Baa base i Mbôgi Yéhôva yon i yé base i maliga?

Inyuki bés Mbôgi Yéhôva di nkal le di yé bañga bikristen? Di béñge ngim mam di nhémle, i jôl di gwé li li mboñ le di ba maselna ni bana bape ni i gwéha di ñunda wada ni nuu.

1. Biniigana bi Mbôgi Yéhôva bi nlôl hee?

Yésu a bi kal le: ‘Bañga i Djob i yé maliga.’ (Yôhanes 17:17) Kiki Yésu, Mbôgi Yéhôva i niiga i mam ma mpémél ikété Bibel. Di béñge ñañ u Mbôgi Yéhôva i len ini. I nwii 1870, ndék bôt i bi kodba inyu yéñ maliga ikété Bibel. Ba bé wan Bibel inyu léba kii i niiga toi. Ba bi bôdôl hémle biniigana bi to ibale bi bé maselna ni i yom ba bi bôk ba nigil i bibase bipe. Hala a bi tinde bo i bôdôl niiga bôt bape i mam ba bé léba ikété Bibel.a

2. Inyuki di bi pohol jôl lini le Mbôgi Yéhôva?

Yéhôva a nsébél bagwélél bé le Mbôgi yé inyule ba niiga bôt maliga inyu yé. (Lôk Héber 11:4-​12:1) Kiki ’héga, i ngéda kôba, Yéhôva a bi kal litén jé le: “Ni yé mbôgi yem.” (Añ Yésaya 43:10.) Bibel i nsébél yak Yésu le “Mbokmbôgi nu maliga.” (Masoola 1:5) Jon ibôdôl i nwii 1931, di bi yoñ i jôl lini le Mbôgi Yéhôva. Di yé maséé i ngéda ba nsébél bés ni jôl li.

3. Lelaa Mbôgi Yéhôva i ñunda le i ngwés bôt kiki Yésu?

Yésu a bé gwés banigil bé kayéle ba bé kiki bôt bé ba lihaa. (Añ Markô 3:35.) Hala yak nyen Mbôgi Yéhôva i édi, i nkoñ ’isi wonsôna, ba yé lihaa jada. Inyu hala nyen di nséblana wada ni nuu le mankéé nu muda tole mankéé nu munlôm. (Filémôn 1, 2) Di nôgôl ki oda ini le: “Gwéha ntôñ u lôk kéé wonsôna.” (1 Pétrô 2:17) Mbôgi Yéhôva i ngwélél ngandak manjel inyu éba le i ngwés lôkisañ yap, kiki ’héga, ngéda bikuu bi nkwo, ba nhôla lôkisañ yap i nkoñ ’isi wonsôna.

KÔNDE TÉM

4. I mam di nhémle ma mpémél ikété Bibel

Yéhôva a bi bôk a legel le i dilo di nsôk, bôt ba ga tibil nok Bitilna. Añ Daniel 12:4 ni matila isi lipep, i mbus ni kwélél mbadga ini:

• Kii “i ga bôl” i litén li Djob mu kii b’a mba ba nke ni bisu i wan Bibel?

Béñge lelaa ndék bôt i i bé nigil Bibel i bé wan Bitilna, wada wap a bé le Charles Russell. Tuk VIDÉÔ, i mbus ni kwélél mbadga ini.

VIDÉÔ: Maliga ma ntiimba nene (7:45)

• Munu vidéô ini, lelaa Charles Russell ni banigil Bibel bape ba bé wan Bitilna?

Baa u yik laa?

Ngim mangéda, di yé di kodol i mam di bi bôk di niiga. Nlélém kiki mapubi ma kegla ma nkônde bai, hala nyen yak Djob a nhôla bés i kônde nok Bañga yé ndék ni ndék. (Añ Bingéngén 4:18.) To hala kiki Bibel i nhéñha bé, bés di nkodol i mam di nhémle inoñnaga ni kiki nogna yés i Bitilna i nkeñep.

5. Maboñok més ma nkiha ni jôl di gwé

VIDÉÔ: Jôl li ñéba bonjee di yé (2:56)

• Inyuki i jôl lini le Mbôgi Yéhôva li kôli?

Inyuki Yéhôva a bi pohol bôt ba binam le ba ba Mbôgi yé? Ba bé lama hôla bôt bape i yi le nyen a yé Bañga Djob, inyule ngandak bitembee i bi pôda i kolba nye. Di béñge bitembee biba.

Ngim bibase i niiga bôt bape le Djob a ngwés le ba gwélél bititii inyu bégés nye. Añ Lôk Lévi 26:1, i mbus ni kwélél mambadga mana:

• Bibel i niiga lelaa? Kii Yéhôva a nôgda i ngéda a ntehe bôt ba mbégés bisat?

Ngim baéga bibase i niiga le Yésu a yé Nyambe. Añ Yôhanes 20:17, i mbus ni kwélél mambadga mana:

• Bibel i niiga lelaa? Baa Nyambe bo Yésu ba yé nlélém mut?

• Kii u nôgda i ngéda u nyi le Yéhôva a bi ep Mbôgi yé inyu niiga bôt maliga inyu yé ni inyu Man wé?

6. Di ngwéhna bés ni bés

Bibel i nhégha hiki kristen ni bijô bi nyuu i mut. Añ 1 Korintô 12:25, 26, i mbus ni kwélél mambadga mana:

• Kii bañga bikristen i mboñ ngéda i nôgda le lôkisañ yap i nok ndutu?

• Mambe mam u ntehe ma ma ñéba le Mbôgi Yéhôva i ngwéhna?

I ngéda Mbôgi Yéhôva i nok ndutu ngim homa, lôkisañ yap i nkoñ ’isi wonsôna i mpala lona bo mahôla. Inyu tehe hihéga hiada, béñge vidéô, tuk VIDÉÔ. I mbus ni kwélél mbadga ini.

VIDÉÔ: Mbuk mbebi le Matthew a nhôñ i Haiti (5:29)

• Lelaa gwéha i Mbôgi Yéhôva i nene ngéda bikuu?

I SEM KWEP

Mbôgi Yéhôva i yé bañga bikristen. Di yé lihaa jada ikété nkoñ ’isi wonsôna, di nhémle i yom Bibel i niiga, di nhôla yak bôt i yi maliga inyu Yéhôva.

Mambadga ma mbigda

• Inyuki di bi yoñ i jôl lini le Mbôgi Yéhôva?

• Lelaa Mbôgi Yéhôva i ñéba le i ngwés lôkisañ yap?

• Baa u nhoñol le Mbôgi Yéhôva i yé bañga bikristen?

KÔNDE YÉÑ

Kônde yi bonjee di yé.

Mbôgi Yéhôva​—Hémle ni njel minson, Pes 1: Ba bi nyodi ikété jiibe (1:01:27)

Béñge lelaa Mbôgi Yéhôva i bi yelel bikwéha bi biniigana.

Litén li Djob li nti Jôl jé Lipém (7:08)

Léba mandimbhe mu mambadga u mbadba inyu Mbôgi Yéhôva.

“Mambadga bôt ba mbéna badba inyu Mbôgi Yéhôva” (Kee i jw.org)

Stephen a bé oo bôt ba gwé kôkôô ipe kayéle a bé bebee i nol bo. I yom a bi tehe ipôla Mbôgi Yéhôva i bi tinde nye i héñha.

“Ma vie allait de plus en plus mal” (La Tour de Garde, 1er juillet, 2015)