinoppar ni si Epraim. Adong do 24.000 nasida sapunguan. 15 Pamimpin ni punguan na pasappulu duahon na martugas di bulan na pasappulu duahon, i ma si Heldai halak Netopa pinoppar ni si Otniel. Adong do 24.000 nasida sapunguan.

16 On ma akka pamimpin ni ganup marga di Israel: Pamimpin ni marga Ruben, i ma si Elieser anak ni si Sikri. Pamimpin ni marga Simeon, i ma si Sepatia anak ni si Maaka. 17 Pamimpin ni marga Lepi, i ma si Hasabya anak ni si Kemuel. Pamimpin ni pinoppar ni si Aron, i ma si Sadok. 18 Pamimpin ni marga Juda, i ma si Elihu+ abang ni si Daud. Pamimpin ni marga Isasar, i ma si Omri anak ni si Mikhael. 19 Pamimpin ni marga Zebulon, i ma si Ismaya anak ni si Obaja. Pamimpin ni marga Naptali, i ma si Jerimot anak ni si Asriel. 20 Pamimpin ni marga Epraim, i ma si Hosea anak ni si Asasia. Pamimpin ni satonga ni marga Manasse, i ma si Joel anak ni si Pedaya. 21 Pamimpin ni satonga ni marga Manasse na di Gilead, i ma si Iddo anak ni si Sakaria. Pamimpin ni marga Benjamin, i ma si Jasiel anak ni si Abner.+ 22 Pamimpin ni marga Dan, i ma si Azarel anak ni si Jeroham. Akka on ma pamimpin ni marga di Israel.

23 Dang dietong si Daud akka na marumur 20 taon tu toru, ala nungnga marjanji Jahowa na lao bahenonna ma lam godang halak Israel songon godang ni bintang na di langit.+ 24 Dimulai si Joab anak ni si Seruya do mangetong godang ni halak Israel, alai dang dipasae ibana i. Ai muruk do Debata tu halak Israel alani i.+ Gabe dang disurat be godang ni halak Israel di bukku sejarah ni Raja Daud.

25 Pengawas ni panimpanan arta ni raja,+ i ma si Asmapet anak ni si Adiel. Pengawas ni akka gudang* na di akka ladang, di akka kota, di akka huta, dohot di akka menara, i ma si Jonatan anak ni si Usia. 26 Pengawas ni akka pangula na di ladang, i ma si Esri anak ni si Kelub. 27 Pengawas ni ladang anggur, i ma si Simei halak Rama. Pengawas ni panimpanan siinumon na dibahen sian anggur, i ma si Sabdi halak Sipmot. 28 Pengawas ni akka hau jetun dohot akka hau ara+ na di Syefela,+ i ma si Baal-hanan halak Geder. Pengawas ni panimpanan ni miak, i ma si Joas. 29 Pengawas ni akka lombu na manjappal di Saron,+ i ma si Sirtai halak Saron. Pengawas ni akka lombu na di rura, i ma si Sapat anak ni si Adlai. 30 Pengawas ni akka unta, i ma si Obil pinoppar ni si Ismael. Pengawas ni akka halode,* i ma si Jehdeia halak Meronot. 31 Pengawas ni biru-biru dohot hambing, i ma si Jasis halak Hagri. On ma sude akka pengawas ni arta ni Raja Daud.

32 Sahalak penasehat jala sekretaris do si Jonatan+ anak ni abang ni si Daud. Malo do ibana manottuhon na dia sipillitonna. Jala si Jehiel anak ni si Hakmon ma na martanggung jawab manjaga akka anak ni raja.+ 33 Si Ahitopel+ ma penasehat ni raja. Jala si Husai+ halak Arkhi ma ale-ale ni* raja. 34 Si Jehoyada anak ni si Benaya+ dohot si Abiatar+ ma na manggattihon si Ahitopel. Jala si Joab+ ma pamimpin ni akka tentara ni raja.

