SAKARIA

1 I sôñ i nyônôs juem mu nwii mi nyônôs ima mi ane Darius,+ Yéhôva a bi pôdôs mpôdôl wé Sakaria,*+ man Bérékia, man Idô, a kal nye le: 2 “Yéhôva a bi lôôha unbene basañ banan.+

3 “Kal bo le: ‘Lana nyen Yéhôva nu mintôñ mi ngwét a nkal: “‘Ni témb i meeni,’ hala nyen Yéhôva nu mintôñ mi gwét a mpot, ‘ndi m’a témb i bééni,’+ hala nyen Yéhôva nu mintôñ mi gwét a nkal.”’

4 “‘Ni yila bañ kiki basañ banan, ba bapôdôl ba ngéda kôba ba bi kal le: “Lana nyen Yéhôva nu mintôñ mi gwét a nkal: ‘Soho, ni tjôô bilem binan bibe* ni maboñok manan mabe.’”’+

“‘Ndi ba bi nôgôl bé me, ba emble bé to me,’+ hala nyen Yéhôva a mpot.

5 “‘Basañ banan ba yé ni hee i len ini? Baa bapôdôl ba bi niñ i boga ni boga? 6 Ndi bibañga gwem ni matéak mem, bi me bi legel ni njel bagwélél bem le bapôdôl, baa basañ banan ba bi tehe bé kiki bi bi yon?+ Jon ba bi témb i meeni, ba kal le : ‘Yéhôva nu mintôñ mi gwét a bi boñ bés inoñnaga ni bilem gwés yak ni maboñok més, ñ, hala yaga nyen a bi kit le a mboñ bés.’”+

7 I nwii mi nyônôs 2 mi ane Darius,+ i hilo hi nyônôs 24 hi sôñ i nyônôs 11, hala wee i sôñ Sébat,* Yéhôva a bi pôdôs mpôdôl Sakaria, man Bérékia, man Idô, a kal nye le: 8 “Me bi tehe yiinda juu. Mut wada a bé a yii i ngii kôyôp hosi, a bé a téé ipôla bie bi myrte nyoo isi hikôa; bakilhosi ba bé i mbus yé, ba bak i ngii bihosi bi bi nkôyôp, ni bihosi bi bi yé minik-minik, lôñni bihosi bi bi yé puba.”

9 Jon me bi bat le: “A Nwet wem, i bakilhosi bana ba yé bonjee?”

I añgel i bé kwel ni me i timbhe me le: “M’a unda we bonjee i bakilhosi bana ba yé.”

10 I mbus, i mut a bé a téé ipôla bie bi myrte a kal le: “I bakilhosi bana bon Yéhôva a ñep le ba kiiña mu hisi.” 11 Ha nyen bakilhosi ba bi kal añgel i Yéhôva le: “Di mal kiiña mu hisi hiosôna, ndi nun-ki! Hisi hiosôna hi yé nwee, hi bak ki ikété nsañ.”+

12 Jon añgel i Yéhôva i bi kal le: “Éé a Yéhôva nu mintôñ mi gwét, letee ni ngéda mbe u ga tjél kônôl Yérusalem ni bitison bi Yuda ngoo,+ bi u bi unbene ngandak munu 70 ma nwii mana?”+

13 Yéhôva a timbhe i añgel i bé kwel ni me ni bibuk bilam lôñni bibuk bi ntina hogbe. 14 Ha nyen i añgel i bé kwel ni me, i kal me le: “U nlama pot makeñi le: ‘Lana nyen Yéhôva nu mintôñ mi gwét a nkal: “M’a sôñ yaga Yérusalem ni Siôn bañga lisôñôk.+ 15 I biloñ bi niñ nwee,+ me ñunbene yaga gwo bañga bañga, inyule me bé yéñ ndik le me kogse litén jem ndék,+ ndi biloñ bipe gwo bi bi lôôha tét jo.”’+

16 “Lana ni nyen Yéhôva a nkal: ‘“M’a tiimba kon Yérusalem ngoo,+ nyoo ki nyen ba ga ôñôl me ndap;+ inyu hek Yérusalem, ba ga gwélél nkôô,”+ hala nyen Yéhôva nu mintôñ mi gwét a mpot.’

17 “Kônde ki pot makeñi, u kal le: ‘Lana nyen Yéhôva nu mintôñ mi ngwét a nkal: “Bitison gwem bi ga tiimba ki bana ngandak gwom bilam, yak Yéhôva a ga témb a hôgbaha Siôn,+ a tiimba ki pohol Yérusalem.”’”+

18 I mbus, me bi pa mis, me tehe bitoñ bina.+ 19 Jon me bi bat i añgel i bé kwel ni me le: “I bitoñ bini bi yé kii?” Añgel i timbhe me le: “I bitoñ bini bi yé mimpémba mi biloñ mi mi bi boñ le Yuda,+ Israel+ ni Yérusalem+ ba tjama.”

20 I mbus ha, Yéhôva a unda me baôô gwom ba-na. 21 Me bat le: “I bôt bana ba nlo i boñ kii?”

A kal me le: “I bitoñ bini bi yé mimpémba mi biloñ mi mi bi boñ le Yuda a tjama kayéle mut nye ki nye a bé la ha bé pa ño. I bôt bana bon ba ga lo inyu kônha bitoñ bi biloñ woñi, inyu bôk bitoñ bi biloñ bi bi bé pa bitoñ gwap inyu kolba loñ Yuda, kayéle bi boñ le Yuda a tjama.”

