DI NIÑIK KIKI BIKRISTEN
Lédés hémle yoñ inyu Bibel
Bibel i nla héñha niñ yés. (Lôk Héber 4:12) Ndi inyu tibil ôt nseñ ni maéba mé, di nlama ba nkwoog nkaa le i yé toi “bañga i Nyambe.” (1 Tésalônika 2:13) Lelaa di nla lédés hémle yés inyu Bibel?
Añ pes yada hiki kel. Mu kiki u ñañ, yéñ ngim mam i i nkwés we nkaa le Bibel i yé toi Lipôdôl li Yéhôva. Kiki ’héga, añ maéba ma yé i kaat Bingéngén, u yimbe le maéba mé ma yé nseñ inyu bôt ba binam to imbe ngéda.—Bingéngén 13:20; 14:30.
Pohol ngim ñañ u Bibel, u boñ nyiña mu. Kônde ba nkwoog nkaa le Bibel i yé toi Lipôdôl li Djob. Kee munu sélél ini le Ñéga inyu nyiña u bikaat bi Mbôgi Yéhôva, kee i ño nkwel le “Bibel”, i mbus kee i homa nunu le “I nlôl ni Nyambe.” U nla ki ba nkwoog nkaa le nwin u Bibel u bi héñha bé ibale u nke i Apendice A3 i Ngobol mbok yondo.
BÉÑGE VIDÉÔ I GWÉ ÑO LE INYUKI DI NHÉMLE . . . BAÑGA I DJOB, I MBUS TIMBHE MAMBADGA MANA:
Lelaa matila ba bi léba i libap li ndap i témpel i Karnak, i loñ Égiptô, ma ñéba le Bibel i mpot maliga?
Lelaa di nyi le nwin u Bibel u bi héñha bé?
Bôt ba bi noode tjé Bibel ndi i bi pei, lelaa hala a ñéba bés le Bibel i yé toi Lipôdôl li Djob? —Añ Yésaya 40:8