DI NIÑIK KIKI BIKRISTEN
Niñ inyu bégés Yéhôva!
Niñ i yé tik likébla. Nya di ngwélél likébla li hiki kel, hala a ñunda ibale di ngwés jo. Kiki di yé Mbôgi i Yéhôva, di ngwélél ngap yés inyu ti Yéhôva lipém, inyule a yé lingen li niñ. (Tjémbi 36:10; Masoola 4:11) Ndi mandutu ma niñ ma di nkôhna munu béba nkoñ isi, ma nla tômbôs bés kayéle di bii mam ma mbuu i mbus. (Markô 4:18, 19) Hiki wada wés a nlama badba le: ‘Baa me nti toi Yéhôva tik yem gwom? (Hôséa 14:2) Hee bôlô yem ni njômbi yem bi nkena me? Mambee mam me nsômbôl yônôs i pes mbuu? Lelaa me nla kéñbaha nson wem inyu Yéhôva?’ Ibale u ntehe bahoma het u nla lona mahéñha, soohe Yéhôva, u boñ ki biliya inyu kogol jam li. Ibabé pééna, i bégés Yéhôva hiki kel i nlona maséé mu niñ yés!—Tjémbi 61:8.
Njee u nti tik yoñ gwom?
BEÑGE VIDÉÔ I GWÉ ÑO LE: GWÉLÉL NGAP YOÑ INYU SÉLÉL YÉHÔVA, MBUS TIMBHE MAMBADGA:
Inyuki mut nu a ngwélél ngap yé inyu nkoñ isi u Satan, a gwé bé pék? (1 Yôhanes 2:17)
Bimbe bisai bet ba nti Yéhôva tik yap gwom ba nkôhna?
Hee homa ikété nson u Djob u nla ba bebee i gwélél ngap yoñ ni likeñge joñ?