2 Me bi pa mis i ngii, me tehe mut a bééna nkôô mu woo wé inyu hek gwom.+ 2 Me bat nye le: “U nke hee?”

A timbhe me le: “Me nke i hek Yérusalem, inyu yi pôk yé ni bibôñgô gwé.”+

3 I ngéda i añgel i bé kwel ni me i bé ke, añgel ipe i lo i boma yo. 4 Ha nyen i añgel ini i bi kal ii añgel ipe le: “Pala ke nyoo, kal i mañge munlôm nu le: ‘I bôt bobasôna ba ga yééne i Yérusalem+ ni bilém gwobisôna bi ga ba mu, ba ga ba ngandak kayéle tison i ga ba kiki nahap mbok.*+ 5 M’a yila lipénd li hié mu mapañ ma tison momasôna,+ m’a yônôs ki yo ni lipém jem,’+ hala nyen Yéhôva a mpot.”

6 “Lona! Lona! Ni so, ni nyodi nyoo loñ i pes ñombok,”+ hala nyen Yéhôva a mpot.

“Inyule me bi tjam bé mu makas mo ma-na ma nkoñ ’isi,”*+ hala nyen Yéhôva a mpot.

7 “A Siôn, loo! A we nu u nyééne yak ngond Babilôn, so!+ 8 Inyule i ngéda Yéhôva nu mintôñ mi gwét a bi mal kôhna lipém, a ep me nyoo i biloñ bi bi yoñ gwom binan gwobisôna,+ a bi kal lana le: ‘I mut a ntihba bé, wee a nha me hinoo i jis.*+ 9 Inyule nano, m’a sambal woo wem inyu kolba bo; i bôt ba bé minkol nwap bon b’a yoñ gwom gwap gwobisôna.’+ Ha nyen ni ga yi toi le Yéhôva nu mintôñ mi gwét nyen a bi ep me.

10 “A ngond Siôn! Leñ diléla,+ inyule me yé i lo;+ m’a yééne ki i ñemkété woñ,”+ hala nyen Yéhôva a mpot. 11 “Ngandak biloñ i ga lo yak Yéhôva i kel i,+ bi ga yila litén jem; m’a yééne ki i ñemkété woñ.” Ha nyen ni ga yi toi le Yéhôva nu mintôñ mi gwét nyen a bi ep me i bééni. 12 Yéhôva a ga yoñ Yuda le a yila ngaba yé mu hisi hipubhaga, a ga tiimba ki pohol Yérusalem.+ 13 A bé bôt ba binam bobasôna,* ni mom nwee i bisu bi Yéhôva, inyule a nlôl i liyééne jé lipubi inyu yônôs sômbôl yé.

3 I mbus, a unda me prisi keñi le Yôsua,+ i i bé i téé i bisu bi añgel i Yéhôva, ndi Satan+ a bé a téé i pes yé walôm inyu kolba nye. 2 Ha nyen añgel i Yéhôva i bi kal Satan le: “A Satan,+ Yéhôva a kogse we! Ñ, Yéhôva nu a mal pohol Yérusalem,+ a kogse we! Baa i Yôsua nunu a ta bé kidik hié i i nloñ, i ba nhéya i juu?”

3 Ndi Yôsua a bé a hééba mambot ma ma bé mahindi ngandak. A bé a téé i bisu bi añgel. 4 Añgel i kal i bôt ba bé ba téé nye i bisu le: “Ni héya nye mambot mé ma mahindi.” I mbus, añgel i kal nye le: “Nun-ki! Me mal sas hihôha* hioñ, u ga haba ki mambot malam.”*+

5 Jon me bi kal le: “Ba ha nye yañsi i mpôp i ngii ño.” Ha+ nyen ba bi ha nye yañsi i mpôp i ngii ño, ba ha ki nye mambot; yak Añgel i Yéhôva i bé i téé nye ipañ. 6 I mbus, añgel i Yéhôva i kal Yôsua le: 7 “Lana nyen Yéhôva nu mintôñ mi gwét a nkal: ‘Ibale u mboñ i mam me nkal we,* u tibil ki gwel minson me nti we, ha nyen u ga kéés litén jem,*+ u tééda* yak bikotoo gwem. M’a ti ki we kunde i lo i bisu gwem, nlélém kiki bana bape ba téé hana.’

8 “‘A we prisi keñi le Yôsua, yak bé biprisi* ba ni yii i bisu gwé, soho emblana, inyule ni ga ba yimbne i mam ma ga yik lo; nuna-ki! Me yé i unda bé ngwélél wem+ nu ba nsébél le Pom!+ 9 Ni béñge ngok me mbii i bisu bi Yôsua! I ngok ini i gwé mis masaambok; m’a kédél ki matila mu ngii, m’a yoñ ndik kel yada inyu sas béba i loñ ini,’+ hala nyen Yéhôva nu mintôñ mi gwét a mpot.

10 “‘I kel i, hiki wada nan a ga naña mut wé libôk isi nkôô wé wai ni isi e yé faigé,’+ hala nyen Yéhôva nu mintôñ mi gwét a mpot.”

