Lelaa u nla tibil nok dihéga di Bibel?

Bibel i nsima ngandak dihéga. Ndi ngandak basoñgol Bibel i gwé ndutu i nok tjo. (Matéô 13:13) Kii i nla ni hôla we i nok dihéga Bibel i ngwélél? Noode noñ i mam mana:

• Yéñ yi kii i yé ño nkwel ni kii i yé titii. Dihéga di mbéna gwélél ngim titii inyu toñol ño nkwel. Kii ’héga, Masoola 3:3 a nhégha malo ma Yésu (ño nkwel) ni malo ma mut wip (titii).

• Béñge maada ma yé ipôla ño nkwel ni titii. Yéñ yi inyuki ba ngwélél i titii i inyu toñol ño nkwel ni mambe maada ma yé ipôla yap.

• Tibil nok kii hihéga hi niiga. To ibale mut a nyi maada ma yé ipôla ño nkwel ni titii, a nla bep nok hihéga hi ngwéélana. Hihéga hi Masoola 3:3 di mbôk di sima hi nkobla bé le Yésu a ga lo i nip ngim yom. Ndi Bibel i nyéñ ndik kal hana le Yésu a ga lo kiki mut wip i nya i yé le a ga lôl i ngeñ bôt ba nyi bé, ni i ngeñ bôt ba ga bem bé le a nlo.