Baa Mbôgi Yéhôva i nhoñol le botama bon ba ga kôhna tohi?

To. Didun di bôt di bi niñ i ngéda kôba, di ga kôhna tohi to hala kiki di bé bé Mbôgi Yéhôva. Bibel i ntoñol le i mbok yondo Djob a mbôn bés, “bitugne gw’a ba inyu ba ba téé sép ni ba ba téé bé sép.” (Minson mi baôma 24:15) Jam lipe li yé le, ngandak bôt i i niñ len, i nla bôdôl gwélél Djob, yak bo ba kôhna tohi. To i ba yaga lelaa, bés bé bon di nkit njee a ga kôs tohi tole a ga kôs bé. Yésu nyetama nyen a gwé mbagi i moo mé.—Yôhanes 5:22, 27.