4 Añgel i i bé kwel ni me i bi tiimba lo, i tôdôl me kiki ba ntôdôl mut a nke ’ilo. 2 Ha nyen añgel i bat me le: “Kii u yé i tehe?”

Me kal yo le: “Me yé i tehe tééne bilambe, yosôna i yé ni gôl,+ i gwé ki pan mu ngii yé. Tééne bilambe i gwé bilambe bisaambok mu ngii yé,+ ñ, bisaambok; bilambe bi bi yé i ngii yé bi gwé bon ba minkoñ basaambok. 3 Bie bi ôlivé biba bi yé ipañ tééne bilambe,+ yada i pes walôm i pan, ii ipe i pes waé i pan.”

4 I mbus, me bat i añgel i bé kwel ni me le: “A nwet wem, i mam mana ma nkobla le kii?” 5 Jon i añgel i bé kwel ni me i bat me le: “Baa u nyi bé kii i mam mana ma nkobla?”

Me timbhe yo le: “To, a nwet wem.”

6 Añgel i kal ni me le: “Lana nyen Yéhôva a nkal Sôrôbabel: ‘“I mam mana momasôna ma ga bôña bé ni ngui i mintôñ mi gwét, to ni lipémba li bôt ba binam,+ ndi ni mbuu wem,”+ hala nyen Yéhôva nu mintôñ mi gwét a nkal. 7 A hikôa hikeñi, u yé njee? I bisu bi Sôrôbabel,+ u ga yila tegep mbok.*+ I ngéda a ga lona ngok i mélés maoñ,* ba ga leñ diléla, ba kalak le: “Kinje bilama! Kinje bilama!”’”

8 Yéhôva a témb a pôdôs me, a kal le: 9 “Moo ma Sôrôbabel mon ma bi tek hikuu hi ndap ini,+ moo mé ki mon ma ga mélés i ndap ini.+ Ha nyen ni ga yi toi le Yéhôva nu mintôñ mi gwét nyen a bi ep me i bééni. 10 Inyule njee a bi yan i mam mana i ngéda ma bi bôdôl ndék ni ndék?*+ Ñ, ba ga kon maséé i ngéda ba ga tehe nkôô lipidô* i woo u Sôrôbabel. I mis masaambok mana ma yé mis ma Yéhôva ma ma mbéñge* hisi hiosôna.”+

11 I mbus ha, me bat añgel le: “Bini bie bi ôlivé biba bi bi yé ipañ tééne bilambe, yada i pes yé walôm, ii ipe ki i pes yé waé, bi nkobla le kii?”+ 12 Me tiimba bat añgel le: “Mintjep* mi bie bi ôlivé nwo ima, mi mi nkôp môô ma ma mpôna gôl, ma tagbenege mu minkoñ mi gôl ima, mi nkobla le kii?”

13 Ha nyen añgel i bi bat me le: “Baa u nyi bé kii i mam mana ma nkobla?”

Me timbhe le: “To, a nwet wem.”

14 Añgel i kal me le: “I mam mana ma yé yimbne i minhook ima mi mi téé ipañ Nwet nu hisi hiosôna.”+

5 I ngéda me bi témb me pa mis, me tehe nhôôk kaat u u mpuue. 2 Añgel i bat me le: “Kii u yé i tehe?”

Me timbhe yo le: “Me yé i tehe nhôôk kaat u u mpuue, u ñap 20 ma dikéñéé di moo,* pôk yé i bak 10 li dikéñéé di moo.”

3 Ha nyen añgel i bi kal me le: “I nhôôk kaat unu u gwé ndiihe i i yé i tjama ni hisi hiosôna. Inyule bôt ba wip+ ba nkôhna bé kogse, ki le i yé ntilga mu mbus ilam i nhôôk kaat le wip u yé ntiihege; to bôt ba nkum soñ i bitembee+ ba nkôhna bé kogse, ki le i yé ntilga mu mbus ibe i nhôôk kaat le i kum soñ i bitembee i yé ntiihege. 4 Lana nyen Yéhôva nu mintôñ mi gwét a mpot: ‘Me mal ep i ndiihe ini, i ga jôp ikété ndap i mut wip ni ikété ndap i mut a nkum soñ i bitembee i jôl jem. Ndiihe i ga yén mu ndap i, i tjé yo, i tjé ki bikék gwé ni ngok yé.’”

5 I mbus, i añgel i bé kwel ni me, i tiige bebee, i kal me le: “Soho pa mis, beñge yom i yé i lo.”

6 Me bat yo le: “Kii i?”

Añgel i timbhe me le: “Sel éfa* yon i yé i lo.” Añgel i kal ki le: “Lana nyen bibéba bi bôt bi nkoñ ’isi wonsôna bi yé.” 7 Ha nyen me bi tehe ba mpa ngudul lipidô i i yé ngiiña, muda a bé a yii mukété sel. 8 Añgel i kal ni me le: “Jôl li muda nunu le Béba.” Ha nyen añgel i bi nyos muda ikété sel; i mbus, i yip sel ni ngudul lipidô i i nyét.

9 Me pa ki mis, me tehe bôda iba ba nlo; mbebi i bé pa bo. Ba bééna bipapai kiki bipapai bi nyodol lom. Ba pa sel ipôla ngii ni ’isi. 10 Ha nyen me bi bat i añgel i bé kwel ni me le: “Hee ba yé i kena sel?”

