A bagwal, boña kii yosôna ni nla le bon banan ba hol i pes mbuu

Bagwal ba ba nkon Yéhôva woñi ba gwé ngôñ le bon bap ba yila bañga bagwélél ba Yéhôva. Ba nla boñ hala ngéda ba niiga bon bap maliga ibôdôl bo boñge batitigi. (Ndiimba Mbén 6:7; Bingéngén 22:6) Baa hala a mbat bisesema? Ntiik. Ndi biliya bi nson u bi yé mahee.​—3 Yôhanes 4.

Bagwal ba nla ôt ngandak biniigana mu ndémbél Yôsep bo Maria. Ba ‘bééna lem i ke hiki nwii i Yérusalem inyu ngand Pasa,’ to hala kiki hala a bé bat ngandak biliya ni moni. (Lukas 2:41) I nene le ba bé bii mam ma mbuu bisu mu lihaa jap. Nlélém, i len ini bagwal ba nla unda bon bap loñge njel ngéda ba ngwélél pôla yosôna inyu niiga bo ni njel bipôdôl gwap ni ndémbél yap.​—Tjémbi 127:3-5.

BÉÑGE VIDÉÔ I GWÉ ÑO LE BA BI GWÉLÉL PÔLA YOSÔNA I BÉ NENE, I MBUS TIMBHE MAMBADGA MANA:

• Lelaa Jon bo Sharon Schiller ba bi waa bé bii gwéñe bi Ane bisu nlélém ngéda ba bé néñés bon bap?

• Inyuki bagwal ba nlama niiga, éga ni kodol hiki man inoñnaga ni jam li mbéda nye?

• Lelaa bagwal ba nla kôôba bon bap i kolba manoodana ma ma ntihba hémle yap?

• Bimbe bisélél bi ntôñ Yéhôva u bi gwélél inyu hôla bon boñ i hol i pes mbuu?