Yéhôva a nsôñ bagwélél bé

Pasa i bisu i bééna mahee ngandak. Ngéda Faraô a bi tehe le man wé nu bisu a nwo, a bi kal Môsi le: “Telbana, nyodna munu loñ yem, bébomede, yak ni bon ba Israel; ken-gana, gwéélaga Yéhôva kikii ni bi kal.” (Manyodi 12:31) Yéhôva a bi unda kel i le a nsôñ litén jé.

Yak ngéda di nok miñañ mi litén li Yéhôva i len ini, di ntehe le Yéhôva a nke ni bisu i éga bo ni i tat bo. I jam li jon litéédana li tik gwom li hikuu hikeñi hi Mbôgi Yéhôva li ñéba. Li gwé jôl le: “Litén inyu jôi li Yéhôva.”

BÉÑGE VIDÉÔ I GWÉ ÑO LE MAYUUGA MA LITÉÉDANA LI TIK GWOM I WARWICK: “LITÉN INYU JÔI LI YÉHÔVA,” I MBUS TIMBHE MAMBADGA MANA:

• 

  Imbe sélél i mondo banigil Bibel ba bi gwélél i nwii 1914 inyu lédés hémle yap? Mambe matam malam i sélél i, i bi lona?

• 

  Mambe mandutu ma bi pémél bilôk bikéé i nwii 1916 ni i nwii 1918? Lelaa hala a bé éba le Yéhôva a bé éga litén jé?

• 

  Lelaa litén li Yéhôva li bi téñbe ni hémle yé tolakii li bé boma ngolba?

• 

  Imbe nogna mondo litén li Yéhôva li bi kôhna inyu Bibel i nwii 1935, mambe mahéñha nogna i, i bi lona?

• Ibale u ma yuuga litéédana li tik gwom li, kii u bi tehe nyoo i i bi kwés we nkaa le Yéhôva a ñéga litén jé, a tadak ki jo?