11 Añgel i timbhe me le: “Ba yé i kena sel i loñ Sinar.*+ Nyoo nyen ba ga ôñôl i muda nu ndap. I ngéda ba ga mal oñ ndap yé, ba ga suha nye i homa a nlama ba.”

6 Me bi pa ki mis, me tehe bikak bi gwét bina bi bi bé lôl ipôla dikôa diba; dikôa di bé ni mamuna. 2 Bikôyôp bi bihosi gwon bi bé ôt kak gwét i bisu, bihinda bi bihosi bi ôdôk kak gwét i nyônôs iba.+ 3 Bipuba bi bihosi gwon bi bé ôt kak gwét i nyônôs aa, bihosi bi bi gwé maton ni mabéé+ bi ôdôk kak gwét i nyônôs ina.

4 Me bat añgel i i bé kwel ni me le: “A Nwet wem, i bikak bi gwét bini bi yé kii?”

5 Añgel i timbhe me le: “Bi yé bihégél bi mbuu+ bina bi ngii, bi bi mpémél nyoo i homa bi bak bi téé i bisu bi Nwet nu hisi hiosôna.+ 6 I kak gwét bihinda bi bihosi bi ñôt, i nke i pes ñombok;+ bipuba bi bihosi bi nke nyoo uu ngwañ tuye, yak bihosi bi bi gwé maton ni mabéé bi nke i pes nwelmbok i loñ. 7 I bihosi bi gwé mabéé bi bé nyamnda ni ngôñ i pam, le bi kiiña inyu béñge hisi.” I mbus, añgel i kal le: “Ni kee, ni kiiña inyu béñge hisi.” Ha nyen bi bi ke, bi kahal kiiña inyu béñge hisi.

8 Añgel i sébél ki me, i kal me le: “Nun-ki, i bikak bi gwét bi nke i pes ñombok i loñ, bi mboñ le hiun* Yéhôva a gwééne pes ñombok i loñ hi sôs.”

7 I nwii mi nyônôs mina mi ane i Kiñe Darius nyen Yéhôva a bi pôdôs Sakaria,+ i hilo hi nyônôs ina hi sôñ bôô, hala wee i sôñ Kislev.* 2 I bôt ba bé yééne i Bétel ba bi ep Sarézer ni Régem-Mélek lôñni bôt bé inyu yemhe Yéhôva le a unda bo loñgeñem,* 3 ba badak biprisi bi ndap* Yéhôva nu mintôñ mi gwét ni bapôdôl le: “Baa di* ee, di kôôba ki yén njal i sôñ i nyônôs itan,+ kiki di boñok hala a yé ngandak nwii len?”

4 Yéhôva nu mintôñ mi gwét a témb a pôdôs me, a kal le: 5 “Kal bôt ba loñ bobasôna lôñni biprisi le: ‘Mu 70 ma nwii+ ni bé sôga je,* ni eek i sôñ i nyônôs itan ni i sôñ i nyônôs isaambok,+ baa inyu yem toi nyen ni bé sôga je? 6 To i ngéda ni bé je, ni nyok, baa inyu bébomede bé nyen ni bé je, ni nyok? 7 Baa ni lamga bé nôgôl bibañga bi Yéhôva, bi a bi pot ni njel bapôdôl ba kôba,+ i ngéda bôt ba bé yééne i Yérusalem ni mu bitison bi nkéña nye, ba niñik ikété nsañ, ni i ngéda bôt ba bé yééne i Négeb ni i Séféla?’”

8 Yéhôva a témb a pôdôs Sakaria, a kal nye le: 9 “Lana nyen Yéhôva nu mintôñ mi gwét a nkal: ‘Ni kéés yaga ni telepsép,+ ni téñbe ki i undna gwéha+ lôñni konangoo bé ni bé. 10 Ni yoñ bañ yom i yik muda ni njel malôga, to i man nyuu,*+ to i nkén mut,+ to i hiyeyeba;+ ni hoñlene bañ to bé ni bé béba mu miñem minan.’+ 11 Ndi ba bi tjél sédi maôô,+ ba kôm yaga me mbus,+ ba yip ki maôô map le ba emble bañ.+ 12 Ba bi lédés miñem nwap kiki diamañ,+ ba tjél ki nôgôl mbén* ni bibañga Yéhôva nu mintôñ mi gwét a bi kal bo ni njel bapôdôl ba ngéda kôba,+ ba ba bééna mbuu wé. Jon Yéhôva nu mintôñ mi gwét a bi unup ngandak.”+

13 “‘Kiki ba bi emble bé me i ngéda me* bé sébél bo,+ hala ki nyen to me, me bi emble bé bo i ngéda ba bé sébél me,’+ hala nyen Yéhôva nu mintôñ mi gwét a nkal. 14 ‘Me bi gwélél ki mbuk mbebi inyu tjam bo mu biloñ gwobisôna bi ba bé yi bé.+ I mbus yap, loñ i bi yik yégle hôlô, mut nye ki nye a bé tagbene ha bé mu, to témb nyoo;+ inyule ba bi boñ le loñ ilam i yila loñ i i nkônha yaga woñi.’”

