Mamélél

Baa u ngi hoñlak mangéda malam u bi tégbaha ipôla Mbôgi Yéhôva? Bebeg le, u nhoñol yigil i likoda, i i bi ti we makénd; tole likoda likeñi, li li bi lôôha lémél we. Bebeg ki le, u nhoñol maséé u bé kôhna i likalô, tole minkwel minlam u bé bana ni bilôk biké. U nhôya bé Yéhôva. To Yéhôva, a nhôya bé we. A ñwemla ngéda a nhoñol loñge nson u bi sal. A gwé ki ngôñ i hôla we i témb i nyeni.

Nwet le Yéhôva a nkal le: “M’a tôñ ni mintômba nwem, memede m’a yéñ ki nwo. Kikii ntééda mintômba a ntoñ bémba yé kel a yé ikété mintômba nwé mi mi mal tjama, hala nyen m’a toñ mintômba nwem ni pagal ki nwo hiki homa mi bi sénda [tole tjama].”​—Ezékiel 34:11, 12.