Kiki Manahen, bii mam ma mbuu bisu

Manahen a bé mukété lôk kéé i i bé éga likoda li Antiôkia i hiai bisu. A “bi boñ suklu ni ñane nkoñ le Hérôdé.” (Minson mi baôma 13:1) A bi boñ suklu ikeñi, a nigil ngandak mam; i nene le yak lihaa jé li bé ngwañ.

Tolakii Manahen a bi boñ suklu ikeñi, lihaa jé li ban-ga moni, a bi pohol maada mé ni Yéhôva: a yila kristen, a sal ki ni ngui inyu likoda. A bi gwélél bé yi yé i suklu, to i libak lini le a nyi bañga bôt inyu boñ le nyemede a ba bañga mut. Ndi a bi pohol i gwélél lôk kéé yé i bôlôm ni i bôda.

Ndémbél i Manahen i niiga bés le i jam li nlôôha ba nseñ i niñ li yé le di gwélél Yéhôva. Di yéñ bañ i ba bañga mut munu nkoñ ’isi unu. Kiki Manahen, mam ma mbuu mon di bii i bisu iloo mana mam mape. (Matéô 6:33) Jam lipe li yé le, to ibale di ndiihe suklu ngandak, di gwé ngôñ i “wan mambe mam ma nlôôha ba nseñ” ni i yoñ yihe le mana mam més mape ma kéñ bañ bés i gwélél Yéhôva.​—Filipi 1:​9, 10.