Léta i Juu li Bakena Ntôñ

A bilôk bikéé bi gwéha bi bôda ni bi bôlôm:

Ikété ngandak biloñ ni ikété ngandak dilémb ni nkoñ isi woñsô, Nkum ntat a gwé, ibôdôl ndék ñwii nano, miñañ mi mondo mi mi gwé ño le “Ni kôna hémle yap.” I kaat ini, i nyilha miñañ mi bôt ba kôba yômi; i nhôla ki bés i hégda lelaa i bé ndutu inyu yap i bana hémle i ngui ha ngéda yap, i bisu bi manoodana ni mandutu. Lelaa basoñgol ba Nkum ntat ba bi leege miñañ mini?

Yigil yada i bé pôdôl Marta. Nsoñgol wada a nkal le: “Me bi nol hiol ngéda me bi añ ñañ u Marta inyule me ni nye, di yé nlélém! Me ngwés me leege bakén. Ndi ngim mangéda, me yé me hôya le i mbéda le me nwas bibôlô gwem inyu kwel ni bakén bem.” Ngéda a bi mal añ ñañ u Ester, mañge wanda wada a bi ôt biniigana bini le: “I yé maliga le jam li mahabga li nla pala yila bés nkôô i kiñ. To hala kiki di nyéñ haba loñge, di nlama yi minwaa nwés.” I mañge wanda nu, a nkônde kal le: “I mis ma Yéhôva, mut kété nyen a yé nseñ.” I Yigil i bi pôdôl ñôma Pétrô i bi tinde mankéé nu muda wada i pot ni makénd le: “Ñañ u, u bi tihba me ngandak. A yé wengoñle me bé ha ngéda yap. Me bi noode hégda yak mam ñañ u nkal bé mpaha inyu yap.”

Ngandak basoñgol i bi unda maséé map inyu ño kwel unu le: “Ni kôna hémle yap.” Bikaat bi basoñgol bana, bi nkônde yigye bibañga bi ñôma Paul le: “Mam ma bôk tilba ngéda bisu, momasôna ma tilba ndik le di kôs maéba mu.” (Rôma 15:4) I miñañ Yéhôva a bi ha ikété Bibel, mi nti bés biniigana bi bi yé bés nseñ. Bés bobasôna, to ibale di yé ikété maliga ibôdôl kôba, di nla ôt biniigana mu ndémbél yap.

Letee ni nano, miñañ mi, mi bak bé ni hop Basaa. Di yé maséé i pémés nwo nano munu kaat ini. Di nti we makénd i añ kaat ini ibabé lep ngéda. Ha yo ikété yigil i ndap yoñ lihaa, bon boñ ba ga kon maséé. U tôlôk bañ likoda ngéda di mba di nigil kaat ini. Yoñ ngéda i añ yo. Sélés boña woñ, ha ñem woñ mu. Noode nôgda mahoñol ma bôt ba yé munu kaat ini, noode tehe mam ba bi tehe. Hégha maboñok map ngéda mam ma bi pémél bo, ni maboñok moñ ibale nlélém jam u mpémél we.

Di yé maséé ngandak i ti bé i kaat ini. Di gwé botñem, a bilôk bikéé bi bôda ni bi bôlôm le, i kaat ini i ga hôla bé ni mahaa manan. Di ngwés bé ngandak.

Juu li Bakena Ntôñ u Mbôgi Yéhôva