28 Dung i dipapungu si Daud ma sude pejabat ni Israel di Jerusalem. Marpungu ma akka pamimpin ni ganup marga, akka pamimpin ni halak na marhobas tu raja,+ akka pamimpin ni na sasaribu dohot na sasaratus,+ pengawas ni akka arta ni raja dohot binatang na dipiaro raja,+ pengawas ni akka anak ni raja,+ akka pejabat istana, dohot sude halak na gogo jala na barani.+ 2 Dung i, jongjong ma Raja Daud jala didok ma,

“Tangihon ma au ale haha anggikku dohot hamu akka rakyattu. Lomo do nian rohakku pajongjokkon sada jabu na gabe inganan ni poti parpadanan ni Jahowa. Jala jabu i ma na gabe sidege-degean ni Debatanta.+ Nungnga huparade akka na porlu lao pajongjokkon jabu i.+ 3 Alai didok Debata na sittong do tu au, ‘Dang ho na lao pajongjokkon jabu na pasangappon goarhu,+ ai jotjot do ho marporang. Jala nungnga godang jolma na dipamate ho.’*+ 4 Nang pe songon i, sian sude keluarga ni bapakku, dipillit Jahowa Debata ni Israel do au gabe raja ni Israel saleleng ni lelengna.+ Ai dipillit Ibana do marga Juda gabe pamimpin.+ Sian sude marga Juda, dipillit ma keluarga ni bapakku.+ Jala sian sude anak ni bapakku, au do na dipillit gabe raja ni Israel.+ 5 Dilehon Jahowa do di au godang anak.+ Sian sude anakki, si Salomo+ do na dipillit lao hundul di tahta ni Jahowa jala na mamaretta di Israel.+

6 “Didok Ibana do tu au, ‘Si Salomo anakmi do na lao pajongjokkon jabukku dohot alaman ni jabukki. Ai nungnga hupillit ibana gabe anakku, jala Au ma na gabe bapakna.+ 7 Molo toktong dioloi ibana parettakku dohot aturanku+ songon na binahenna saonari, bahenokku ma hot harajaonna saleleng ni lelengna.’+ 8 Hudok ma tu hamu sude ale Israel bangso ni Jahowa, jala dibege Debatanta do on: Parsiajari jala oloi hamu ma sude paretta ni Jahowa Debatamuna, asa di hamu tano na denggan on.+ Jala boi ma lehononmuna i tu akka anakmuna, asa nasida nappuna i saleleng ni lelengna.

9 “Jala ho Salomo anakku, ikkon takkas do tandaonmu Debatakku. Somba ma Ibana sian nasa roham,+ jala ulahon ma lomo ni rohana. Ai dipareso Jahowa do sude isi ni roha+ jala diboto Ibana do sude na tapikkiri.+ Molo dilului ho Ibana, juppangmu ma Ibana.+ Alai molo ditadikkon ho Ibana, tadikkononna ma ho saleleng ni lelengna.+ 10 Jadi saonari, ikkon barani do ho. Pajongjong ma sada jabu na gabe inganan na badia. Ai ho do na dipillit Jahowa pajongjokkon i.”

11 Dilehon si Daud ma tu si Salomo gambar+ ni terras+ ni jabu na lao dipajongjong i, gambar ni akka ruanganna, akka gudang, akka ruangan na di ginjang, akka kamar, dohot gambar ni inganan pardamean.+ 12 Dilehon si Daud ma muse tu si Salomo gambar ni alaman+ ni jabu ni Jahowa, gambar ni sude ruang makan na di sakaliling ni jabu i, gambar ni inganan panimpanan ni arta na di jabu ni Debata na sittong, dohot gambar ni panimpanan ni akka arta naung dipabadia.*+ Marhite panogu-noguon ni tondi parbadia ni Debata do dipatudu akka gambar i tu si Daud. 13 Dipaboa si Daud do muse taringot akka malim+ dohot halak Lepi na dibahen gabe piga-piga punguan. Dipaboa do muse tugas ni nasida tikki marhobas di jabu ni Jahowa dohot akka barang na dipakke tikki marhobas di jabu ni Jahowa. 14 Dipaboa si Daud ma muse borat ni mas dohot perak na dipakke mambahen akka barang. Dipakke do akka barang i tikki marhobas di jabu i. 15 Dipaboa si Daud do muse borat ni mas na dipakke lao mambahen akka inganan ni lampu+ dohot lampuna. Dipaboa do muse borat ni perak na dipakke lao mambahen akka inganan ni lampu dohot lampuna. 16 Dipaboa si Daud do muse borat ni mas na lao dipakke mambahen akka meja inganan ni roti pelean,+ dohot borat ni perak na lao dipakke mambahen akka meja. 17 Dipaboa ibana do muse borat ni akka garpu, akka makkuk, dohot akka ceret na dibahen sian mas murni. Dipaboa do muse borat ni akka makkuk na gelleng na dibahen sian mas+ dohot borat ni akka makkuk na gelleng na dibahen sian perak. 18 Dipaboa si Daud ma muse borat ni mas murni na dipakke mambahen langgatan inganan manutung dupa,+ dohot na dipakke mambahen akka kerubim*+ na manggombarhon kareta ni Debata.+ Herbang do habong ni akka kerubim i manghukkupi poti parpadanan ni Jahowa. 19 Didok si Daud ma, “Didongani Jahowa do au. Jala dilehon Ibana do bisuk tu au asa boi hubahen+ sude gambar+ on.”

