Baa Mbôgi Yéhôva i neebe njôôñ yi ba nsébél le Créationnisme?

To. Mbôgi Yéhôva i nhémle le Djob a bi heg gwom gwobisôna. Ndi di neebe bé i jam njôôñ yi ba nsébél ni hop pulasi le Créationnisme i niiga. Inyuki? Inyule ngandak biniigana gwap bi kiha bé ni Bibel. Di wan tini dihéga diba:

1. Nom i dilo disamal di Djob a gwélél inyu heg gwom. Bôt ba njôôñ yi le créationnisme ba niiga le hiki hilo Djob a gwélél inyu heg gwom hi bi nom 24 ngeñ. Ndi, ini buk le “hilo” ikété Bibel i nla nom i ntandaa ngéda.​—Bibôdle 2:4; Tjémbi 90:4.

2. Ñwii mi hisi hiomede. Bôt ba njôôñ yi le créationnisme bape ba niiga le hisi hi ma nom ndigi ndék dikôô di ñwii. Ndi, inoñnaga ni Bibel, hisi ni ngiinda bi bi héga ilole dilo di Djob a gwélél inyu heg gwom di mbôdôl. (Bibôdle 1:1) Inyu hala nyen, Mbôgi Yéhôva i ntjél bé bañga minyiña mi bôt ba njôôñ yi mi mi nkal le hisi hi yé le hi bana didun ndi didun di ñwii.

To hala kii Mbôgi Yéhôva i hémle le gwom bi bi héga, di nkolba bé njôôñ yi. Di nhémle le bañga njôôñ yi i nkiha ni Bibel.