Miño mi minkwel

Makak mañen u ma ti Yéhôva? Jada, ima, tole iloo ha? Baa u nhoñol le u mboñ biliya gwoñ gwobisôna inyu nyônôs mo? Ndi lelaa inyu likak joñ i ti wemede nkikip yak Djob, tole li u kégél sobiina woñ? I yigil ini i mbigda bés mandémbél malam ma Yéfta ni Hana ma ba bi yigle bés, inyu hôla bés i tibil yônôs mimbônga nwés di bi kégél Djob.

Di mbéna hoñol mam Yéhôva a ga ti bés i Paradis, ndi munu yigil ini, di ga pôdôl i mam a’ héya. Kii Yéhôva a ga héya inyu téé nkoñ isi u nsañ ni maséé? Ôt pék mu ndimbhe i i ga lédés hémle yés ni makidik més i hônba.

Ngéda di nhoñol le ba ma bôñôl bés mam ma téé bé, tole di ma tehe hala inyu bôt bape, hémle yés, suhulnyu yés ni ndéñbe yés bi nla wéna. Gwigil bini bi ga wan miñañ mi Bibel maa mi mi ga hôla bés i bana litehge li telepsép li Yéhôva.

Yéhôva a yé Djob li li yôni; ndi a nkon maséé i yimbe le di nyamnda ni ngôñ i nit kahap yé. Kaat Bakéés pes 4 ni 5 i ñunda lelaa Yéhôva a nok maséé ngéda di nti bésbomede ni ngôñ inyu noñ maéba mé.