20 Dung i didok si Daud ma tu anakna si Salomo, “Ikkon barani do ho jala togu. Unang ma mabiar ho. Pajongjong ma jabu i. Ai didongani Jahowa Debatakku do ho.+ Dang na lao pasombuonna manang tinggalhononna ho.+ Dongananna do ho sahat tu na sae jabu ni Jahowa i. 21 Adong do dison akka malim+ dohot halak Lepi+ na dibahen gabe piga-piga punguan. Nasida ma na lao martugas di jabu ni Debata na sittong. Adong do muse akka parkarejo na malo mangulahon tugas ni nasida jala na lomo rohana mangurupi ho.+ Jala adong do akka pejabat+ dohot akka rakyat na lao mangoloi parettam.”

29 Didok Raja Daud ma tu sude halak na marpungu i, “Nungnga dipillit Debata be si Salomo anakki.+ Alai poso dope ibana, jala dang diboto dope manang aha.*+ Hape ulaon na balga do pajongjokkon jabu i. Ai dang na lao di jolma bagas joro* na lao dipajongjong i, alai lao di Debata Jahowa do.+ 2 Nungnga hubahen sian nasa gogokku lao paradehon akka na porlu lao pajongjokkon jabu ni Debatakku. Huparade do mas, perak, tombaga, bosi,+ dohot akka hau.+ Huparade do muse batu oniks, akka batu na dilokkotton mamakke simin, akka batu karikil na marwarna na gabe hiasan, sude batu na arga, dohot massai godang batu pualam. 3 Asing ni akka na huparade tu jabu na badia i, hulehon do muse artakku+ lao pajongjokkon jabu ni Debatakku.+ Hulehon do mas dohot perak. Ai holong do rohakku tu jabu ni Debatakku. 4 Hulehon do muse 3.000 talenta* mas na sian Opir+ dohot 7.000 talenta perak murni na lao dipakke mangalappis dinding ni jabu i. 5 Hulehon do muse mas dohot perak na lao pakkeon ni akka tukkang mambahen akka barang. Saonari, ise ma na olo sadari on mangalehon na adong di ibana tu Jahowa?”+

6 Alani i, ro ma akka pamimpin ni na sasaompu, akka pamimpin ni ganup marga, akka pamimpin ni na sasaribu dohot na sasaratus,+ dohot akka pamimpin na mangurus ulaon ni raja.+ 7 Dilehon nasida do 5.000 talenta mas, 10.000 darik,* 10.000 talenta perak, 18.000 talenta tombaga, dohot 100.000 talenta bosi. Dilehon nasida do i lao pajongjokkon jabu ni Debata na sittong. 8 Manang ise nappuna batu na arga, diboan do i tu inganan panimpanan ni arta di jabu ni Jahowa. Si Jehiel+ pinoppar ni si Gerson+ do pengawas ni inganan panimpanan ni arta i. 9 Marlas ni roha do bangso i mangalehon na adong di nasida. Ai sian nasa roha do nasida mangalehon i tu Jahowa.+ Jala dohot do Raja Daud marlas ni roha.

10 Dung i, dipuji si Daud ma Jahowa di jolo ni sude halak na marpungu i. Didok ibana ma, “Ale Jahowa Debata ni ompunami Israel, sai dipuji ma Ho sahat tu saleleng ni lelengna. 11 Ale Jahowa, balga do huasom,+ na gogo do Ho,+ na marmulia, na burju, jala na sangap.+ Ai appunam do saluhut na di langit dohot na di tano on.+ Appunam do harajaon ale Jahowa.+ Jala dibahen Ho do dirim gabe pamimpin ni saluhutna. 12 Sian Ho do ro hamoraon dohot hasangapon.+ Ho do na mamaretta di saluhutna.+ Marhuaso+ jala margogo do Ho.+ Jala boi do dibahen Ho manang ise pe gabe sangap+ jala margogo.+ 13 Saonari, mandok mauliate ma hami tu Ho, ale Debatanami. Jala hupuji hami do goarmu na sangap i.

