Buk isi lipep

b Behee, bikaat gwés bi bé bé bi nti bikristen makénd i ke i bisuklu bikeñi bihogi. Kii ’héga, i Nkum Ntat ni hop Pulasi le “ Parents : quel avenir voulez-vous pour vos enfants ? ”, nu a bi pam i hilo bisu hi sôñ Biôôm, nwii 2005, a bé pôdôl tjandi di nla boma i ngéda di nyéñ boñ ntandaa suklu. I manoodana ma, ma ngi yii. Ndi makidik i ke i suklu ikeñi tole heni ma mbéñge mut nyemede mede. Hiki kristen yon i nlama kit too i nke mu suklu i, tole heni. Ibale man a mpamnaga bé nwii i yoñ i makidik ma nyemede, isañ mbai tole nyañ mbai nyen a ga hôla nye i yoñ mo. Ndi ilole a nyoñ makidik, a nlama ndugi wan matiñ ma Bibel, a yoñ ki ngéda i ôt pék mu bisesema bi ga béda, a soohe Yéhôva le a hôla nye i yoñ makidik malam. Kristen ipe yo ki yo, to mañ wo ki wo u nlama bé kéés mankéé nu munlôm tole nu muda ibale a mpohol i boñ suklu ikeñi.​—Yakôbô 4:12.