Yigil 9

Bagwélél ba Djob ba nlama ba mapubi

Inyuki di nlama ba mapubi manjel momasô? (1)

Ki i nkobla le mapubi ma mbuu? (2) mapubi ma bilem? (3) mapubi ma mahoñol? (4) mapubi ma nyu? (5)

Kinje bipôdôl bibe di nlama keñgle? (6)

1. Yéhôva Djob a yé mapubi a bag ki nu mpubi. A mbem le babôñôl bé ba ba mapubi—i mbuu, i bilem, i mahoñol, ni i manyu map. (1 Pétrô 1:16) Hala a mbat ndun ngandak i yén mapubi i mis ma Djob. Di niñil i nkoñ isi u nyega. Di gwé ki le di jôs ngôñ yés i béba sañ. Ndi di nlama bé waa.

2. Mapubi ma mbuu: Ibale di ngwés gwélél Yéhôva, di nla bé tééda biniigana to bilem bi base i bitembee. Di nlama pam i base bitembee ni tjél nit yo njel yo ki yo. (2 Korintô 6:14-18; Masoola 18:4) Ngéda di mal nigil maliga inyu Djob, di nlama yoñ yihe le baniiga bitembee ba yumus ha bañ bés.—2 Yôhanes 10, 11.

3. Mapubi ma bilem: Yéhôva a ngwés le bagwélél bé ba ba bikristen bi maliga ngéda yosô. (1 Pétrô 2:12) A ntehe hiki jam di mboñ, to i bisôsôli. (Lôk Héber 4:13). Di nlama keñgle ndéñg ni maboñog ma nyega mape ma nkoñ isi.—1 Korintô 6:9-11.

4. Mapubi ma mahoñol: Ibale di nyônôs bés bomede ni mahoñol mapubi, yag bihiumul gwés bi ga ba mapubi. (Filipi 4:8) Ndi ibale di kida i mam ma nyega, hala a ga gwal ndig bibôñôl bibe. (Matéô 15:18-20) Di nlama keñgle mintug mi mi nla hindis mahoñol més. Di yé le di yônôs ñem wés ni mahoñol ma mapubi ngéda di nigil Bañga Djob.

5. Mapubi ma nyu: Hala kii ba yé bakenwin ba Djob, bikristen bi nlama tééda manyu map ni mbot yap mapubi. Di nlama jôa moo més ibale di bag i mahindi, di nlama ki jôa moo més ilole di nje to tihba bijek. Ibale u gwé bé loñge lug, u nlama jô mahindi moñ isi. (Ndiimba Mbén 23:12, 13) Mapubi ma nyu ma nlona mbôô. Ndap i kristen i nlama ba mapubi ikété ni mbédgé. I nlama ba ndémbél i mapubi ikété libôga li a yiine.

6. Mapubi ma bipôdôl: Bagwélél ba Djob ba nlama pot maliga ngéda yosôna. Bôt ba bitembee b’a jôp bé i Ane Djob. (Efésô 4:25; Masoola 21:8) Bikristen bi mpot bé mam ma nyega. Ba ñemble bé ndi to pot mpuñgu, to miñañ mi mahindi. La kii ba mpot bé mam ma mahindi, ba yé mahéñha ni bôt bape i homa bôlô, i suklu, ni homa ba ôñne.—Efésô 4:29, 31; 5:3.

[Bititii i mapep 18, 19]

Bagwélél ba Djob ba nlama ba mapubi i manjel momasô