14 “Alai ise ma au jala ise ma bangsokku umbahen diloas Ho hami mangalean na adong di hami tu Ho? Sian Ho do saluhutna, jala sian Ho do sude na hulehon hami on. 15 Diboto Ho do panoppang do hami, songon akka ompunami.+ Songon bayangan+ do ngolunami di tano on jala jeppek do ari-arinami. 16 Ale Jahowa Debatanami, sian Ho do sude arta na huparade hami lao pajongjokkon jabu na pasangappon goarmu. Jala appunam do i sude. 17 Takkas do huboto ale Debatakku, diida Ho do roha ni jolma+ jala lomo do roham tu halak na ias rohana.+ Sian ias ni rohakku, hulehon do na adong di au. Jala las do rohakku mangida bangsom mangalehon na adong di nasida tu Ho. 18 Ale Jahowa Debata ni akka ompunami si Abraham, si Isak, dohot si Israel, urupi ma asa toktong ias roha ni bangsomon saleleng ni lelengna. Jala urupi ma nasida, asa holan tu Ho nasida marsomba.+ 19 Urupi ma si Salomo anakki asa mangoloi parettam,+ sipaingotmu, dohot aturanmu sian nasa rohana.+ Urupi ma ibana mangulahon i sude. Jala urupi ma ibana pajongjokkon bagas joro,* ai nungnga huparade akka na porlu tusi.”+

20 Dung i, didok si Daud ma tu sude halak na marpungu i, “Puji hamu ma Jahowa Debatamuna.” Sude ma halak na marpungu i mamuji Jahowa Debata ni akka ompu ni nasida. Marsomba ma nasida tu Jahowa dohot tu raja i. 21 Sadari i, dilehon nasida ma pelean tu Jahowa dohot pelean situtungon+ tu Jahowa. Dilehon nasida ma muse songon i marsogot nai. Dipelehon nasida do 1.000 lombu jantan na poso, 1.000 biru-biru jantan, 1.000 anak ni biru-biru, dohot pelean siinumon.+ Massai godang do pelean na dilehon sude halak Israel.+ 22 Sadari i, marlas ni roha ma nasida jala mangan minum di jolo ni Jahowa.+ Dibahen nasida ma muse si Salomo anak ni si Daud gabe raja. Jala dipillit nasida ma ibana gabe pamimpin di jolo ni Jahowa.+ Laos dipillit ma si Sadok gabe malim.+ 23 Dung i, hundul ma si Salomo di tahta ni Jahowa+ manggattihon si Daud bapakna. Marhasil do ibana jala sude do halak Israel mangoloi ibana. 24 Sude pejabat,+ tentara na jago,+ dohot sude anak ni Raja Daud+ tunduk do tu Raja Salomo. 25 Massai sangap do si Salomo dibahen Jahowa di jolo ni halak Israel. Jala ibana do na ussangap sian sude raja ni Israel andorang so ibana.+

26 Songon i ma si Daud anak ni si Isai mamaretta di saluhut luat ni Israel. 27 Saleleng 40 taon ma si Daud mamaretta halak Israel. Mamaretta do ibana di Hebron saleleng 7 taon,+ jala di Jerusalem saleleng 33 taon.+ 28 Dung i, mate ma si Daud. Ganjang do umurna+ jala sonang do dihilala ibana saleleng ni ngoluna. Mamora jala sangap do ibana. Dukkon i, si Salomo anakna ma na manggattihon ibana gabe raja.+ 29 Disurat si Samuel, Panurirang* Natan,+ dohot si Gad do sude na masa di ngolu ni Raja Daud mulai sian mulana sahat tu ujungna. Boi do si Samuel dohot si Gad+ mandapot parnidaan. 30 Disurat do muse taringot tu harajaon ni si Daud dohot huasona na balga. Jala disurat do muse taringot akka na masa di ngoluna, akka na masa tu halak Israel, dohot tu sude harajaon di sakalilingna.