8 Yéhôva nu mintôñ mi gwét a bi témb a pôdôs me, a kal le: 2 “Lana nyen Yéhôva nu mintôñ mi gwét a nkal: ‘M’a sôñ yaga Siôn bañga lisôñôk,+ me sôñ ki nye ni hiun hikeñi.’”

3 “Lana nyen Yéhôva a nkal: ‘M’a témb i Siôn,+ me yééne ki i Yérusalem.+ Ba ga sébél Yérusalem le tison maliga,*+ ba sébél ki hikôa hi Yéhôva nu mintôñ mi gwét le hikôa hipubhaga.’”+

4 “Lana nyen Yéhôva nu mintôñ mi gwét a nkal: ‘Mimañ mi bôlôm ni mimañ mi bôda mi ga témb mi yén i bahoma ba Yérusalem, hiki wada ni ntoñgo wé i woo inyule a ñun ngandak.*+ 5 Yak bahoma ba tison ba ga ba nyonok ni boñge bôlôm lôñni boñge bôda ba ba ntuk mu tison.’”+

6 “Lana nyen Yéhôva nu mintôñ mi gwét a nkal: ‘To ibale bôt ba litén, ba ba nyégle mu dilo di, b’a hoñol le hala a nla bé bôña, baa yak inyu yem, hala a nla bé bôña?’ Hala nyen Yéhôva nu mintôñ mi gwét a mpot.”

7 “Lana nyen Yéhôva nu mintôñ mi gwét a nkal: ‘M’a tohol litén jem, me pémés jo mu biloñ bi yé i pes likôl ni mu biloñ bi yé i pes hiôñg.*+ 8 M’a témbna bo i Yérusalem,+ ba yééne ki nyoo. Ba ga yila litén jem, me yila ki Nyambe wap,+ nu maliga ni nu telepsép.’”

9 “Lana nyen Yéhôva nu mintôñ mi gwét a nkal: ‘Ni bana ñem ngui,*+ a bé ba ni ñemble i bibañga bini bi mpémél i manyo ma bapôdôl,+ bibañga ba bi pot i kel ba bé tek hikuu hi ndap Yéhôva nu mintôñ mi gwét, inyu oñ témpel. 10 Inyule i ngéda bisu, to mut binam, to lém, ba bé kôhna bé nsaa;+ yak i mut a bé boñ bibôlô gwé bi hiki kel a bééna bé nsañ, hala kiki ñoo a bé; inyule me bé boñ le hiki mut a telbene nuu numpe.’

11 “‘Ndi ibôdôl nano, i bôt ba litén ba ba nyégle, m’a boñ ha bé bo kiki me bé boñ i ngéda kôba,’+ hala nyen Yéhôva nu mintôñ mi gwét a mpot. 12 ‘Inyule ba ga nwes mbôô ikété nsañ;* nkôô wai u ga num matam mé, hisi hi ti bijek gwé,+ yak ngii i ti manwee mé. I bôt ba litén ba ba nyégle, m’a boñ le ba kôdôl i gwom bini gwobisôna.+ 13 A bé bôt ba litén* li Yuda ni li Israel, nlélém kiki bôt ba biloñ bipe ba bé sima bé inyu tiihe bôt bape,+ hala ki nyen ba ga sima bé inyu sayap bôt bape.+ Ni kon bañ woñi!+ Ni bana ñem ngui.’*+

14 “Inyule lana nyen Yéhôva nu mintôñ mi gwét a nkal: ‘“Nlélém kiki me bi kit le me nlona béba i ngii nan inyule basôgôlsôgôl banan ba bi unbaha me, ndi me bi tam bé,”+ hala nyen Yéhôva nu mintôñ mi gwét a nkal, 15 hala ki nyen me nkit nano le m’a boñ Yérusalem ni litén li Yuda loñge.+ Ni kon bañ woñi!”’+

16 “‘I mam mana mon ni nlama boñ: Ni kalna maliga bé ni bé;+ yak i ngéda ni nkéés mu manwemel manan, ni pémés mbagi i i nit maliga ni nsañ.+ 17 Ni hoñlene bañ bé ni bé mam mabe mu miñem minan,+ ni gwés bañ to kum soñ bitembee,+ inyule me ñoo i mam mana momasôna,’+ hala nyen Yéhôva a mpot.”

18 Yéhôva nu mintôñ mi gwét a bi témb a pôdôs me, a kal le: 19 “Lana nyen Yéhôva nu mintôñ mi gwét a nkal: ‘Sôga je* i sôñ i nyônôs ina,+ sôga je i sôñ i nyônôs itan,+ sôga je i sôñ i nyônôs isaambok+ lôñni sôga je i sôñ i nyônôs jôm+ bi ga ba mangéda ma mahak ni ma maséé inyu litén li Yuda, hala wee mangéda ma mangand.+ Jon ni gwés maliga ni nsañ.’

20 “Lana nyen Yéhôva nu mintôñ mi gwét a nkal: ‘I ga pam ngim ngéda le matén ni bôt ba ngandak bitison ba loo. 21 Bôt ba tison yada ba ga ke yak bôt ba tison ipe, ba kalak le: “Bôga bés, di kenek i yemhe* Yéhôva le a unda bés loñgeñem. Bôga bés, di kenek i yéñ Yéhôva nu mintôñ mi gwét. Yak bés di yé i ke nyoo.”*+ 22 Ngandak matén ni mimpémba mi biloñ bi ga lo i yéñ Yéhôva nu mintôñ mi gwét i Yérusalem,+ bi yemhe* ki Yéhôva le a unda bo loñgeñem.’

