Baa ni gwé basañal ba tôbôtôbô ba nke sal biloñ bipe?

Ñ. To hee ba niñ, Mbôgi Yéhôva yosôna i noode bana libak li basañal ba tôbôtôbô ba nke sal biloñ bipe, tole di mboñ biliya kiki bo i tééne bôt ba di mboma likalô.​—Matéô 28:19, 20.

Ni ki le, Mbôgi Yéhôva ipe i nke yuuga tole i yén bahoma bôt ba gwé ngôñ emble ñañ nlam u nlôl i Bibel. Mbôgi Yéhôva ipe i nke biloñ bipe inyu kéñbaha nson wap likalô. Ba yé maséé i yônôs mbañ Yésu a bi ti le: “n’a ba ki mbôgi yem . . . letee ni masuk ma ’isi.”​—Minson mi baôma 1:8.

I ñwii 1943, di bi yibil ngim suklu i i niiga ndik ngim basañal ba tôbôtôbô ikété yés. Ibôdôl ha, iloo 8 000 Mbôgi Yéhôva i ma tagbe mu suklu i. Ba nsébél yo le suklu i Giléad.