Miño mi minkwel

Inyule di bi kôdôl libak li kwéha, di yé nkwoog nkaa le di ga boma mandutu ma ma ga nôgha bés njôghe. I yigil ini, i ga unda bés lelaa di nla gwélél matiñ ma Bibel inyu sañgal ngimanôgla ni bôt bape.

I yigil ini, i ñunda le, i len ini ikété nkoñ isi, Mbôgi Yéhôva yotama yon i nyônôs mbañ i Yésu di nléba i kaat Matéô 24:14. I ntoñol kii i yila balop bôt i nkobla.—Matéô 4:19, MN.

Ngéda u nyoñ makidik moñ, baa u mboñ ndigi i jam u nhoñol le i yé loñge i mis moñ? Tole baa u mbat bôt bape kii ba yé le ba boñ? I yigil ini, i ntoñol inyuki di nla yoñ makidik malam ngéda di nwas le mahoñol ma Djob mon ma ba jam li bisu inyu éga bés.

Baa ni nôgda bé le, i hôlôs bilem bi mbuu nano i nlet iloo mahéñha ma ngui di bi boñ ilole di nkôs sôble? I yigil ini, i ntoñol inyuki hala a nlet ni lelaa di nla ke ni bisu i numus bilem bilam bi mbuu ni mahôla ma Bañga i Djob.

I yigil ini, i nsoolene bés hiandi hiada hi hi nla boñ bés le di les nseñ u bijek bi mbuu. Di ga tehe lelaa di nla keñgle i hiandi hi, di ga nigil ki lelaa di nla ôt nseñ ni bijek bi mbuu gwobisôna di nla bana.