23 “Lana nyen Yéhôva nu mintôñ mi gwét a nkal: ‘Mu dilo di nyen jôm li bôlôm, ba ba nlôl mu matén+ ma dilémb tjodisôna, ba ga gwel mbot* i man Lôk Yuda ni ngui, ba kalak le: “Di nsômbôl ke ni bé,+ inyule di bi nok le Nyambe a yé lôñni bé.”’”+

9 Lipôdôl li Nyambe lini:

 3 Tir a bi ôñôl nyemede lisolbene.*

 4 Nuna-ki! Yéhôva a ga yoñ gwom gwé gwobisôna.

 9 A ngond Siôn, hagak!

A ngond Yérusalem, leñek diléla!

Nun-ki! Kiñe yoñ i yé i lo i weeni.+

Mimpihlôñgô mi bajogwét mi ga ba ha bé.

A ga añle biloñ nsañ.+

12 A bé bôt ba mok ba ni ntééda botñem, témba i lisolbene li ngui.+

Me nkal yaga we i len ini le:

‘A muda,* m’a timbhe we ngaba yoñ bisai ngélé iba.+

13 Inyule me ga nimbil* Yuda kiki me nimbil mpihlôñgô wem.

10 “Ni bat Yéhôva nop i ngéda banop ba nsôk.*

 2 Inyule banyambe ba mahaa* ba mpot bitembee.

Inyu hala nyen bôt ba litén ba nyôm.

Ba nok ndutu inyule ba gwé bé ntééda bémba.

I ngéda bon bap ba ga tehe hala, ba ga kon maséé.

Miñem nwap mi ga hak inyu Yéhôva.+

Ndip malép ma Nil momasôna ma ga sa kweñ.

 2 A e junipa* lond makeñi, inyule e sidar i nkwo!

Bie bikeñi bi ntjiba!

4 “Lana nyen Yéhôva Nyambe wem a nkal: ‘Tééda mintômba nwem mi mi nlama nôla,+ 5 i bet ba nsomb nwo, ba nol nwo,+ ndi ba nkôhna bé kogse. I bôt ba nuñul nwo+ ba nkal le: “Yéhôva a kôli ni bibégés inyule me ga yila ngwañ.” Yak batééda bap ba nkônôl bé nwo ngoo.’*+

6 “‘Inyule me ga kônôl ha bé bôt ba loñ ngoo,’ hala nyen Yéhôva a mpot. ‘Inyu hala nyen me ga boñ le hiki mut a kwoo i moo ma mut wé libôk ni i moo ma kiñe yé; ba ga nyugut loñ, me ga kobol bé bo i moo map.’”

7 A bé mintômba mi mi nok njôghe, inyu nan nyen me bi bôdôl tééda bémba i i nlama nôla.+ Jon me bi yoñ mintoñgo ima, wada me sébél wo le Bilama, unu umpe, me sébél wo le Adna,+ me bôdôl ki tééda mintômba. 8 Me bi luhul batééda mintômba baa sôñ yada, inyule me bi waa hônba bo, yak bo ba oo me. 9 Me kal ki le: “Me ga tééda ha bé me bé. I ntômba u yé bebee ni wo, u wok; u u yé bebee ni tjiba, u tjibga. Ndi mi mi nyégle, mi jena minsôn nwo ni nwo.” 10 Jon me bi yoñ ntoñgo wem le Bilama,+ me bôk ki wo ngéñ ngéñ, hala nyen me bi mélés malômbla me bi boñ ni litén jem jolisôna. 11 I malômbla ma, ma bi mal i kel i; ha nyen i mintômba mi bé nok njôghe, mi béñgege me, mi bi yi le bañga i Yéhôva i.

12 I mbus, me kal bo le: “Ibale hala a nene loñge i mis manan, ni saa me; ndi ibale hala bé, ni téédaga wo.” Ha nyen ba bi saa me 30 ma batjañtjañ ba silba.+

13 Yéhôva a kal me le: “Baa ba ntehe le i moni mi nwon mi kôli ni me?+ Ke leñ i ngandak moni i, i nkuu makébla.” Ha nyen me bi yoñ 30 ma batjañtjañ ba silba, me leñ bo i nkuu makébla u ndap Yéhôva.+

14 I mbus, yak ntoñgo wem u nyônôs iba le Adna,+ me bôk wo ngéñ ngéñ, hala nyen me bi boñ le Yuda ni Israel ba nôgla* ha bañ.+

15 Yéhôva a kal ki me le: “Nano yoñ bisélél bi ntééda mintômba nu a nyi bé boñ bôlô yé.+ 16 Me ga nwas le ntééda mintômba a telep mu loñ. A ga tééda bé mintômba mi mi yé bebee i wo;+ a ga yéñ bé to bon ba mintômba, to tibil mi mi mbabaa,+ to jés mi mi nla telep. Ndi a ga mil minsôn mi mintômba mi mi gwé mahoñ,+ a nup ki bipal gwap.+

17 Ngoo ni ntééda mintômba wem nu a nsal bé loñge,+ nu a ntjôô bémba!+

Pansoñ i ga bép woo wé ni jis jé li walôm.

12 Lipôdôl li Nyambe lini:

2 “Me nunu me yé i yilha Yérusalem libôndô* li wai, li li mboñ le biloñ bi ndiñg; baoo b’a kéña Yuda, ba kéña ki Yérusalem.+ 3 I kel i, m’a yilha Yérusalem ngok i nyét* inyu matén momasôna. Ba bobasôna ba ga yéñ le ba pa yo ba ga bep babaa;+ yak biloñ gwobisôna bi nkoñ ’isi bi ga kodba inyu jôs nye.”+ 4 Yéhôva a mpot le: “I kel i, m’a bép hiki hosi, i yôm; me bép yak hiki mut a yé i ngii hosi, a kônd njék. Jis jem l’a ba i ngii litén* li Yuda, ndi m’a kwés bihosi gwobisôna bi matén ndim. 5 Baane* ba Yuda b’a kal le: ‘Bôt ba Yérusalem ba yé ngui yés i i nlôl ni Yéhôva nu mintôñ mi gwét.’+ 6 I kel i, m’a boñ le baane ba Yuda ba yila kiki séya i i yé nyonok ni hié, i bak i ñemkété nwind u tjéé; m’a boñ ki le ba yila kiki nwai u hié ikété mimbom mi kôn ba nkit,+ ba ga ligis matén momasôna ma yé bo ipañ i pes walôm ni i pes waé;+ bôt ba Yérusalem b’a ke ni bisu i yééne i homa wap,* ñ, ikété Yérusalem.+

7 “Yéhôva a ga tohol ndugi mandap ma mabadô ma Yuda, inyu boñ le lipém* li mbôda* David ni lipém* li bôt ba Yérusalem li loo bañ lipém* li bana bôt bape ba Yuda. 8 I kel i, Yéhôva a ga sôñ bôt ba Yérusalem.+ I kel i, i mut a nlôôha bomb* ipôla yap a ga ba kiki David, yak mbôda David i ga éga bo kiki Nyambe, kiki añgel i Yéhôva i i mbôk bo i bisu.+ 9 I kel i, m’a tjé yaga biloñ gwobisôna bi bi nlo i kolba Yérusalem.+

10 “M’a kôp mbuu wem i ngii mbôda* David ni i ngii bôt ba Yérusalem inyu boñ le ba lémél me, ba yemhe ki me. B’a béñge nu ba bi ôm likoñ,+ b’a ee nye kiki ba ñee mpom man munlôm; b’a ee nye ngandak kiki ba ñee man munlôm nu a yé mbôkgwéé. 11 I kel i, maéya ma ga ba ngandak i Yérusalem kiki maéya i Hadadrimôn, i tegep mbok Mégidô.+ 12 Loñ i ga ee, hiki lihaa i yé pes: mbôda David i yé pes, yak bôda bap i yap pes; mbôda Natan+ i yé pes, yak bôda bap i yap pes; 13 mbôda Lévi+ i yé pes, yak bôda bap i yap pes; mbôda Siméi+ i yé pes, yak bôda bap i yap pes; 14 mana mahaa momasôna ma nyégle, hiki lihaa i yé pes, yak bôda bap i yap pes.

13 “I kel i, ba ga tém bee malép inyu mbôda* David ni bôt ba Yérusalem, inyu pubus bo ni béba yap lôñni nyega yap.+

2 Lana nyen Yéhôva nu mintôñ mi gwét a mpot: “M’a sas môl ma bisat gwobisôna mu loñ,+ mut to wada a ga hoñol ha bé ki mo. M’a héya bapôdôl mu loñ,+ me héya ki mahoñol ma nyega.* 3 Ndi ibale mut a ntémb a pot mbañ bitembee, isañ bo nyañ ba ba bi gwal nye, ba ga kal nye le: ‘U ga niñ bé, inyule u mpot bitembee i jôl li Yéhôva.’ Isañ bo nyañ ba ba bi gwal nye, ba ga ôm nye pansoñ inyule a mpot mbañ bitembee.+

4 “I kel i, bapôdôl bobasôna ba ga wo nyuu inyu yiinda yap i ngéda ba ga pot mbañ; ba ga haba ha bé mbot yap mpôdôl*+ inyu lôk bôt. 5 Ha nyen ba ga kal le: ‘Me ta bé me mpôdôl. Me yé nsalnwom, inyule ngim mut i bi somb me i ngéda me bé mañge wanda.’ 6 Ndi ibale mut a mbat bo le: ‘I mambabaa mana ma yé we ipôla bituu* ma nlôl hee?’ Ba ga timbhe le: ‘Me bi kôhna i mambabaa mana i ndap mawanda mem.’”*

14 “Nun-ki! Hilo hi Yéhôva hi yé i lo, i hilo hi nyen b’a kap nkus ba bi yoñ i weeni.* 2 M’a kot biloñ gwobisôna le bi jôs Yérusalem gwét; ba ga yoñ tison, ba yoñ gwom bi mandap gwobisôna, ba nyégsaga ki bôda i lal ni bo. Pes yada i bôt ba tison i ga ke i minkôm, ndi i bôt ba nyégle mu, ba ga héya* bé bo mu tison.

3 “Yéhôva a ga pam, a jôs i biloñ bini gwét+ kiki a yé a njo i kel gwét.+ 4 I kel i nyen a ga téé makôô mé i ngii Hikôa Ôlivé,+ hi hi yé i mbombom Yérusalem, i pes likôl. Hikôa Ôlivé hi ga bôô bipes biba, ibôdôl i pes likôl* ipam i pes hiôñg,* ha nyen soso nsôsôgô a ga ba. Pes yada i hikôa i ga ke i pes ñombok, yak ii pes ipe i hikôa i ke i pes nwelmbok. 5 Ni ga ke ngwéé nyoo i nsôsôgô u u yé ipôla dikôa tjem, inyule nsôsôgô u u yé ipôla dikôa tjem u ga ke letee ni i Azel. Ni nlama ke ngwéé kiki ni bi ke nyeñg hisi ngwéé i dilo di kiñe Yuda le Ôsiya.+ Yéhôva a ga lo, yak bapubhaga bobasôna ba ga ba lôñni nye.+

6 “I kel i, mapubi m’a ba bé,+ yak mam ma ga telep.* 7 I kel ini i ga ba hilo hi tôbôtôbô; i ga yiba le hilo hi Yéhôva hi.+ Njamuha to juu bi ga ba bé; yak kôkôa, mapubi ma ga ba. 8 I kel i, malép ma ma nti niñ+ ma ga kuli, ma lôlak i Yérusalem;+ pes malép yada i ga ke i tuye* nu a yé nyoo i pes likôl,+ yak ini pes malép ipe i kee i tuye* nu a yé nyoo i pes hiôñg.+ I mam mana ma ga bôña i ngéda sép ni i ngéda mbéñ. 9 Yéhôva a ga ba Kiñe i hisi hiosôna.+ I kel i, Yéhôva nyetama nyen ba ga bégés,*+ yak jôl jé li ga ba jada.+

10 “Loñ yosôna i ga yila kiki Araba,+ ibôdôl i Géba+ letee ni i Rimôn,+ nyoo i pes nwelmbok i Yérusalem. Yérusalem a ga bédhana i nlômbi wé homa, bôt ba ga yééne ki mu+ ibôdôl i nwemel u Benyamin+ ikepam i nwemel u Bisu, letee ni i nwemel u Likas; ibôdôl ki i nwemel u Nkum ndap u Hananel+ letee ni i mawaa ma wai ma kiñe. 11 Ñ, bôt ba ga yééne mu; ba ga tiihe ha bé Yérusalem le a nlama tjiba,+ ndi bôt ba ga yén i Yérusalem ikété nwee.+

12 “Yéhôva a ga bép matén momasôna ma ma ga jôs Yérusalem gwét ni himala hini:+ Minsôn nwap mi ga bol, ba bak ba téé bitétéé; mis map ma ga bol ikété bihôk gwap bi mis, yak dilémb tjap di ga bol ikété manyo map.

13 “I kel i, Yéhôva a ga boñ le ba yôm bañga liyômôk; hiki mut a ga gwel woo u solôñ wé, a pa ki woo wé inyu jôs nye.*+ 14 Yak Yuda a ga jôp mu gwét nyoo i Yérusalem; ba ga kot nkus u biloñ gwobisôna bi bi yé ha ipañ: ngandak gôl, ngandak silba ni ngandak mambot.+

15 “Himala hipe kiki hini hi ga kwél bihosi, minyabén mi hosi,* kamél, magas, ni bilém gwobisôna bi bi ga ba nyoo i bahoma baoo ba nyééne.

16 “Hiki mut nu a ga yégle ikété biloñ gwobisôna, bi bi nlo i jôs Yérusalem gwét, a ga bet hiki nwii+ i tison inyu ôôp i bisu bi* Kiñe le Yéhôva nu mintôñ mi gwét,+ ni inyu tégbaha ngand Bilap.*+ 17 Ndi ikété biloñ gwobisôna bi hisi, ibale ngim mut i mbet bé i tison inyu ôôp i bisu bi Kiñe le Yéhôva nu mintôñ mi gwét, nop a ga nôl bé nye.+ 18 Ibale litén* li Égiptô li mbet bé i tison, li jôp bé to mu, nop a ga nôl bé jo. Ndi himala hi ga kwél jo, himala Yéhôva a ngwélél inyu bép biloñ bi bi mbet bé i tison inyu tégbaha ngand Bilap. 19 Hala a ga ba kogse inyu béba i Égiptô ni inyu béba i biloñ gwobisôna bi bi mbet bé i tison inyu tégbaha ngand Bilap.

20 “I kel i, bini bibañga le: ‘Libak lipubi li yé li Yéhôva!’+ bi ga ba ntilga mu mangeñee ma bihosi. Yak dibee*+ di di yé ikété témpel Yéhôva, di ga ba dipubhaga kiki biséya+ bi bi yé i bisu bi juu li bisesema. 21 Hiki hibee* hi yé ikété Yérusalem ni ikété Yuda hi ga ba hipubhaga, hi ba ki hi Yéhôva nu mintôñ mi gwét; i bôt bobasôna ba nti bisesema ba ga jôp, ba gwélél dibee dihogi mu inyu lamb binuga. I kel i, man Lôk Kanaan* a ga ba ha bé ikété témpel Yéhôva nu mintôñ mi gwét.”+